Dec 31, 2013

2013 - சிறந்த ஐந்து தமிழ்ப்படங்கள்.

நண்பர்களே...
ரசிகர்களின் ரசனையை குறைத்து மதிப்பிடாத,
நம் ரசனையை ஏற்றி விட்ட  ‘ஏணிகளில்’...
சிறந்த ஐந்து படங்களை தேர்வு செய்துள்ளேன்.
நம்மை ‘உலக சினிமாவை’ ரசிக்க தயார் செய்த படங்கள் இவை.

இன்னும் சில ஆண்டுகளில் 100 ஆண்டு கொண்டாடவிருக்கும் தமிழ் சினிமாவில்,
‘இது வரை’... ‘முழுமையான உலக சினிமா’ உருவாகவில்லை என்ற வருத்தத்துடன்தான் 2013ஐ வழியனுப்ப வேண்டி உள்ளது.
2014 ‘உண்மையான உலக சினிமா’ தமிழில் நிச்சயம் உருவாகும் என்ற நம்பிக்கையில் ‘புத்தாண்டை’ வரவேற்போம்.
அனைவருக்கும் புத்தாண்டு வாழ்த்துக்கள்.

1. ஓநாயும் ஆட்டுக்குட்டியும்.


2. விஸ்வரூபம்.



3. பரதேசி.


4. சூது கவ்வும்.



5. மூடர் கூடம்.



புத்தாண்டில் சந்திப்போம்.


Dec 27, 2013

‘பன்றியை’ தாண்டுங்கள்...! பத்து லட்சம் வெல்லுங்கள்...! !.


நண்பர்களே...
‘கோவா திரைப்பட திருவிழாவில்’ மிக முக்கியமான அம்சம் ஒன்று இருக்கிறது.
‘உலக சினிமாவை’ இந்தியாவில் உருவாக்க இந்திய அரசின் நிறுவனங்களும், பல்வேறு வெளி நாட்டு நிறுவனங்களும் கோடிக்கணக்கில் பணத்தை வழங்க காத்திருக்கின்றன.

‘பிலிம் பஜார்’ என்ற பிரிவில்,
இத்தகைய வாய்ப்பை வழங்குகிறார்கள்.
ஒரு படைப்பாளியாக...நீங்கள் செய்ய வேண்டியது இதுதான்.
‘உலக சினிமா’ தரத்தில் ஒரு திரைக்கதையை தயார் செய்யுங்கள்.
திறமையான தொழில் நுட்பக்கலைஞர்களையும் தேர்வு செய்யுங்கள்.
முழு படத்தையும் உருவாக்க தேவையான பட்ஜெட்டை கணக்கிடுங்கள்.
கோவா திரைப்பட விழாவுக்கு வந்து  ‘பிலிம் பஜாரில்’ சமர்ப்பியுங்கள்.

சமர்ப்பிக்கப்படும் திரைக்கதைகளில்,
சிறந்ததை தேர்வு செய்து, அதற்கு  ‘கோவா திரைப்பட திருவிழா’ சார்பாக ரூபாய் ‘பத்து லட்சம்’ பரிசாக வழங்குகிறார்கள்.
முதல் பரிசு கிடைக்கும் திரைக்கதைக்கு,
படமாக்க தேவையான  ‘பணம்’ கிடைப்பது நிச்சயம்.

உங்கள் திரைக்கதை எப்படி இருக்க வேண்டும்?
‘பன்றியை’ தாண்ட வேண்டும்.
‘இந்திய திரைப்படங்களின் உச்சங்களில்’ ஒன்றாக இருக்கும் ‘பன்றியை’ தாண்டுவது எளிய பயிற்சி அல்ல...
அதற்கு ஏணியில் ஏறினால், முடியாது.
‘எவரெஸ்டில்’ ஏற வேண்டும்.

Fandry | Marathi | India | 2013 | 103 min | Directed by : Nagraj Manjulle.


‘தலைமுறைகள்’,  ‘தங்க மீன்கள்’ தரத்தில்  ‘திரைக்கதை’ இருந்தால்,
‘திருநீரு’ கூட கிடைக்காது.
‘சுடுகாட்டுச்சாம்பலில் சிற்பம் வடிக்க முடியாது’ என ‘நக்கீரன்கள்’ அறிவார்கள்..

தேர்வுக்கமிட்டி ‘நக்கீரன்கள்’,
வந்திருப்பது  ‘இறையென்று’ அறிந்தாலும்’...
‘நெற்றிக்கண்ணை’ திறந்து  ‘காட்டினாலும்’...
‘பழுதான திரைக்கதைக்கு’ பரிசு கொடுக்க மாட்டார்கள்.
அவர்கள் ‘சென்னை திரைப்பட விழாக்குழுவினர்’ அல்ல.
மிரட்டியவுடன் பயந்து, ‘தங்க மீன்களுக்கு’ பரிசை தாரை வார்க்க.

தமிழில் ‘உலக சினிமா’ படைக்க காத்திருக்கும்  'உத்தம படைப்பாளிகளே'...
2014 கோவா திரைப்பட விழாவுக்கு,
வாருங்கள்...வெல்லுங்கள்...
என வாழ்த்தி, ‘நானும்’ வருகிறேன் !.

அடுத்தப்பதிவில் சந்திப்போம்.

Dec 26, 2013

ஒரு ரூபாய் கூட இல்லாமல் ‘தமிழ் சினிமா’ எடுக்கலாம் !


நண்பர்களே...
கோலிவுட்டில் படமெடுக்க  ‘கோடிகள்’ தேவை.
நீங்கள் ‘கேடியாக’ இருந்தாலும் கோடம்பாக்கத்தில் படம் எடுத்து விடலாம்.
 வெளி நாட்டு ‘த்ரில்லர்’ படங்களை தேடித்தேடி பாருங்க.
நல்ல படத்தை செலக்ட் பண்ணி, அந்த படத்துக்கான ‘திரைக்கதையை’ இணையத்துல டவுண் லோடு பண்ணுங்க.
தலைப்பில் ஒரிஜினல் பெயரை அழித்து விட்டு ‘விடிந்த பின்’... ‘விடியாத முன்’... என ஏதோ ஒரு பெயரை டைப் பண்ணி  ‘தலைப்பாக்குங்க’.


‘இங்கிலிஷ்ல’ இருக்கும் அந்த திரைக்கதையை நல்ல திறைமை வாய்ந்த  ‘வசன கர்த்தாவிடம்’ கொடுங்க.
அவரு நீங்க  ‘எழுதின ஆங்கில திரைக்கதையை’ படிச்சு மிரண்டு,
தயாரிப்பாளர்களிடம் சிபாரிசு செஞ்சு வாய்ப்பை வாங்கி கொடுத்துருவாரு.
எல்லா  டெக்னீஷியனையும்  ‘பிக்ஸ் பண்ணி’ ஷூட்டிங்கை முடிச்சுருங்க.
படத்தை ரீலிஸ் பண்ணூங்க...
ஆஹா...ஓஹோன்னு...பாராட்ட ‘உண்மைத்தமிழன்ல’ இருந்து...
ஒரு கூட்டமே உங்களை புகழ்ந்து தள்ளும்.
‘கருந்தேள்’ மாதிரி சிலர் மட்டுமே ‘கத்துவார்கள்’.
கவலையே படாதீங்க...
இவங்க  ‘கத்துனா’,  ‘கல்லா கட்டும்’.
எளிய உதாரணம் : மசாலா கபே.

