‘பன்றியை’ தாண்டுங்கள்...! பத்து லட்சம் வெல்லுங்கள்...! !.

நண்பர்களே...
‘கோவா திரைப்பட திருவிழாவில்’ மிக முக்கியமான அம்சம் ஒன்று இருக்கிறது.
‘உலக சினிமாவை’ இந்தியாவில் உருவாக்க இந்திய அரசின் நிறுவனங்களும், பல்வேறு வெளி நாட்டு நிறுவனங்களும் கோடிக்கணக்கில் பணத்தை வழங்க காத்திருக்கின்றன.

‘பிலிம் பஜார்’ என்ற பிரிவில்,
இத்தகைய வாய்ப்பை வழங்குகிறார்கள்.
ஒரு படைப்பாளியாக...நீங்கள் செய்ய வேண்டியது இதுதான்.
‘உலக சினிமா’ தரத்தில் ஒரு திரைக்கதையை தயார் செய்யுங்கள்.
திறமையான தொழில் நுட்பக்கலைஞர்களையும் தேர்வு செய்யுங்கள்.
முழு படத்தையும் உருவாக்க தேவையான பட்ஜெட்டை கணக்கிடுங்கள்.
கோவா திரைப்பட விழாவுக்கு வந்து  ‘பிலிம் பஜாரில்’ சமர்ப்பியுங்கள்.

சமர்ப்பிக்கப்படும் திரைக்கதைகளில்,
சிறந்ததை தேர்வு செய்து, அதற்கு  ‘கோவா திரைப்பட திருவிழா’ சார்பாக ரூபாய் ‘பத்து லட்சம்’ பரிசாக வழங்குகிறார்கள்.
முதல் பரிசு கிடைக்கும் திரைக்கதைக்கு,
படமாக்க தேவையான  ‘பணம்’ கிடைப்பது நிச்சயம்.

உங்கள் திரைக்கதை எப்படி இருக்க வேண்டும்?
‘பன்றியை’ தாண்ட வேண்டும்.
‘இந்திய திரைப்படங்களின் உச்சங்களில்’ ஒன்றாக இருக்கும் ‘பன்றியை’ தாண்டுவது எளிய பயிற்சி அல்ல...
அதற்கு ஏணியில் ஏறினால், முடியாது.
‘எவரெஸ்டில்’ ஏற வேண்டும்.

Fandry | Marathi | India | 2013 | 103 min | Directed by : Nagraj Manjulle.

‘தலைமுறைகள்’,  ‘தங்க மீன்கள்’ தரத்தில்  ‘திரைக்கதை’ இருந்தால்,
‘திருநீரு’ கூட கிடைக்காது.
‘சுடுகாட்டுச்சாம்பலில் சிற்பம் வடிக்க முடியாது’ என ‘நக்கீரன்கள்’ அறிவார்கள்..

தேர்வுக்கமிட்டி ‘நக்கீரன்கள்’,
வந்திருப்பது  ‘இறையென்று’ அறிந்தாலும்’...
‘நெற்றிக்கண்ணை’ திறந்து  ‘காட்டினாலும்’...
‘பழுதான திரைக்கதைக்கு’ பரிசு கொடுக்க மாட்டார்கள்.
அவர்கள் ‘சென்னை திரைப்பட விழாக்குழுவினர்’ அல்ல.
மிரட்டியவுடன் பயந்து, ‘தங்க மீன்களுக்கு’ பரிசை தாரை வார்க்க.

தமிழில் ‘உலக சினிமா’ படைக்க காத்திருக்கும்  'உத்தம படைப்பாளிகளே'...
2014 கோவா திரைப்பட விழாவுக்கு,
வாருங்கள்...வெல்லுங்கள்...
என வாழ்த்தி, ‘நானும்’ வருகிறேன் !.

அடுத்தப்பதிவில் சந்திப்போம்.

தீதும் நன்றும் பிறர் தர வாரா / வரும் !

நண்பர்களே...
இளையராஜா ஓய்வெடுக்க வேண்டும் என ஒரு ‘ஓட்டை வாய் ஓணான்’ சொல்லுச்சு!
உடனே சில ‘பேஸ்புக்’ ஜால்ராக்கள்  ‘ஜைங் ஜக்’ போட்டது.
எந்த நேரத்துல இந்த ‘சனியன் சகடை’   ‘சாக்கடை வாயை’ திறந்துச்சோ...
தெரியல...
உலகம் போற்றிய உயர்ந்த இசையை  ‘ஓநாய்க்கு’ கொடுத்தவர்... ஆஸ்பத்திரியில படுத்துட்டாரு!

