குழந்தைகள் சினிமா பற்றி இந்து பத்திரிக்கை சிறப்புக்கட்டுரையில் எனது கருத்தும்!

நண்பர்களே...
இன்றைய இந்து பத்திரிக்கை கோவை பதிப்பில் மெட்ரோ ப்ளஸ் பகுதியில் எனது கருத்தும் இடம் பெற்றுள்ளது.
உலகசினிமா ரசிகன் = எஸ்பிபி.பாஸ்கரன்.

இந்தக்கட்டுரை என்னுள் சில விதைகளை விதைத்துள்ளது.
நன்றி இந்து பத்திரிக்கைக்கு.

கட்டுரையை கீழ்க்கண்ட இணைப்பில் சென்று படிக்கவும்.
http://www.thehindu.com/features/metroplus/films-of-innocence/article5347381.ece

The Red Balloon-1956[France] 34 நிமிட வசனமில்லா கவிதை

ரெட் பலூன் குழந்தைகளுக்கான படம்.
நம்மை குழந்தைப்பருவத்திற்க்கு ஒரு உல்லாசப்பயணமாக அழைத்து செல்கிறது.
ஒன்றிரண்டு வார்த்தைகளைத்தவிர சுத்தமாக வசனமேயில்லாமல் இக்கவிதையை படைத்த பிதாமகன் Albert Lamorisse.

படத்தின் மிக முக்கிய கதாபாத்திரத்தில் தனது மகனையும்,மகளையும் நடிக்க வைத்து.... குடும்பத்தோடு நாம் பார்க்கும்படி ஒரு குதூகல அனுபவத்தை வழங்கிய இயக்குனருக்கு பலூன் பொக்கே பரிசாக வழங்க வேண்டும்.
அதுதான் ஆகச்சிறந்த பரிசு என்பதை படத்தை பார்த்த பிறகு நீங்கள் உணர்வீர்கள்.

குழந்தை முகத்தின் நேரே கிலுகிலுப்பையை ஆட்டினால் சிரிக்கிறது.
நம் முகத்தின் நேரே யாராவது கிலுகிலுப்பையை ஆட்டினால் சிரிப்போமா?
ஆட்டியவன் கையை முறித்து விட்டு வேண்டுமானால் சிரிப்போம்.
கிலுகிலுப்பையை போல ரெட் பலூன் திரைப்படமும் நம்மிடம் இருக்கும் குழந்தைதன்மையை அளக்கும் மீட்டராகச்செயல்படுகிறது.

பள்ளிக்கு செல்லும் சிறுவன்... மின் விளக்கு கம்பத்தில் சிக்கித்தவிக்கும் பெரிய சிவப்பு பலூனை மீட்டெடுக்கிறான்.

பலூனோடு வரும் சிறுவனை பேருந்தில் ஏற்ற மறுக்கிறார் நடத்துனர்.
பலூனைப்பிடித்தபடி ஒடியே பள்ளிக்கு செல்கிறான்.

பள்ளிப்பணியாளரிடம் ஒப்படைத்து விட்டு வகுப்பு முடிந்ததும் பெற்றுக்கொண்டு வீட்டிற்க்கு வருகிறான்.

அம்மா பலூனை தூற எறிந்து விட்டு பையனை மட்டும் வீட்டிற்க்குள் அழைத்து செல்கிறாள்.
பலூன் நைசாக வந்து சிறுவன் அறை ஜன்னலை தட்டுகிறது.

இந்தக்காட்சியிலிருந்து சிறுவனுக்கும் பலூனுக்குமான பாண்டசி உலகம் தொடங்குகிறது.
நம் மனதை கொள்ளையடிக்கும் காட்சிகள் வரிசையாக வந்து திணற வைக்கிறது.
ஹாரி பாட்டர் படமெல்லாம் இப்படத்தின் கால் தூசுக்கு பெறாது.

ரெட் பலூன் திரைப்படம் அமெரிக்கா,கனடா போன்ற நாடுகளில் நர்சரி பள்ளிகளில் கட்டாய படமாக காட்டப்பட்டு வருகிறது.
இப்படம் குழந்தைகளுக்காக....குழந்தைகளால்....குழந்தை மனம் படைத்த இயக்குனரால் படைக்கப்பட்ட திருக்குறள்.

ரெட்பலூன் பெற்ற விருதுகள்....