ஒரு சின்ன வேண்டுகோள்...
த்யவு செய்து நீங்க எடுத்த படத்தை ‘ஹிந்தி உரிமை’ விற்பதற்காக போட்டு காட்டாதீங்க.
அவங்க உங்க ‘குட்டை’ வெளிப்படுத்திருவாங்க!
இது வரைக்கும் கண்டு பிடிக்க முடியாத உங்க ‘கிரியேட்டிவிட்டி’ ,
தயாரிப்பாளர்ல இருந்து மொத்த டெக்னீஷியனுக்கும் ‘இந்த இடத்துல’ தெரிஞ்சு போயிரும் !.
இது தேவையா?


இந்த விஷயத்துல,‘முன் அனுபவம்’ உள்ள ‘விடியும் முன்’ இயக்குனரை எதுக்கும் ‘கன்சல்ட்’ பண்ணூங்க.
 ‘ஆல் த பெஸ்ட்’.

அடுத்தப்பதிவில் சந்திப்போம்.


Dec 25, 2013

தீதும் நன்றும் பிறர் தர வாரா / வரும் !


நண்பர்களே...
இளையராஜா ஓய்வெடுக்க வேண்டும் என ஒரு ‘ஓட்டை வாய் ஓணான்’ சொல்லுச்சு!
உடனே சில ‘பேஸ்புக்’ ஜால்ராக்கள்  ‘ஜைங் ஜக்’ போட்டது.
எந்த நேரத்துல இந்த ‘சனியன் சகடை’   ‘சாக்கடை வாயை’ திறந்துச்சோ...
தெரியல...
உலகம் போற்றிய உயர்ந்த இசையை  ‘ஓநாய்க்கு’ கொடுத்தவர்... ஆஸ்பத்திரியில படுத்துட்டாரு!

மானம்...ரோஷம்..சூடு..சுரணை உள்ள ஒருத்தன் தேடிப்போய்...
செருப்பை எடுத்து  ‘ஓணான் செவுளை’ பேத்து...
 ‘சாக்கடை வாயை’  ‘சாத்தி’ இருந்தான்னா...
அது  ‘தீதும் நன்றும் பிற தர வாரா’.

இயக்குனர் ‘லேவ் டியாஸ்’  ‘தீதும் நன்றும் பிறர் தர வாரா / வரும்’ என இரண்டையுமே சொன்ன படமே.
 ‘நோர்டி, த எண்ட் ஆஃப் ஹிஸ்டரி’.
இன்றைய சமுதாயச்சூழலில் ‘இரண்டுமே’ நடக்கிறது.
இந்த ‘யதார்த்தத்தை’ படமாக்கி இருக்கிறார் ‘லேவ் டியாஸ்’.


அன்பான...அழகான...அருமையான கணவன் - மனைவி.
 ‘சித்தாந்தத்தால்’ உந்தப்பட்ட  ஒருவன் செய்த  ‘இரட்டை கொலையால்’,
 ‘அப்பாவி’ கணவன் சிக்குகிறான்.
செய்யாத குற்றத்திற்காக  ‘அரசுச்சிறையில்’ சித்திரவதைப்படுகிறான் கணவன்.
செய்த குற்றத்திற்காக  ‘மனச்சிறையில்’ சிதிலமடைகிறான் ‘சித்தாந்தவாதி’.
குழந்தை குட்டியோடு ‘சமுதாயச்சிறையில்’ சிக்கி சீரழியாமல் இருக்க போராடுகிறாள் மனைவி.
இந்த  ‘முக்கோணத்தில்’ பயணிக்கிறது இத்திரைக்கதை.


விசா இல்லாமல்...விமானம் இல்லாமல்....
பார்வையாளனை பிலிப்பைன்ஸ் கூட்டிச்செல்கிறார் லேவ் டியாஸ்.
 ‘இருநூற்று ஐம்பது நிமிடம்’ அங்கேயே வாழ வைக்கிறார்.
வாழ்நாள் முழுக்க ‘அசை போட’ அபூர்வ தருணங்களை அள்ளி அள்ளி திணித்து அனுப்புகிறார்.
 ‘ஆயிரம் தலைமுறைகளை கவரும் அபூர்வ சிந்தாமணி’ ‘லேவ் டியாஸ்’.


‘சித்தாந்தவாதியின்’ சிந்தனைகள்... சி த ற லா கி... வெடித்து சிதறுகிறான்.
 ‘சிதறியவன்’ ‘சொந்த சகோதரியையே’ கற்பழிக்கிறான்.
இந்த வன்முறைக்காட்சியை ‘லேவ் டியாஸின்’ ஆளுமை அற்புதமாக காட்சிப்படுத்துகிறது.

கேமரா,  ‘வன் கலவி’ நடக்கும் அறைக்கு வெளியிலே தயங்கி நின்று விடுகிறது.
சகோதரியின்  ‘கதறல்’...
சித்தாந்தவாதியின்  ‘மூச்சிறைப்பு’...
கட்டிலின் ‘க்றீச்...க்றீச்...’
இவைகள்தான் ‘அறைக்குள்’ நடக்கும் அவலத்தை அம்பலப்படுத்துகிறது.
‘கற்பழிக்கப்பட்டவள்’.... ‘கற்பழித்தவன்’....
இருவர் மேலும் இரக்கத்தை...
ஏற்படுத்திய ஒரே படம் இதுதான்.

ஒரு படைப்பாளி கையில் ‘அபரிமிதமான காசு’ இருந்தால்,
அவனது படைப்பில் ‘கிரியேட்டிவ்’ இருக்காது.
உ.ம் : மிஷ்கினின் ‘முகமூடி’.
காசு இல்லேன்னாதான் ‘கிரியேட்டிவ்’ கொடி கட்டி பறக்கும்.
ஹெலிகாப்டர் மூலம் எடுக்கப்பட வேண்டிய ஒரு ‘ஷாட்டை’ ...
‘ரிமோட் மூலம் இயங்கும் பொம்மை ஹெலிகாப்டர்ல’...
கேமராவை ‘பிக்ஸ்’ பண்ணி ’ஷூட்’ பண்ணி அசத்தி இருக்காரு
‘லேவ் டியாஸ்’.

கேட்ட காசை அள்ளிக்கொடுக்க ‘சசிகுமார்’ என்ற  ‘சீவக சிந்தாமணி’... சிரிப்போடு காத்திருக்க...
என்  ‘தலைமுறை படைப்பாளி’ அள்ளித்தெளித்ததில்...
‘அவலம்தான்’ இருக்கிறது.
நம்ம ஆளு  ‘கிரியேட்டிவை’ பாருங்க...

மருத்துவ மனை காட்சி...
‘ஏதோ ஒரு கட்டிடத்தை’  ‘ஆஸ்பத்திரியாக்கணும்’.
ரெண்டு ஜூனியர் ஆர்ட்டிஸ்ட் ‘ஜிகு ஜிகுன்னு’ பெங்குயின் மாதிரி நடந்து ‘கட்டிடத்தை’ விட்டு வெளியில போவாங்க...