மானம்...ரோஷம்..சூடு..சுரணை உள்ள ஒருத்தன் தேடிப்போய்...
செருப்பை எடுத்து  ‘ஓணான் செவுளை’ பேத்து...
 ‘சாக்கடை வாயை’  ‘சாத்தி’ இருந்தான்னா...
அது  ‘தீதும் நன்றும் பிற தர வாரா’.

இயக்குனர் ‘லேவ் டியாஸ்’  ‘தீதும் நன்றும் பிறர் தர வாரா / வரும்’ என இரண்டையுமே சொன்ன படமே.
 ‘நோர்டி, த எண்ட் ஆஃப் ஹிஸ்டரி’.
இன்றைய சமுதாயச்சூழலில் ‘இரண்டுமே’ நடக்கிறது.
இந்த ‘யதார்த்தத்தை’ படமாக்கி இருக்கிறார் ‘லேவ் டியாஸ்’.

அன்பான...அழகான...அருமையான கணவன் - மனைவி.
 ‘சித்தாந்தத்தால்’ உந்தப்பட்ட  ஒருவன் செய்த  ‘இரட்டை கொலையால்’,
 ‘அப்பாவி’ கணவன் சிக்குகிறான்.
செய்யாத குற்றத்திற்காக  ‘அரசுச்சிறையில்’ சித்திரவதைப்படுகிறான் கணவன்.
செய்த குற்றத்திற்காக  ‘மனச்சிறையில்’ சிதிலமடைகிறான் ‘சித்தாந்தவாதி’.
குழந்தை குட்டியோடு ‘சமுதாயச்சிறையில்’ சிக்கி சீரழியாமல் இருக்க போராடுகிறாள் மனைவி.
இந்த  ‘முக்கோணத்தில்’ பயணிக்கிறது இத்திரைக்கதை.

விசா இல்லாமல்...விமானம் இல்லாமல்....
பார்வையாளனை பிலிப்பைன்ஸ் கூட்டிச்செல்கிறார் லேவ் டியாஸ்.
 ‘இருநூற்று ஐம்பது நிமிடம்’ அங்கேயே வாழ வைக்கிறார்.
வாழ்நாள் முழுக்க ‘அசை போட’ அபூர்வ தருணங்களை அள்ளி அள்ளி திணித்து அனுப்புகிறார்.
 ‘ஆயிரம் தலைமுறைகளை கவரும் அபூர்வ சிந்தாமணி’ ‘லேவ் டியாஸ்’.

‘சித்தாந்தவாதியின்’ சிந்தனைகள்... சி த ற லா கி... வெடித்து சிதறுகிறான்.
 ‘சிதறியவன்’ ‘சொந்த சகோதரியையே’ கற்பழிக்கிறான்.
இந்த வன்முறைக்காட்சியை ‘லேவ் டியாஸின்’ ஆளுமை அற்புதமாக காட்சிப்படுத்துகிறது.

கேமரா,  ‘வன் கலவி’ நடக்கும் அறைக்கு வெளியிலே தயங்கி நின்று விடுகிறது.
சகோதரியின்  ‘கதறல்’...
சித்தாந்தவாதியின்  ‘மூச்சிறைப்பு’...
கட்டிலின் ‘க்றீச்...க்றீச்...’
இவைகள்தான் ‘அறைக்குள்’ நடக்கும் அவலத்தை அம்பலப்படுத்துகிறது.
‘கற்பழிக்கப்பட்டவள்’.... ‘கற்பழித்தவன்’....
இருவர் மேலும் இரக்கத்தை...
ஏற்படுத்திய ஒரே படம் இதுதான்.

ஒரு படைப்பாளி கையில் ‘அபரிமிதமான காசு’ இருந்தால்,
அவனது படைப்பில் ‘கிரியேட்டிவ்’ இருக்காது.
உ.ம் : மிஷ்கினின் ‘முகமூடி’.
காசு இல்லேன்னாதான் ‘கிரியேட்டிவ்’ கொடி கட்டி பறக்கும்.
ஹெலிகாப்டர் மூலம் எடுக்கப்பட வேண்டிய ஒரு ‘ஷாட்டை’ ...
‘ரிமோட் மூலம் இயங்கும் பொம்மை ஹெலிகாப்டர்ல’...
கேமராவை ‘பிக்ஸ்’ பண்ணி ’ஷூட்’ பண்ணி அசத்தி இருக்காரு
‘லேவ் டியாஸ்’.

கேட்ட காசை அள்ளிக்கொடுக்க ‘சசிகுமார்’ என்ற  ‘சீவக சிந்தாமணி’... சிரிப்போடு காத்திருக்க...
என்  ‘தலைமுறை படைப்பாளி’ அள்ளித்தெளித்ததில்...
‘அவலம்தான்’ இருக்கிறது.
நம்ம ஆளு  ‘கிரியேட்டிவை’ பாருங்க...