மீண்டும் அதே மருத்துவ மனை காட்சி...
அதே, ரெண்டு ஜூனியர் ஆர்ட்டிஸ்ட் ‘ஜிகு ஜிகுன்னு’ பெங்குயின் மாதிரி நடந்து ‘கட்டிடத்துக்கு’ உள்ளே போவாங்க...

வாய் மட்டும் காது வரை கிழியுது....
‘என் படத்தை  ‘இரான் படமே’ எட்டி பிடிக்க முடியாது’.
ஆனா,  ‘கிரியேட்டிவிட்டி’ கிழிஞ்சு தொங்குது!


வராது...வராது...நம்ம ஆளுங்களுக்கு ‘உலக சினிமா’ எடுக்க வராது...

ஏன் வரணும்?...எதுக்கு வரணும்?...

ஏண்டா...ஏண்டா....ஏஏஏஏஏஏஏஏண்ண்ண்ண்ண்ண்ண்டா.

அய்யோ...இப்படி தனியா புலம்ப வுட்டுட்டானுவளே...

எப்பா...நீ எங்க இருக்க?


‘தொலை தூரத்தில் வெளிச்சம்’  என ஏ.ஆர் ரஹ்மான் குரல் காதில் நம்பிக்கை பாய்ச்சுகிறது.
‘லேவ் டியாஸ்’ போன்று ‘காலத்தை விஞ்சும் படைப்பாளியாக, ‘உருவாக...உருவாக்க’ காத்திருக்கிறேன்.

Dec 24, 2013

லேவ் டியாஸ் - 11 மணி நேரம் ஓடும் ‘திரைப்பட காவியத்தின்’ நாயகன் !


நண்பர்களே...
கோவா திரைப்பட விழாவில்,
நான் பார்த்து வியந்த இயக்குனர் ‘லேவ் டியாஸ்’ [ Lav diaz ] .
 ‘கோவா திரைப்பட திருவிழா அட்டவணை’,
 ‘பிலிப்பைன்சை’ சேர்ந்த படைப்பாளி ‘லேவ் டியாஸ்’ இயக்கிய
‘நோர்டே த எண்ட் ஆப் ஹிஸ்டரி’ என்ற படம்...
‘மாஸ்டர் ஸ்ட்ரோக்’ [ Master Strokes ] என்ற பிரிவில் திரையிடப்படுவதாக அறிவித்தது.

Norte, The End of History [ Norte, Hangganan Ng Kasaysayan ] | Phillippines | 2013 | 250 min | Directed by : Lav Diaz. 


படத்தின் நேரம்  ‘250 நிமிடம்’ என்றதும் சற்று பயந்தேன்.
 ‘இந்த நேரத்திற்குள் இரணடு படங்கள் பார்த்து விடலாம்’ என  ‘கனியிருப்ப காய்களை கவர’ சபலப்பட்டேன்.
அருகில் இருந்த என் நண்பன் எச்சரித்தான்.
“ அய்யய்யோ...இவர் மாஸ்டர்...
இவரோட எல்லா படமும் 7 மணி நேரத்துக்கு மேல ஓடும்.
ஒரு படத்துக்காக, ஒரு  குடுமபத்தோட வாழ்க்கையை 12 வருடம் ‘லைவா’  ஷூட் பண்ணி,
எடிட் பண்ணி... 11 மணி நேரம் ஓடக்கூடிய  காவியமா கொடுத்தவர்.
நான் இவரோட படம் எல்லாமே பார்த்து இருக்கேன்.
எல்லாமே ‘பிளாக்&ஒயிட்தான்’...
இந்தப்படம்  ‘கலர்ல’ எடுத்து இருக்கார்...
கட்டாயம் இந்தப்படத்துக்கு போறோம்” என கட்டளையிட்டான்.

ஏகப்பட எதிர்பார்ப்போடு சென்ற என்னை ஏமாற்றியது ‘தலைமுறைகள்’.
இந்தப்படமும் ஏமாற்றியது...ஆனால்  ‘என் இனிய ஏமாற்றம்’.
நான் எட்டி பார்க்காத எரிமலையாய்...
கற்பனை செய்யாத களஞ்சியமாய் இருந்தது படம்.


நண்பர்களே....இந்தப்படம் பார்த்ததும் நான் எடுத்த முடிவு...
‘இப்படிப்பட்ட ஒரு படைப்பை படைக்க வேண்டும்.
முடியாவிட்டால் இது போன்ற படங்களை பார்த்துக்கொண்டே செத்து விட வேண்டும்’.

சாதாரண  ‘டிஜிடல் ஹேண்டி கேமராவில்தான்’ இந்தப்படத்தை எடுத்து இருக்கிறார்.
ஆனால் ஒவ்வோரு ஷாட்டையும், ‘வான்கோ  ஓவியம்’ போல் வரைந்து இருக்கிறார்.


எல்லா சவுண்டையும்,  ‘லைவா ரெகார்ட்’ பண்ணி...
உபயோகப்படுத்தி இருக்கிறார்.
அதனால்தான் படம் அத்தனை உயிர்ப்புடன் இருக்கிறது.

நடிகர்களை  ‘நடிக்கவே’ விடவில்லை.
வாழ வைத்து இருக்கிறார்.


காட்சி ரீதியாகவும்...வசன ரீதியாகவும் அவர் சித்தரிக்கும் ‘குறியீடுகள்’ அனைத்தும் அழகானவை...அற்புதமானவை...அர்த்தமானவை.
அவைகளுக்கு  ‘கோனார் நோட்ஸ்’ தேவைப்படவில்லை.


ஒரு காட்சியில்,
பார்வையாளர்களுக்கு விளங்கி விட்ட விஷயத்தை...
‘பார்வையாளர்களை முட்டாள்கள்’ எனக்கருதி...
மற்றொரு காட்சியில் மீண்டும் அந்த விஷயத்தை வசனத்தில் விளக்கும்
‘அபத்த விளக்கெண்ணையை’ இப்படத்தில் நீங்கள் எங்கும் காண முடியாது.


காட்சிகள் ‘திருக்குறளாய்’ இருக்கும்...
‘நாலடியாராய்’ இருக்கும்...
ஏன் ‘பெரிய புராணமாய்’  பெருசா கூட இருக்கும்.
ஆனா, ஒரு காட்சி கூட துவள வைக்காது...
துடிக்க வைக்கும்.
 ‘எனர்ஜியை’ ஏத்திகிட்டே இருக்கும்.

 ‘கண்களால்’ கதையை சொன்ன பிறகு,
‘கையெடுத்து கும்பிட்டு’ பார்வையாளனை உதைக்கும் ‘உடல் மொழி’ இருக்கவே இருக்காது  ‘லேவ் டியாஸ்’ படத்தில்.

லேவ் டியாசின் படைப்புகள் பற்றிய விபரம்...
[தகவல் உபயம் : விக்கிப்பீடீயா ]

Filmography[edit]

YearOriginal TitleEnglish TitleNotes
1998Serafin Geronimo: Kriminal ng Barrio ConcepcionThe Criminal of Barrio Concepcion
1999Burger Boys
Hubad sa Ilalim ng BuwanNaked Under the Moon
2001Batang West SideWest Side KidNETPAC Award - Cinemanila International Film Festival
2002Hesus, RebolusyunaryoJesus, Revolutionary
2004Ebolusyon ng Isang Pamilyang PilipinoEvolution of a Filipino Family
2006Heremias (Book One: The Legend of the Lizard Princess)
2007Kagadanan Sa Banwaan Ning Mga EngkantoDeath in the Land of EncantosNETPAC Award - Jeonju International Film Festival
2008MelancholiaOrizzonti Grand Prize at the 65th Venice International Film Festival
2009Walang Alaala ang mga Paru-ParoButterflies Have No Memories
2011Babae ng HanginWoman of the Wind
Siglo ng PagluluwalCentury of BirthingGrand Jury Prize - Cinemanila International Film Festival
Elehiya sa Dumalaw Mula sa HimagsikanElegy to the Visitor from the Revolution
2012Florentina Hubaldo, CTENETPAC Award - Jeonju International Film Festival
2013Norte, Hangganan ng KasaysayanNorte, the End of Historyentered in the Un Certain Regard section of 2013 Cannes Film Festival
will be shown in the Masters section of 2013 Toronto International Film Festival
part of the main slate of 2013 New York Film Festival

என் தலைமுறையில், ‘வீடு’ கட்டி வாழ்ந்தவர்,
இந்த ‘தலைமுறைக்கு...
‘காலாவதியான கணக்கை’ கற்பிக்கும் ‘முன்னாள்’ வாத்தியார் பாதங்களில்  இப்பதிவை சமர்ப்பிக்கிறேன்.

‘லேவ் டியாசின்’ திரைப்படத்திலுள்ள சிறப்பம்சங்களை,
அடுத்தப்பதிவிலும் தொடர்கிறேன்.

படத்தின் முன்னோட்டத்தை காணொளியில் காண்க...




Dec 22, 2013

சத்துணவு திட்டம் = திரைப்பட விழா.


நண்பர்களே...
 ‘நொள்ளை...நொட்டை’ சொல்லி  ‘சென்னை திரைப்பட விழாவை’  ‘மங்களம்’ பாட நினைக்கவில்லை.
 ‘சென்னை திரைப்பட விழாவை’...மேலும் முன்னெடுத்துச்செல்ல எனக்குத்தோன்றிய சில கருத்துக்களை முன் வைக்கிறேன்.


நாம் இந்த விஷயத்தில்... ‘கேரள திரைப்பட விழாவை’  ‘காப்பியடிக்கலாம்’.
நல்ல விஷயத்தை காப்பியடிக்கலாம்...தப்பில்லை.
 ‘கேரள திரைப்பட விழாவை’ நடத்துவது...
கேரள அரசுக்கு சொந்தமான ‘கேரளா ஸ்டேட் சலச்சித்திர அகடமி’.
அதைப்போன்று,
‘தமிழ்நாடு அரசு திரைப்பட கழகம்’ என ஒரு அமைப்பை உருவாக்க வேண்டும்.
‘தமிழ் நாடு அரசு திரைப்பட கழகம்’ ‘திரைப்பட விழாவை’ நடத்த வேண்டும்.
‘அரசு’ நினைத்தால் சாதிக்க முடியும்.
உதாரணம்...கலைஞர் கோவையில் கூட்டிய ‘உலகத்தமிழ் மாநாடு’.
ஒரு கோடிக்கும் மேற்பட்ட மக்களை திரட்ட முடிந்ததற்கு காரணம்...
அந்த விழா...தமிழக அரசு நடத்திய விழா.

உலகத்தமிழ் மாநாடு...
அண்ணா நடத்தினார்.
எம்ஜியார் நடத்தினார்.
ஜெயலலிதா நடத்தினார்.
கலைஞர் நடத்தினார்.
ஒவ்வொரு விழாவிலும் குறைகள் சொல்லப்பட்டது.
இருந்தாலும்  ‘உலகத்தமிழ் மாநாடு’...
அவரவர்கள் காலத்தில் சிறப்பாகவே நடத்தப்பட்டது.
இனி வரும் ஆட்சியாளர்களும்,
ஏற்கெனவே நடந்த விழாக்களை முன் மாதிரியாக கொண்டு தன் காலத்தில் இன்னும் சிறப்பாக நடத்த முன் வருவார்கள்.
இதைப்போலவே ‘சென்னை திரைப்பட விழா’ வருடா வருடம் தமிழக அரசால் கொண்டாடப்பட வேண்டும்.

தமிழ்நாட்டில் ஒரு  ‘தலையெழுத்து’ உண்டு.
ஜெயலலிதா கொண்டு வருவதை,  ‘அம்போ’ என கலைஞர் விட்டு விடுவார்.
கலைஞர் கொண்டு வந்ததை ஜெயலலிதா விட்டு விடுவார்.
ஆனால் யாருமே கை விட முடியாத திட்டம்...சத்துணவு திட்டம்.
சத்துணவு திட்டம் போலவே ...
‘திரைப்பட விழாவை’ கொண்டாடும் திட்டமும் அமைய வேண்டும்.

காமராஜர்  ஏழை பள்ளி மாணவர்களுக்காக ‘மதிய உணவு திட்டத்தை’ கொண்டு வந்தார்.
எம்ஜியார் அதை மேலும் விரிவு படுத்தி,
‘சத்துணவு திட்டமாக’ வடிவமைத்து மேம்படுத்தினார்.
கலைஞரும்... ‘சத்துணவு திட்டத்தை’  ‘முட்டை’ வழங்கி முன்னெடுத்துச்சென்றார்.
ஜெயலலிதா இன்னும் அதை விரிவு படுத்தி உள்ளார்.
 ‘சத்துணவு திட்டத்தின்’ நீட்சியாகத்தான்,‘கோவில்களில் அன்னதானம் வழங்கும் திட்டத்தை ஜெயலலிதா கொண்டு வந்தார்.
ஆக இன்று வரை, ‘சத்துணவு திட்டம்’  ‘மேலும் மேலும்’ முன்னெடுக்கப்பட்டு முன்னேறி வருகிறது.
பயன் தருகிறது.

அரசு நினைத்தால், சாதிக்க முடியும்.
மக்களை ‘படிக்க வைக்கலாம்’.
நல்ல சினிமாவை ‘பார்க்க வைக்கலாம்’.

தமிழக அரசு,‘ சென்னை திரைப்பட விழாவை’ எடுத்து நடத்த ஆன்றோர்களும்...சான்றோர்களும் முயற்சிக்க வேண்டும்.
‘முயற்சி’ திருவினையாகட்டும்.

அடுத்தப்பதிவில் சந்திப்போம்.

Dec 21, 2013

சென்னை திரைப்பட விழா- ஆபத்தான அபத்தங்கள்.


நண்பர்களே...
30 நாட்களுக்குள் மூன்று திரைப்பட விழாக்களை காணும் பாக்கியம் கிடைத்தது.
30 நாடுகளை சார்ந்த 80 திரைபடங்களை கண்டேன்.
இந்த அரிய வாய்ப்பை நல்கிய கோவா, கேரளா, சென்னை திரைப்பட விழாவிற்கு நன்றி.