மருத்துவ மனை காட்சி...
‘ஏதோ ஒரு கட்டிடத்தை’  ‘ஆஸ்பத்திரியாக்கணும்’.
ரெண்டு ஜூனியர் ஆர்ட்டிஸ்ட் ‘ஜிகு ஜிகுன்னு’ பெங்குயின் மாதிரி நடந்து ‘கட்டிடத்தை’ விட்டு வெளியில போவாங்க...

மீண்டும் அதே மருத்துவ மனை காட்சி...
அதே, ரெண்டு ஜூனியர் ஆர்ட்டிஸ்ட் ‘ஜிகு ஜிகுன்னு’ பெங்குயின் மாதிரி நடந்து ‘கட்டிடத்துக்கு’ உள்ளே போவாங்க...

வாய் மட்டும் காது வரை கிழியுது....
‘என் படத்தை  ‘இரான் படமே’ எட்டி பிடிக்க முடியாது’.
ஆனா,  ‘கிரியேட்டிவிட்டி’ கிழிஞ்சு தொங்குது!

வராது...வராது...நம்ம ஆளுங்களுக்கு ‘உலக சினிமா’ எடுக்க வராது...

ஏன் வரணும்?...எதுக்கு வரணும்?...

ஏண்டா...ஏண்டா....ஏஏஏஏஏஏஏஏண்ண்ண்ண்ண்ண்ண்டா.

அய்யோ...இப்படி தனியா புலம்ப வுட்டுட்டானுவளே...

எப்பா...நீ எங்க இருக்க?

‘தொலை தூரத்தில் வெளிச்சம்’  என ஏ.ஆர் ரஹ்மான் குரல் காதில் நம்பிக்கை பாய்ச்சுகிறது.
‘லேவ் டியாஸ்’ போன்று ‘காலத்தை விஞ்சும் படைப்பாளியாக, ‘உருவாக...உருவாக்க’ காத்திருக்கிறேன்.

லேவ் டியாஸ் - 11 மணி நேரம் ஓடும் ‘திரைப்பட காவியத்தின்’ நாயகன் !

நண்பர்களே...
கோவா திரைப்பட விழாவில்,
நான் பார்த்து வியந்த இயக்குனர் ‘லேவ் டியாஸ்’ [ Lav diaz ] .
 ‘கோவா திரைப்பட திருவிழா அட்டவணை’,
 ‘பிலிப்பைன்சை’ சேர்ந்த படைப்பாளி ‘லேவ் டியாஸ்’ இயக்கிய
‘நோர்டே த எண்ட் ஆப் ஹிஸ்டரி’ என்ற படம்...
‘மாஸ்டர் ஸ்ட்ரோக்’ [ Master Strokes ] என்ற பிரிவில் திரையிடப்படுவதாக அறிவித்தது.

Norte, The End of History [ Norte, Hangganan Ng Kasaysayan ] | Phillippines | 2013 | 250 min | Directed by : Lav Diaz. 

படத்தின் நேரம்  ‘250 நிமிடம்’ என்றதும் சற்று பயந்தேன்.
 ‘இந்த நேரத்திற்குள் இரணடு படங்கள் பார்த்து விடலாம்’ என  ‘கனியிருப்ப காய்களை கவர’ சபலப்பட்டேன்.
அருகில் இருந்த என் நண்பன் எச்சரித்தான்.
“ அய்யய்யோ...இவர் மாஸ்டர்...
இவரோட எல்லா படமும் 7 மணி நேரத்துக்கு மேல ஓடும்.
ஒரு படத்துக்காக, ஒரு  குடுமபத்தோட வாழ்க்கையை 12 வருடம் ‘லைவா’  ஷூட் பண்ணி,
எடிட் பண்ணி... 11 மணி நேரம் ஓடக்கூடிய  காவியமா கொடுத்தவர்.
நான் இவரோட படம் எல்லாமே பார்த்து இருக்கேன்.
எல்லாமே ‘பிளாக்&ஒயிட்தான்’...
இந்தப்படம்  ‘கலர்ல’ எடுத்து இருக்கார்...
கட்டாயம் இந்தப்படத்துக்கு போறோம்” என கட்டளையிட்டான்.

ஏகப்பட எதிர்பார்ப்போடு சென்ற என்னை ஏமாற்றியது ‘தலைமுறைகள்’.
இந்தப்படமும் ஏமாற்றியது...ஆனால்  ‘என் இனிய ஏமாற்றம்’.
நான் எட்டி பார்க்காத எரிமலையாய்...
கற்பனை செய்யாத களஞ்சியமாய் இருந்தது படம்.

நண்பர்களே....இந்தப்படம் பார்த்ததும் நான் எடுத்த முடிவு...
‘இப்படிப்பட்ட ஒரு படைப்பை படைக்க வேண்டும்.
முடியாவிட்டால் இது போன்ற படங்களை பார்த்துக்கொண்டே செத்து விட வேண்டும்’.

சாதாரண  ‘டிஜிடல் ஹேண்டி கேமராவில்தான்’ இந்தப்படத்தை எடுத்து இருக்கிறார்.
ஆனால் ஒவ்வோரு ஷாட்டையும், ‘வான்கோ  ஓவியம்’ போல் வரைந்து இருக்கிறார்.

எல்லா சவுண்டையும்,  ‘லைவா ரெகார்ட்’ பண்ணி...
உபயோகப்படுத்தி இருக்கிறார்.
அதனால்தான் படம் அத்தனை உயிர்ப்புடன் இருக்கிறது.

நடிகர்களை  ‘நடிக்கவே’ விடவில்லை.
வாழ வைத்து இருக்கிறார்.

காட்சி ரீதியாகவும்...வசன ரீதியாகவும் அவர் சித்தரிக்கும் ‘குறியீடுகள்’ அனைத்தும் அழகானவை...அற்புதமானவை...அர்த்தமானவை.
அவைகளுக்கு  ‘கோனார் நோட்ஸ்’ தேவைப்படவில்லை.

ஒரு காட்சியில்,
பார்வையாளர்களுக்கு விளங்கி விட்ட விஷயத்தை...
‘பார்வையாளர்களை முட்டாள்கள்’ எனக்கருதி...
மற்றொரு காட்சியில் மீண்டும் அந்த விஷயத்தை வசனத்தில் விளக்கும்
‘அபத்த விளக்கெண்ணையை’ இப்படத்தில் நீங்கள் எங்கும் காண முடியாது.

காட்சிகள் ‘திருக்குறளாய்’ இருக்கும்...
‘நாலடியாராய்’ இருக்கும்...
ஏன் ‘பெரிய புராணமாய்’  பெருசா கூட இருக்கும்.
ஆனா, ஒரு காட்சி கூட துவள வைக்காது...
துடிக்க வைக்கும்.
 ‘எனர்ஜியை’ ஏத்திகிட்டே இருக்கும்.

 ‘கண்களால்’ கதையை சொன்ன பிறகு,
‘கையெடுத்து கும்பிட்டு’ பார்வையாளனை உதைக்கும் ‘உடல் மொழி’ இருக்கவே இருக்காது  ‘லேவ் டியாஸ்’ படத்தில்.

லேவ் டியாசின் படைப்புகள் பற்றிய விபரம்...
[தகவல் உபயம் : விக்கிப்பீடீயா ]

Filmography[edit]

Year	Original Title	English Title	Notes
1998	Serafin Geronimo: Kriminal ng Barrio Concepcion	The Criminal of Barrio Concepcion
1999	Burger Boys
	Hubad sa Ilalim ng Buwan	Naked Under the Moon
2001	Batang West Side	West Side Kid	NETPAC Award - Cinemanila International Film Festival
2002	Hesus, Rebolusyunaryo	Jesus, Revolutionary
2004	Ebolusyon ng Isang Pamilyang Pilipino	Evolution of a Filipino Family
2006	Heremias (Book One: The Legend of the Lizard Princess)
2007	Kagadanan Sa Banwaan Ning Mga Engkanto	Death in the Land of Encantos	NETPAC Award - Jeonju International Film Festival
2008	Melancholia		Orizzonti Grand Prize at the 65th Venice International Film Festival
2009	Walang Alaala ang mga Paru-Paro	Butterflies Have No Memories
2011	Babae ng Hangin	Woman of the Wind
	Siglo ng Pagluluwal	Century of Birthing	Grand Jury Prize - Cinemanila International Film Festival
	Elehiya sa Dumalaw Mula sa Himagsikan	Elegy to the Visitor from the Revolution
2012	Florentina Hubaldo, CTE		NETPAC Award - Jeonju International Film Festival
2013	Norte, Hangganan ng Kasaysayan	Norte, the End of History	entered in the Un Certain Regard section of 2013 Cannes Film Festival will be shown in the Masters section of 2013 Toronto International Film Festival part of the main slate of 2013 New York Film Festival

என் தலைமுறையில், ‘வீடு’ கட்டி வாழ்ந்தவர்,
இந்த ‘தலைமுறைக்கு...
‘காலாவதியான கணக்கை’ கற்பிக்கும் ‘முன்னாள்’ வாத்தியார் பாதங்களில்  இப்பதிவை சமர்ப்பிக்கிறேன்.