இணையத்திலேயே இன்று படங்கள் எளிதாக கிடைக்கும் போது,
திரைப்பட விழாவில் படங்களை சென்று பார்ப்பதில் என்ன பயன் என்ற நியாயமான கேள்வி எழும்.
தினமும் வீட்டில் சாமி கும்பிட்டாலும்,
திருவிழா நாட்களில் கூட்டத்தோடு நெருக்கி அடித்து கோவிலில் சாமி கும்பிடப்போகிறோமே...எதற்காக?
பக்தர்களுக்கு, அது ஒரு அனுபவம்...கொண்டாட்டம்.
உலக சினிமா ரசிகர்களுக்கு அத்தகைய அனுபவத்தை...கொண்டாட்டத்தை அளிப்பது திரைப்பட விழாக்களே!

கோவா, கேரள திரைப்பட சாதக, பாதகங்களை தனிப்பதிவாக்குகிறேன்.
இப்பதிவு சென்னை திரைப்பட விழா பற்றி மட்டுமே!
கோவா திரைப்பட திருவிழா மத்திய அரசும், மாநில அரசும் இணைந்து இருபது கோடிக்கு மேல் செலவழித்து கொண்டாடப்படுகிறது.
கேரள திரைப்பட விழாவை கேரள அரசே பத்து கோடிக்கு மேல் செலவழித்து கொண்டாடுகிறது.
சென்னை திரைப்பட விழா, ‘தனியார் அமைப்பு’ ஒன்றினால் தொடர்ந்து 11 ஆண்டுகளாக நடத்தப்பட்டு வருகிறது.
நிச்சயம் இந்த அமைப்பை சேர்ந்தவர்களுக்கு பொருளாதார ரீதியாக எந்த பலனும் இருக்காது.
இதற்காக பல மாதங்கள் உழைத்து இந்த விழாவை நடத்துகிறார்கள்.
 திரு.தங்கராஜ் என்பவரது தலைமையில் ‘இந்தோ சினி அப்ரிசியேசன் ஃபவுண்டேஷன்’ என்ற அமைப்பே இந்த சிறப்பான பணியை செய்து வருகிறது.
இவர்கள் இல்லையென்றால் தமிழ் நாட்டுக்கு  ‘திரைப்பட விழா’ என்ற நாதியே இருக்காது.


‘உழக்கில் கிழக்காக’ ஆதிக்க அரசியலும் இந்த திரைப்பட விழாவில் நுழைந்து விட்டது.
தலித் அரசியலை கலையுணர்வோடும்...காவியத்தன்மையோடும் சொன்ன     ‘Fandry' [ பன்றி ] என்ற திரைப்படம் இந்த வருட விழாவில் திரையிடப்படாதது மன்னிக்க முடியாத குற்றம்.
இந்த குற்றத்தை செய்த ‘மசாலா மண்டைகள்’ உருவாக்கும் மசாலா படங்கள் மண்ணைக்கவ்வட்டும் என மண்ணை வாரி தூற்றி சாபம் கொடுக்கிறேன்.

தமிழக அரசு ஒவ்வொரு வருடமும் ‘சில சில்லறை காசுகளை’ விட்டெறிந்து
கருணை காட்டி வந்தது.
இந்த ஆண்டும் மிகப்பெரிய தொகையாக ‘பத்து பைசாவை’ வாரி வழங்கி பெருமை சேர்த்துக்கொண்டது.

இத்தனை ஆண்டுகள் இந்த திரைப்பட விழாக்கள் நடத்தப்பட்டும் தீவிரமான உலக சினிமா ரசிகர்கள் சென்னையில் உருவாகவே இல்லை.
பாலியல் காட்சிகளுக்காகவும்... ‘தங்க மீன்கள்’ போன்ற நெஞ்சை நக்கும் ‘கண்ணீர் காவியங்களை’ பார்க்கவே அலை மோதுகிறார்கள்.

உயர்ந்த ரசனை உள்ளவர்களால் மட்டுமே உள் வாங்கக்கூடிய ‘த மிஸ்ஸிங் பிக்ச்சரை’ முப்பது பேர் மட்டுமே பார்த்து இருக்கிறார்கள்.
இத்தகைய சூழலில் ஒரு  ‘சத்யஜித்ரே’...ஒரு  ‘ரித்விக் கட்டக்’ உருவாகி,
‘தமிழ் உலக சினிமாவுக்கு’ எங்கிருந்து ‘சாப விமோசனம்’ கிடைக்கும்?

கோடம்பாக்கத்தில் மசாலா படங்களை உருவாக்கும்  ‘மந்திரவாதிகள்’ பலரை இந்த விழாவில் பார்த்தேன்.
அத்தைகைய படங்களில் பணியாற்றும் உதவி இயக்குனர்களையும் இவ்விழாவில் கண்டேன்.
இவர்கள் செய்யும் அட்டகாசம் இருக்கிறதே!
கொடுமை.
புருவத்தை நெறிக்கிறது...நெஞ்சை நிமித்துறது...தோளை தூக்குறது...
இவனுங்க அட்டகாசம் தாங்கல!
இது போன்ற  ‘அராஜக ஆசாமிகளை’ கோவா...கேரளா திரைப்பட விழாக்களில் காண முடிவதில்லை.

சென்னை திரைப்பட விழாவில் நிறைய  ‘அம்பானிகள்’, ‘பில்கேட்ஸ்கள்’ கலந்து கொண்டார்கள்.
அவர்களது செல்போன்கள் இடையறாது ஒலித்து ‘தங்கள் இருப்பை’ தெரிவித்தன.

சென்னை திரைப்பட விழாவிற்கு  ‘அனுப்பப்படும்’ தமிழ் சினிமாக்களை மட்டும் திரையிட்டு அதில் ஒன்றை தேர்வு செய்து ‘சிறந்த படமாக’ அறிவிக்கும் காமெடியும் தொடர்ந்து நடைபெறுகிறது.
கேரள திரைப்பட விழாவில் உலகின் பல பாகங்களில் இருந்து வருகின்ற உலக சினிமாக்களோடு ‘மலையாள சினிமாவை’ மோத விடுகிறார்கள்.
என்றாவது ஒரு நாள் மலையாள சினிமாவுக்கு நிச்சயம்  வெற்றி கிட்டும்.

சென்னை திரைப்பட விழாவில் தமிழ்ப்படங்கள் மட்டுமே  ‘போட்டியில்’ கலந்து கொள்ள முடியும்.
எனவே போட்டிக்கு  ‘அன்னக்கொடி’... ‘தங்க மீன்கள்’ போன்ற  ‘திராபைகளே’  ‘திருவிழவில்’ அணி வகுத்து வருகின்றன.
எல்லாமே ‘ஒரே குட்டையில் ஊறிய மட்டைகள்’.
இந்த ‘அபத்த போட்டியின் ஆபத்தை’ உணர்ந்த கமலும், மிஷ்கினும் தங்கள் படைப்புகளை அனுப்பவேயில்லை.
அவர்களுக்கு நன்றி.
தங்க மீன்களிடம் தோற்ற ‘பரதேசிக்கு’ ஆழ்ந்த அனுதாபங்கள்.

அடுத்தப்பதிவில் சந்திப்போம்.

Dec 12, 2013

சென்னை திரைப்பட திருவிழா!