‘லேவ் டியாசின்’ திரைப்படத்திலுள்ள சிறப்பம்சங்களை,
அடுத்தப்பதிவிலும் தொடர்கிறேன்.

படத்தின் முன்னோட்டத்தை காணொளியில் காண்க...

பெற்றால்தான் பிள்ளையா?

நண்பர்களே...
கோவோ திரைப்பட திருவிழாவில்   ‘போட்டி பிரிவில் கலந்து கொண்டு’
ஒட்டு மொத்த ரசிகர்களின் ஆதரவையும்...கரகோஷத்தையும் அள்ளிய படம் ‘லைக் பாதர், லைக் சன்’.

இந்தப்படத்திற்கு கோவா திரைப்பட திருவிழாவில் ஒரு விருது கூட வழங்க மாட்டார்கள் என மிகச்சரியாக கணித்தேன்.
ஊரறிந்த பார்ப்பானுக்கு எதுக்கு பூணுல்?
கொரீதாவிற்கு எதற்கு கீரீடம்?

Like Father, Like Son | 2013 | Japan | Directed by : Hirozu Koreeda.  

இயக்குனர் கொரிதாவின் மற்றொரு  ‘முன்னாள் மாஸ்டர்பீஸ்’,
‘நோபடி நோஸ்’ படத்துக்கு ஏற்கெனவே நான் பதிவெழுதி உள்ளேன்.
 ‘இந்நாள் மாஸ்டர்பீஸ்’ அந்தப்படத்தை விஞ்சி நிற்கிறது.
தன் படத்தை தானே தாண்டும் ’தாண்டவராயன்’ கொரீதா!.

கதை அப்படியே நம்ம ஊர் ‘பார் மகளே பார்’ கதைதான்.
கொரீதா சொல்லிய விதத்தில்  ‘பீம்சிங் படம்’ உலக சினிமாவாகி விட்டது.
ஒரு பணக்கார தம்பதிக்கும்...நடுத்தர வர்க்கத்து தம்பதிக்கும் பிறந்த குழந்தைகள் மருத்துமனையில்  ‘மாற்றப்பட்டு’ மாறி வளர்கின்றன.
ஒரு கட்டத்தில் உண்மை தெரிய வரும் போது,
வரும் பிரச்சினைகளை நயமாக...நாசூக்காக...நகைச்சுவையாக சொல்லி இருக்கிறார் இயக்குனர் கொரீதா.

இந்தக்கதையை காட்சிக்கு காட்சி  ‘நெஞ்சை நக்க’ வைத்து நாறடித்து விடுவார்கள் ‘நம்ம ஊரு தங்க மீன்கள்’.
குழந்தைகள் உலகத்தையும்...பெரியவர்கள் உலகத்தையும் எத்தனை எதார்த்தமாக சித்தரிக்கிறார் கொரிதா.
குழந்தைகளை மருத்துவமனையில் மாற்றிய நர்சை கூட வில்லியாக்காமல் ‘ஹேராம் கமல் போல்’...
‘ஓநாயின் பார்வையில்’ பார்த்து அதற்குரிய நியாயத்தையும் கற்பிக்கிறார் இயக்குனர் கொரீதா.

பணக்காரன் ‘கடமை...கண்ணியம்...கட்டுப்பாடு’ என கடைந்து...குடைந்து... குழந்தையை    ‘சாப்ட்வேராக்குகிறான்’.
‘சாப்ட்வேர்கள்’ சிந்திக்காது.

[ சாப்ட்வேர்கள் = திராவிடக்கட்சி தொண்டர்கள் ]

பணக்காரன், வாழ்க்கையை பளபளப்பாக்குவது பணமே என எண்ணி ‘எந்திரனாகிறான்’.
நடுத்தரன், வாழ்க்கையை வளமாக்குவது  ‘அபரிமிதமான அன்பே’ என வாழ்ந்து ‘மனிதனாகிறான்’.

மசாலா படங்களை  ‘மல்லு கட்டி’ ரசிக்கும் ரசிகர்களை கூட,
இந்தப்படம் வசீகரிக்கும் வல்லமை வாய்ந்தது.

உதாரணமாக இரு குடும்பங்களும் ஒரு நதிக்கரையில் கூடுவார்கள்.

 
குறியீடுகளுக்கு கோனார் நோட்ஸ் போடும் ‘தற்குறிகளை’ தலை குனிய வைக்க இந்த புகைப்படங்களே போதும்.