நண்பர்களே...இன்று சென்னை திரைப்பட திருவிழா துவங்க இருக்கிறது.
இந்த வருடம், சென்னை திரைப்பட திரு விழா படங்களின் பட்டியல் மிகச்சிறப்பாக இருக்கிறது.

நான் கோவா, கேரள திரைப்பட விழாக்களில் பார்த்து வியந்த படங்கள் இப்பட்டியலில் இருக்கிறது.

‘பார்க்க கொடுப்பினை இருப்பவர்கள் இப்படத்தை பார்க்க கடவது’ என சாபம் கொடுக்கிறேன்.

கீழ்க்கண்ட பன்னிரெண்டு படங்களும் உலக சினிமா பிரிவில் உள்ளது. 

1. Young and Beautiful |Francois Ozon |France
2. Harmony Lessons | Emir Baigazin | France-Germany-Kazakhstan
3. The Missing Picture | Rithy Panh | Cambodia-France
4. Two Mothers | Anne Zohra Berrached | Germany
5. What they don't talk about when they talk about love | Mouly Surya | Indonesia
6. Blue is the Warmest Colour | Abdellatif Kechiche | France

7.WALESA, MAN OF HOPE | Andrzej Wajda | Poland
8.LIFE FEELS GOOD | Maciej Pieprzyca | Poland
9.Mother I Love you | Janis Nords | Lativa
10.Ilo Ilo | Anthony Chen | Singapure
11.The Past (Le passé) | Asghar Farhadi | France | Italy
12.Like Father, Like Son | Hirokazu Koreeda | Japan


இந்தப்படங்களை கட்டாயம் பார்த்து விடுங்கள்.
லைக் பாதர்...லைக் சன்...என்ற படத்திற்கு ஏற்கெனவே பதிவெழுதி இருக்கிறேன்.
இன்னும் சில படங்களுக்கு சிறிய அறிமுகம் தருகிறேன்.



LIFE FEELS GOOD [ Chce Sie Zyc ] | 2013 | Maciej Pieprzyca | Poland

கோவா திரைப்பட திருவிழாவில் இப்படம் முடிந்தவுடன் உலக சினிமா ரசிகர்கள் எழுந்து நின்று ஐந்து நிமிடம் தொடர்ச்சியாக கை தட்டி ’அரபிக்கடலை’ அடக்கினார்கள்.
ஒருவர் இயக்குனரை கட்டித்தழுவி முத்தமிட்டார்.
அப்போது பட இறுதி வரும் டைட்டில் காட்சியில்,
படத்தில் நடித்த நடிகரையும்...இன்றும் வாழ்ந்து கொண்டு இருக்கும் ‘ஒரிஜினல் கதாபாத்திரத்தையும்’ ஒருங்கே இருக்கும் காட்சியை கண்டதும் மீண்டும் அரங்கம் கை தட்டல் ஒலியால் அதிர்ந்தது.
அதற்கு மேலாக ‘விசில் சப்தம்’ விண்ணை முட்டியது.




இச்சம்பவம் அடுத்த நாள்  ‘நவ்ஹிந்த் டைம்ஸ்’ பத்திரிக்கையில் செய்தியாக வந்தது.
‘இந்திய ரசிகர்கள் உலக சினிமாவை விசிலடுத்து கொண்டாடுகிறார்கள்’ என்ற செய்தியே பிரதானம்.

சென்னையில் எழும் விசில் அலை, வங்காள விரிகுடாவை விரிவடையச்செய்யும் என்பதில் ஐயமில்லை.
‘தெய்வத்திருமகள் கோஷ்டியினர்’ காப்பியடிப்பார்கள் என்ற அச்சமிருக்கிறது.


நவ்ஹிந்த் டைம்ஸ் பத்திரிக்கை செய்திக்கான இணைப்பு இதோ... 

http://www.navhindtimes.in/iffi-2011/loud-whistles-india-s-way-applauding-good-movies

In Bloom | 2013 | Georgia | Directed by : Nanna Ekvtimishvili & Simon Gross.

இரு பள்ளி மாணவிகளுக்கு இடையே இருக்கும் நட்பின் ஊடாக தற்போதைய ஜார்ஜிய அரசியல், சமூக சூழலை சொல்கிறார் இயக்குனர்.

இப்படத்தில் வரும் ‘இரண்டு பெண்களில்’ ஒரு பெண் ‘மூடர் கூடத்தில்’ வரும் சிறுமியின் '14 வய்து’ தோற்றத்தை பிரதிபலிக்கிறாள்.
மிகவும் ஜாலியான படம்.



The Missing Picture | 2013 | Cambodia | Directed by Rithy Panh

உலக சினிமா ரசிகர்களுக்கு, இந்தப்படம் மிக...மிக முக்கியமானது.
களிமண் பொம்மைகளை வைத்தே படம் பண்ணி இருக்கிறார்.
பின்புலமாக கம்ப்யூட்டர் காட்சிகளை வைத்து இருக்கிறார்.
சில இடங்களில் ஆவணப்படங்களை வைத்து இருக்கிறார்.
கம்போடிய அரசியல் சரித்திரத்தை வாரி வழங்கி இருக்கிறார் இயக்குனர்.
இப்படத்தை கட்டாயம் பாருங்கள்.
பிடித்தால் பாராட்டுங்கள்.
பிடிக்கவில்லையென்றால் திட்டுங்கள்.
பார்த்து விடுங்கள்...அதுதான் முக்கியம்.


Young and Beautiful [ Jeune & Jolie ] |Francois Ozon |France

இந்தப்படத்தில் சூடான உடலுறவுக்காட்சிகள் கவித்துவமாக இருக்கிறது.
படம் முடிந்து வெளியில் வ்ரும் போது அவைகள் உங்கள் நினைவில் இருக்காது.
உடலுறவுக்காட்சியை தாண்டி வேறு விஷ்யங்கள் உங்கள் மனதை ஆக்கிரமித்து இருக்கும்.
இந்த இயக்குனரின் எல்லா படங்களிலும் இந்த ‘மேஜிக்தான்’ நடக்கும்.


Mother I Love you | Janis Nords | Lativa
ஒரு சிறுவன் கட்டுப்பாடுகளை மீறி...
காட்டாறாக ஓடி விளையாடும் கொண்டாட்டங்களின் ‘அழியாத கோலங்கள்தான்’ இப்படம்.



Ilo Ilo | Anthony Chen | Singapure

அற்புதமான ‘பீல் குட் மூவி’.
வேலைக்காரிக்கும்...அவளை வேலைக்கு வைத்திருக்கும் குடும்பத்துக்கும் உள்ள உறவை மிக யதார்த்தமாக அணுகி இருக்கிறது இப்படம்.
கான் திரைப்பட விழாவில் பரிசு பெற்ற படம்.
கோவா, திருவனந்தபுரம் திரைப்பட திருவிழாக்களில் திரையிடப்பட்ட சில படங்கள் எனக்கு சுத்தமாகப்பிடிக்கவில்லை. 

அதில் சில படங்கள் சென்னை திரைப்பட விழாவிற்கும் வருகிறது.
அந்தப்படங்களை பார்ப்பதும்...பார்க்காததும் உங்கள் விருப்பம்.