குழந்தை குட்டியோடு பார்த்து குதுகலிக்க அருமையான படம் மக்களே...
மிஸ் பண்ணிடாதீங்க!
பணம் இருப்பவர்கள் ஜப்பானுக்கு பறந்து போயாவது பார்த்து விடுங்கள்.
பணம் முக்கியமில்லை...இந்தப்படம் அவ்வளவு முக்கியம்.

பெற்ற விருதுகள்...[ தகவல் உபயம் IMDB ]

Asia Pacific Screen Awards 2013

Nominated Asia Pacific Screen Award	Best Film Kaoru Matsuzaki (producer) Hijiri Taguchi (producer)
	Achievement in Directing Hirokazu Koreeda

Cannes Film Festival 2013

Won Jury Prize	Hirokazu Koreeda
Won Prize of the Ecumenical Jury - Special Mention	Hirokazu Koreeda Tied with Miele (2013).
Nominated Palme d'Or	Hirokazu Koreeda

London Film Festival 2013

Won Best Film

Hirokazu Koreeda

Oslo Films from the South Festival 2013

Nominated Films from the South Award

Best Feature Hirokazu Koreeda (director)

San Sebastián International Film Festival 2013

Won Waki.TV Audience Award

Hirokazu Koreeda

கேரள திரைப்பட திருவிழாவுக்கு செல்கிறேன்.
பார்க்கும் படமெல்லாம் ‘லைக் பாதர். லைக் சன்’ போல் அமைய வாழ்த்துங்கள்.

அடுத்தப்பதிவில் சந்திப்போம்.   

தினமும் இறக்கிறாள்...பிறக்கிறாள்....அவள் அப்படித்தான்.

கோவா திரைப்பட திருவிழாவில், 'உலக சினிமா’ பிரிவில் திரையிடப்பட்ட படம்...

The Ravine of Goodbye | 2013 | Japan | Directed by : Tatsushi Ohmori

கல்லூரியில் படிக்கும் போது தனது நண்பர்களாலேயே கற்பழிக்கப்பட்ட பெண்...
அந்தத்துயரத்தை தூக்கி சுமந்து கொண்டே செல்கிறாள்.
செய்த பாவத்துக்கு பரிகாரமாக,
அந்தத்துயரத்தை துடைக்க...
அவள் போகுமிடமெல்லாம் துரத்தி துரத்தி போகிறான் ஒரு நண்பன்.
அவள்,‘புண்ணுக்கு புனுகு பூச வந்த புருஷனே போடா’ என்பாள் ஒரு கணம்.
‘வாழ்வளிக்க வந்த வசந்தமே வாடா’ என்பாள் மறுகணம்.
படத்தின் இறுதி வரைக்கும் இவர்கள் பயணம் இப்படியே தொடர்கிறது.

இறுதியில்,
ஓடிப்போகிறாள் அவள்...
‘அவள் அப்படித்தான்’.
தேடிப்போகிறான் அவன்.
‘அவனும் அப்படித்தான்’.

இப்படத்தின் திரைக்கதை, ‘வேறொரு புள்ளியில் துவங்கி’ நத்தையாக பயணித்து திணற வைக்கிறது.
இருந்தாலும் படத்தின் ஒவ்வொரு பிரேமும்,
நம்மை வசியப்படுத்தி ‘வழி காட்டி’ கூட்டிச்செல்கிறது.
‘அசாதரணமான சட்டகங்களில்’ அசத்தி இருக்கிறார் இயக்குனர். 

திரைக்கதை எழுதி இயக்கிய 'Tatushi Ohmori' உலக சினிமா இயக்குனர்களில் முக்கிய இடத்தைப்பிடிப்பார்.

இப்படம் ‘உண்மையான உலக சினிமா ரசிகர்களுக்கு’ உவகையளிக்கும்.
‘உள்ளொளியால்’ உளுத்துப்போய், உருக்குலைந்த உலக்கைகளுக்கு ‘உப்புக்கரிக்கும்’.

தமிழ் சினிமா டைட்டிலுக்கு ‘மலையாள எழுத்தை’ பயன்படுத்தலாமா?

கோவா திரைப்பட திருவிழாவில் ‘தேசிய திரைப்பட ஆவணக்காப்பகம்’ 

கண்காட்சி அரங்கு அமைத்து இருந்தனர்.

இந்திய மொழிகளில் வந்த சிறந்த திரைப்படங்களின் போஸ்டரை 

காட்சிப்படுத்தி இருந்தார்கள்.

தமிழ் படங்களில் வேதம் புதிது, ஏழாவது மனிதன், நெஞ்சத்தை கிள்ளாதே, 

பெரியார் போன்ற படங்களின் போஸ்டர் ‘தமிழில்’ இருந்தது.