1. Vara, A Blessing | Bhutan | 2013 | Directed by : Khyentse Norbu

மிகவும் போலியான படம்.
படத்தின் உரையாடல்கள் அனைத்தும் ஆங்கிலத்தில் உள்ளது.
இந்தியாவில் எந்த கிராமத்தில் அனைவரும் ஆங்கிலம் பேசுகிறார்கள்?
தலித் மக்கள் அனைவரும் ஆங்கிலம் பேசும் அதிசயம் இப்படத்தில் இருக்கிறது.
கதைக்களமும் புதிது அல்ல.
தேஞ்சு போன ‘தேவதாசி’ கதைதான்.

2. Stray Dogs | Taiwan | 2013 | Directed by Ming-Liang-Tsai

முதல் ஷாட்டே மூணு நிமிடம்.
படிப்படியாக அதிகரித்து கொண்டு வந்து படத்தின் கடைசி ஷாட்டை பத்து நிமிடத்தில் முடித்தார் இயக்குனர்.
உதாரணமாக ‘நமீதா’ மார்பை விட நாலு மடங்கு பெரிதான ஒரு ‘ அழுகிய முட்டைகோஸை’ ஒருத்தன் சாப்பிட்டு முடிப்பதை காமிரா ஆடாமல் அசையாமல் காட்டிக்கொண்டு இருந்தது.
இக்காட்சியை பார்த்துக்கொண்டு இருக்கும் போது நிஜமாகவே எனக்கு ‘வயிற்றை கலக்கி விட்டது’
எந்திருச்சி  'மலஜலக்கூடம்’ சென்று, நிதானமாக...பொறுமையாக வந்தேன்.
அப்போதும் அவன் முட்டைகோஸை சாப்பிட்டுக்கொண்டு இருந்தான்.
இருந்தும் இப்படத்தை இறுதி வரை என்னால் பார்க்க முடியவில்லை.
கடைசி ஷாட் 9நிமிடம் 59 செகண்ட் ஓடும் போது வெளியேறி விட்டேன்.
இன்னும் ஒரு செகண்ட் பொறுமையாக இருந்திருந்தால்,
முழு படத்தை பார்த்த பாக்கியவானாக இருந்து இருப்பேன்.

நான் மட்டும் தாய்வானில் ஆட்சி செய்து கொண்டு இருந்தால் ‘உலக சினிமா வதை சட்டம்’ கொண்டு வந்து இந்த இயக்குனரை ஆயுளுக்கும் படமெடுக்க முடியாதபடி செய்து விடுவேன்.

3. My Sweet Pepper Land | 2013 | Irag | Directed by : Hinker Saleem

கடல், தங்க மீன்கள், மரியான் போன்ற படங்களை ரசித்தவர்கள் இப்படத்தை தவறாமல் பார்த்து விடுங்கள்.
உங்களுக்கான படம் இது.

ஒரு கிராமத்தில் ஒருவன் அநியாயம் செய்து கொண்டு இருக்கிறான்.
அதை தட்டிக்கேட்க ஒருவன் வருகிறான்.
இப்படி ஒரு கதையை தமிழ் சினிமா இது வரை ‘ஒரு தடவை’ சொல்லி இருக்கிறதா?

படத்தின் இறுதிக்காட்சியில் ‘பம்பாய்’ படத்தில் மனீஷா கொய்ராலா ‘உயிரே’ என ‘ஹை ஸ்பீடில் குலுங்க குலுங்க’
ஓடி வருவாரே...
அதே போன்று இப்படக்காதாநாயகியும் ‘ ஓ...ராஜா’ என ஓடி வருவார்.
கதாநாயகனும் ‘ஓ...ராணி’ என ஓடி வருவார்.
நானும் தியேட்டரை விட்டு ஓடி வந்து விட்டேன்.

இன்னும் கொடுமையான சில படங்கள் இருக்கிறது.
அவைகள் சென்னைக்கு வராமல் ‘ சென்னை ரசிகர்களை காப்பாற்றி இருக்கிறது’.

இப்படங்களை ‘உள்ளொளி’ மூலம் தரிசித்து யாரேனும் ஒரு பதிவர் எழுதக்கூடும்.
எழுதி உயிர்மை, காட்சிப்பிழை போன்ற ‘இலக்கிய பத்திரிக்கைகளில் வந்தால்,
‘தமிழ் கூறும் நல்லுலகம்’ நன்றி சொல்ல வேண்டும்.




Dec 5, 2013

பெற்றால்தான் பிள்ளையா?

நண்பர்களே...
கோவோ திரைப்பட திருவிழாவில்   ‘போட்டி பிரிவில் கலந்து கொண்டு’
ஒட்டு மொத்த ரசிகர்களின் ஆதரவையும்...கரகோஷத்தையும் அள்ளிய படம் ‘லைக் பாதர், லைக் சன்’.


இந்தப்படத்திற்கு கோவா திரைப்பட திருவிழாவில் ஒரு விருது கூட வழங்க மாட்டார்கள் என மிகச்சரியாக கணித்தேன்.
ஊரறிந்த பார்ப்பானுக்கு எதுக்கு பூணுல்?
கொரீதாவிற்கு எதற்கு கீரீடம்?

Like Father, Like Son | 2013 | Japan | Directed by : Hirozu Koreeda.  


இயக்குனர் கொரிதாவின் மற்றொரு  ‘முன்னாள் மாஸ்டர்பீஸ்’,
‘நோபடி நோஸ்’ படத்துக்கு ஏற்கெனவே நான் பதிவெழுதி உள்ளேன்.
 ‘இந்நாள் மாஸ்டர்பீஸ்’ அந்தப்படத்தை விஞ்சி நிற்கிறது.
தன் படத்தை தானே தாண்டும் ’தாண்டவராயன்’ கொரீதா!.

கதை அப்படியே நம்ம ஊர் ‘பார் மகளே பார்’ கதைதான்.
கொரீதா சொல்லிய விதத்தில்  ‘பீம்சிங் படம்’ உலக சினிமாவாகி விட்டது.
ஒரு பணக்கார தம்பதிக்கும்...நடுத்தர வர்க்கத்து தம்பதிக்கும் பிறந்த குழந்தைகள் மருத்துமனையில்  ‘மாற்றப்பட்டு’ மாறி வளர்கின்றன.
ஒரு கட்டத்தில் உண்மை தெரிய வரும் போது,
வரும் பிரச்சினைகளை நயமாக...நாசூக்காக...நகைச்சுவையாக சொல்லி இருக்கிறார் இயக்குனர் கொரீதா.

இந்தக்கதையை காட்சிக்கு காட்சி  ‘நெஞ்சை நக்க’ வைத்து நாறடித்து விடுவார்கள் ‘நம்ம ஊரு தங்க மீன்கள்’.
குழந்தைகள் உலகத்தையும்...பெரியவர்கள் உலகத்தையும் எத்தனை எதார்த்தமாக சித்தரிக்கிறார் கொரிதா.
குழந்தைகளை மருத்துவமனையில் மாற்றிய நர்சை கூட வில்லியாக்காமல் ‘ஹேராம் கமல் போல்’...
‘ஓநாயின் பார்வையில்’ பார்த்து அதற்குரிய நியாயத்தையும் கற்பிக்கிறார் இயக்குனர் கொரீதா.