இயக்குனர் ஜான் ஆப்ரஹம் இயக்கி வெளி வந்த ‘அக்மார்க் தமிழ் படமான’ 

‘அக்ரஹாரத்தில் கழுதை’ பட போஸ்டர் ‘மலையாளைத்தில்’ இருந்தது.
தமிழ் எழுத்தை மலையாளத்தில் மாற்றி ‘ஜெயமோகன்’ வேலை பார்த்த 

புண்ணியவான் யாரோ?

மனிரத்னத்தின் ‘அஞ்சலி’ பட போஸ்டரும் ‘இந்தி’ பதிப்புக்கானது.

இந்தத்தவறை தேசிய ஆவணக்காப்பகம் தொடர இனியும் நாம் 

அனுமதிக்கக்கூடாது.

தேசிய திரைப்பட ஆவண காப்பகத்துக்கு இது குறித்து மின்னஞ்சல் அனுப்ப 

முடிவு செய்துள்ளேன்.

பதிவுலக நண்பர்கள், இப்பணியைச்செய்ய வேண்டி விரும்பி 

கேட்டுக்கொள்கிறேன்.

உங்கள் குரல் ஒலிக்க வேண்டிய முகவரி :

National Film Archive of India,
P.O.Box No: 810,
Law College Road,
Pune - 411004.


nfaipune@gmail.com

கோவை டூ கோவா

நண்பர்களே...
கோவா திரைப்பட திருவிழாவில் 33 படங்களை மட்டுமே பார்க்கும் வாய்ப்பு கிட்டியது.
ஒரு நாளைக்கு மூன்று திரைப்படங்களை மட்டுமே பார்க்க அனுமதிச்சீட்டு வழங்குகிறார்கள்.

துவக்க நாளான 20-11-1013 அன்று கோவா அரசின் சிறப்பு அழைப்பாளர்களை மட்டுமே அனுமதிக்கிறார்கள்.
துவக்க நாள் படமாக ‘டான் ஜுவான்ஸ்’ திரையிடப்பட்டது.
உலக சினிமா இயக்குனர்களில் மிக முக்கியமான ஒருவரான ‘ஜிரி மன்ஸில்’ [Jiri Menzel ] இயக்கி இருந்தார்.
இவருக்கு வாழ்நாள் சாதனையாளர் விருதை வழங்கி ‘கோவா திரைப்பட திருவிழா’ பெருமை தேடிக்கொண்டது.

துவக்க விழாவை பார்க்க எனக்கு ஆர்வமேயில்லை.
ஆனால் துவக்க விழா படமான ‘டான் ஜூவான்ஸை’ எப்படியாவது பார்த்து விட வேண்டும் என திட்டமிட்டேன்.
துவக்க விழா நடைபெறும் அரங்கின் வாசலில் நின்று  ‘பிக்பாக்கெட்’ போல நோட்டமிட்டேன்.
சரியாக குறி வைத்து வலை வீசீனேன்.
 ‘மராத்திய மீன்’ சிக்கியது.
அவர் துவக்க விழாவுக்கு வரும் நடிகர்களை பார்க்க மட்டுமே வந்தவர்.
அவரிடம் இருக்கும் துவக்க விழா திரைப்படம் பார்ப்பதற்கான அனுமதிச்சீட்டை மிக்க மகிழ்ச்சியுடன் என்னிடம் கொடுத்தார்.
எனக்கு அனுமதிச்சீட்டு வழங்கிய  ‘மராத்திய கர்ணன்’,
ரஜினியை மிகவும் பாசத்துடன் விசாரித்தார்.
துவக்க விழாவில் கமல் கலந்து கொண்டது அவருக்கு ஏமாற்றம் அளித்திருக்கக்கூடும்.

கமல் கோவா திரைப்பட திருவிழா துவக்க விழாவில் கலந்து கொள்வது ‘நிகழ்ச்சி நிரலில்’ இல்லை.
ஆனால் அடுத்து நாள் கோவா பத்திரிக்கைச்செய்திகளில் கமலே முதன்மையாக இருந்தார்.
ஜிரி மன்ஸிலை புகழ்ந்து தள்ளியே தன்னை முன்னிலைப்படுத்திக்கொண்டார்.

துவக்க விழா திரைப்படத்தை துவக்கிப்பேச  ‘சுகாசினி’ வந்திருந்தார்.
சுருக்கமாக நான்கு வரிகள்தான் பேசினார்.
அவ்வளவு சுருக்கமான... மொக்கைப்பேச்சை உலகில் யாராலும் வழங்கி இருக்க முடியாது.

விழா நாயகர்  ‘இயக்குனர் ஜிரி மன்ஸிலின்’ ஜாலியான பேச்சு  அனைவரையும் வசீகரித்தது..
ஆனால் அவரது படம் ‘டான் ஜூவான்’ வசீகரிக்கவில்லை.
சிங்கத்துக்கு வயதாகி விட்டது.

ஜிரி மன்ஸில் இயக்கிய திரைப்படங்களின் பட்டியல் இதோ...
[உபயம்: விக்கிப்பீடீயா ]

Year	English title	Original title	Notes
1960	Prefabricated Houses	Domy z panelů	School film
1963	Our Mr. Foerster Died	Umřel nám pan Foerster	School film
1965	Concert '65	Koncert 65	Short documentary
1965	Crime at the Girls School	Zločin v dívčí škole	Segment "Crime at the Girls School"
1966	Pearls from the Deep	Perličky na dně	Segment "Smrt pana Baltazara" (The Death of Mr. Balthazar)
1966	Closely Watched Trains	Ostře sledované vlaky
1968	Crime in a Music Hall	Zločin v šantánu
1968	Capricious Summer	Rozmarné léto
1969	Larks on a String	Skřivánci na niti	Banned and not released until 1990
1974	Altered Landscapes	Proměny krajiny	Short documentary
1974	Who Looks for Gold?	Kdo hledá zlaté dno
1976	Seclusion Near a Forest	Na samotě u lesa
1978	Those Wonderful Movie Cranks	Báječní muži s klikou
1980	Cutting It Short	Postřižiny
1981	Tři v tom		TV theatre
1982	Krasosmutnění		TV film
	Dr. Johann Faust, Praha II., Karlovo nám. 40		TV theatre
1984	The Snowdrop Festival	Slavnosti sněženek
1985	My Sweet Little Village	Vesničko má středisková
1986	Chocolate Cop	Die Schokoladenschnüffler
1989	End of Old Times	Konec starých časů
1981	Audience		TV film
1991	Beggar's Opera	Žebrácká opera
1993	Life and Extraordinary Adventures of Private Ivan Chonkin	Život a neobyčejná dobrodružství vojáka Ivana Čonkina
1998	Jacobowski a plukovník		TV film
2002	Ten Minutes Older		Segment "One Moment"
2006	I Served the King of England	Obsluhoval jsem anglického krále
2013	The Don Juans[7]	Donšajni[8]

துவக்க நாளுக்கு முந்தைய நாளான 19-11-2013 அன்று,  ‘பத்திரிக்கையாளர்களுக்கான சிறப்புக்காட்சியில்’...
‘பன்றி’ என்ற மராத்திய திரைப்படம் பார்த்தேன்.
என்னா படம் அது!.
மிரட்டி விட்டார் அறிமுக இயக்குனர் நாகராஜ்.

FANDRY | Marathi | 2013 | Directed by : Nagaraj Manjule
இப்படத்தின் இயக்குனர் நாகராஜுக்கு இதுவே முதல் படம்.
இதற்கு முன்பு ஒரு குறும் படம் இயக்கி தேசிய விருதை பெற்று உள்ளார்.

கிராமத்தில் பன்றியை வளர்த்து மேய்க்கும் ஒரு தலித் குடும்பத்தின் வாழ்வியலை எந்த வித பாசாங்கும் இல்லாமல் அப்பட்டமாக பதிவு செய்து இருக்கிறார்.
‘கால்ச்சட்டை காதலை’ சொல்வது போல் மிகப்பெரிய தலித் அரசியலை பேசி இருக்கிறார் இயக்குனர்.

நகைச்சுவையை படம் முழுக்க விரவி நய வஞ்சக ஜாதி அரசியலை ‘நச்சென’ சொல்லி இருக்கிறார்.
ஒளிப்பதிவு, ஒலிப்பதிவு என சினிமாவின் அத்தனை துறைகளும் அற்புதமாக ஜொலிக்கிறது.

படத்தின் இறுதி காட்சியில் ‘உயர் ஜாதி வெறியனை’ பார்த்து...
‘தேவடியாப்பையா’ என தலித் சிறுவன் உக்கிரமாக உச்சரிக்கிறான்.
இதை விட பொருத்தமான வசனம் உலகிலேயே இருக்க முடியாது.

இந்தப்படம் மும்பை திரைப்பட விழாவில் ‘நடுவர்கள் சிறப்பு விருதை’ பெற்றுள்ளது.
ஜீ தொலைக்காட்சி குழுமம் இப்படத்தை நாடெங்கும் வரும் ஜனவரியில் திரையிட இருக்கிறது.
உலக சினிமா நேயர்கள் தவற விட்டு விடாதீர்கள்.

அடுத்தப்பதிவில் சந்திப்போம்.