பணக்காரன் ‘கடமை...கண்ணியம்...கட்டுப்பாடு’ என கடைந்து...குடைந்து... குழந்தையை    ‘சாப்ட்வேராக்குகிறான்’.
‘சாப்ட்வேர்கள்’ சிந்திக்காது.

[ சாப்ட்வேர்கள் = திராவிடக்கட்சி தொண்டர்கள் ]

பணக்காரன், வாழ்க்கையை பளபளப்பாக்குவது பணமே என எண்ணி ‘எந்திரனாகிறான்’.
நடுத்தரன், வாழ்க்கையை வளமாக்குவது  ‘அபரிமிதமான அன்பே’ என வாழ்ந்து ‘மனிதனாகிறான்’.


மசாலா படங்களை  ‘மல்லு கட்டி’ ரசிக்கும் ரசிகர்களை கூட,
இந்தப்படம் வசீகரிக்கும் வல்லமை வாய்ந்தது.

உதாரணமாக இரு குடும்பங்களும் ஒரு நதிக்கரையில் கூடுவார்கள்.



 
குறியீடுகளுக்கு கோனார் நோட்ஸ் போடும் ‘தற்குறிகளை’ தலை குனிய வைக்க இந்த புகைப்படங்களே போதும்.

குழந்தை குட்டியோடு பார்த்து குதுகலிக்க அருமையான படம் மக்களே...
மிஸ் பண்ணிடாதீங்க!
பணம் இருப்பவர்கள் ஜப்பானுக்கு பறந்து போயாவது பார்த்து விடுங்கள்.
பணம் முக்கியமில்லை...இந்தப்படம் அவ்வளவு முக்கியம்.

பெற்ற விருதுகள்...[ தகவல் உபயம் IMDB ]

Asia Pacific Screen Awards 2013

Nominated
Asia Pacific Screen Award
Best Film
Kaoru Matsuzaki (producer)
Hijiri Taguchi (producer) 
Achievement in Directing
Hirokazu Koreeda 

Cannes Film Festival 2013

Won
Jury Prize
Hirokazu Koreeda 
Won
Prize of the Ecumenical Jury - Special Mention
Hirokazu Koreeda
Tied with Miele (2013).
Nominated
Palme d'Or
Hirokazu Koreeda 

London Film Festival 2013

Won
Best Film
Hirokazu Koreeda 

Oslo Films from the South Festival 2013

Nominated
Films from the South Award
Best Feature
Hirokazu Koreeda (director) 

San Sebastián International Film Festival 2013

Won
Waki.TV Audience Award
Hirokazu Koreeda 

கேரள திரைப்பட திருவிழாவுக்கு செல்கிறேன்.
பார்க்கும் படமெல்லாம் ‘லைக் பாதர். லைக் சன்’ போல் அமைய வாழ்த்துங்கள்.

அடுத்தப்பதிவில் சந்திப்போம்.   

Dec 4, 2013

தினமும் இறக்கிறாள்...பிறக்கிறாள்....அவள் அப்படித்தான்.

கோவா திரைப்பட திருவிழாவில், 'உலக சினிமா’ பிரிவில் திரையிடப்பட்ட படம்...

The Ravine of Goodbye | 2013 | Japan | Directed by : Tatsushi Ohmori


கல்லூரியில் படிக்கும் போது தனது நண்பர்களாலேயே கற்பழிக்கப்பட்ட பெண்...
அந்தத்துயரத்தை தூக்கி சுமந்து கொண்டே செல்கிறாள்.
செய்த பாவத்துக்கு பரிகாரமாக,
அந்தத்துயரத்தை துடைக்க...
அவள் போகுமிடமெல்லாம் துரத்தி துரத்தி போகிறான் ஒரு நண்பன்.
அவள்,‘புண்ணுக்கு புனுகு பூச வந்த புருஷனே போடா’ என்பாள் ஒரு கணம்.
‘வாழ்வளிக்க வந்த வசந்தமே வாடா’ என்பாள் மறுகணம்.
படத்தின் இறுதி வரைக்கும் இவர்கள் பயணம் இப்படியே தொடர்கிறது.



இறுதியில்,
ஓடிப்போகிறாள் அவள்...
‘அவள் அப்படித்தான்’.
தேடிப்போகிறான் அவன்.
‘அவனும் அப்படித்தான்’.

இப்படத்தின் திரைக்கதை, ‘வேறொரு புள்ளியில் துவங்கி’ நத்தையாக பயணித்து திணற வைக்கிறது.
இருந்தாலும் படத்தின் ஒவ்வொரு பிரேமும்,
நம்மை வசியப்படுத்தி ‘வழி காட்டி’ கூட்டிச்செல்கிறது.
‘அசாதரணமான சட்டகங்களில்’ அசத்தி இருக்கிறார் இயக்குனர். 



திரைக்கதை எழுதி இயக்கிய 'Tatushi Ohmori' உலக சினிமா இயக்குனர்களில் முக்கிய இடத்தைப்பிடிப்பார்.


இப்படம் ‘உண்மையான உலக சினிமா ரசிகர்களுக்கு’ உவகையளிக்கும்.
‘உள்ளொளியால்’ உளுத்துப்போய், உருக்குலைந்த உலக்கைகளுக்கு ‘உப்புக்கரிக்கும்’.

Dec 2, 2013

தமிழ் சினிமா டைட்டிலுக்கு ‘மலையாள எழுத்தை’ பயன்படுத்தலாமா?

கோவா திரைப்பட திருவிழாவில் ‘தேசிய திரைப்பட ஆவணக்காப்பகம்’ 

கண்காட்சி அரங்கு அமைத்து இருந்தனர்.

இந்திய மொழிகளில் வந்த சிறந்த திரைப்படங்களின் போஸ்டரை 

காட்சிப்படுத்தி இருந்தார்கள்.

தமிழ் படங்களில் வேதம் புதிது, ஏழாவது மனிதன், நெஞ்சத்தை கிள்ளாதே

பெரியார் போன்ற படங்களின் போஸ்டர் ‘தமிழில்’ இருந்தது.



இயக்குனர் ஜான் ஆப்ரஹம் இயக்கி வெளி வந்த ‘அக்மார்க் தமிழ் படமான’ 


‘அக்ரஹாரத்தில் கழுதை’ பட போஸ்டர் ‘மலையாளைத்தில்’ இருந்தது.
தமிழ் எழுத்தை மலையாளத்தில் மாற்றி ‘ஜெயமோகன்’ வேலை பார்த்த 

புண்ணியவான் யாரோ?




மனிரத்னத்தின் ‘அஞ்சலி’ பட போஸ்டரும் ‘இந்தி’ பதிப்புக்கானது.




இந்தத்தவறை தேசிய ஆவணக்காப்பகம் தொடர இனியும் நாம் 

அனுமதிக்கக்கூடாது.

தேசிய திரைப்பட ஆவண காப்பகத்துக்கு இது குறித்து மின்னஞ்சல் அனுப்ப 

முடிவு செய்துள்ளேன்.

பதிவுலக நண்பர்கள், இப்பணியைச்செய்ய வேண்டி விரும்பி 

கேட்டுக்கொள்கிறேன்.

உங்கள் குரல் ஒலிக்க வேண்டிய முகவரி :

National Film Archive of India,
P.O.Box No: 810,
Law College Road,
Pune - 411004.


nfaipune@gmail.com