Wins

• Prix Louis Delluc: Prix Louis Delluc; Albert Lamorisse; 1956.^[14]
• Cannes Film Festival: Palme d'Or du court métrage/Golden Palm; Best Short Film, Albert Lamorisse; 1956.^[15]
• Academy Awards: Oscar; Best Writing, Best Original Screenplay, Albert Lamorisse; 1957.^[16]
• British Academy of Film and Television Arts: BAFTA Award; Special Award, France; 1957.^[17]
• National Board of Review: Top Foreign Films; 1957.^[18]

Other wins

• Best Film of the Decade Educational Film Award.[19]

நன்றி விக்கிப்பீடீயா.

Winged Migration-2001 ஊரு விட்டு ஊரு வந்து

சூப்பர் பாஸ்ட் மூவி எது என்று கேட்டால் “ஸ்பீட்” என்பார்கள் பலர்.....

“டேக்கன்” என்பார்கள் சிலர்.......

விங் மைக்ரேசன் என்பார்கள் இந்த ஆவண படத்தை பார்த்த அனைவரும்.

63 சீட் வாங்க...கொடுக்க இரண்டு கட்சிகள் நடத்திய குறும்படம்தான் உலகிலேயே விறுவிறுப்பான சரண்டர் காவியம் என்று என் நண்பர் சொல்கிறார்.

நாப்பது கிலோ மீட்டர் காரில் பயணம் போங்கள்.

செல் போனில் பேசிக்கொண்டே குறுக்கே வரும் பாதசாரிகள்....

டிராபிக் விதி மதியாமல் வரும் ஆட்டோக்கள்....

மாமூல் கொடுத்த திமிரில் வரும் மண் லாரிகள்....

என ஆயிரம் காரணிகளை தவிற்த்து ஸ்தலம் போய் சேர்ந்தால்...... நீங்கள் வழி படும் கடவுள் அருள்தான் காரணம்.

ஆனால் நாப்பதாயிரம் கிலோமீட்டர் ஆக்ஸிடெண்ட் இல்லாமல் பயணிக்கிறது பறவைகள்.அந்த பயணத்தை மிக வேகமான திரைப்படமாக நமக்கு வழங்கியவர்கள்

Jacqus cluzaud,Mickel Debats,Jacques Perrin.நான்கு வருடம்,7 கண்டங்களில் படமாக்கியுள்ளார்கள்.

விறுவிறுப்பான மசாலா படத்திற்க்கான பாட்டு,நடனம்,சண்டைக்காட்சி...என அனைத்தும் உண்டு.ஏன் வில்லன் கூட உண்டு.துப்பாக்கியோடு வரும் அந்த கொடிய மிருகத்தின் பெயர் “மனிதன்”.

இந்த ஆவணப்படத்திற்க்கு இணையான பிரமிப்பு.... தயாரித்த விதத்திலும் கிடைக்கிறது .

இப்படத்திற்க்காக பதிவு செய்யப்பட்ட பிலிம் நெகட்டிவ் நீளம் எவ்வளவு தெரியுமா? அதிகம் இல்லை ஜெண்டில் மேன்.... 590 மைல் நீளம்.அவ்வளவுதான்.

இந்த செய்தி பிரமாண்ட இயக்குனர் ஷங்கர் காதுக்கு போனால் வந்தது ஆபத்து...600 மைல் நெகட்டிவில் எந்திரன் பார்ட் 2 எடுக்க கிளம்பி விடுவார்.

590 மைலை அழகாக வெட்டி ஒட்டி நமக்கு காண்பித்தது 89 நிமிடம்.

அதான்.... படம் பறக்குது.

இரண்டு மாசம் ஒரே லொக்கசனில் தொடர்ந்து சூட் பண்ணியதில் கிடைத்த அத்தனை ஷாட்களும் வைரங்கள். எதை எடுப்பது...எதை விடுப்பது என்று குழம்பாமல் கோகினூர்வைரமாக .....

ஒரு நிமிடத்திற்க்கும் குறைவான ஒரே ஒரு ஷாட்டை.... தேர்வு செய்தார் எடிட்டர் திலகம்.

வானத்தில் பறவைகள் பறப்பதை மிக அருகில் காமிராவும் பறந்து பதிவு செய்திருக்கிறது.எப்படி???????????

ஸ்டார்க்ஸ்&பெலிக்கன்ஸ் வகைப்பறவைகள் முட்டையிலிருந்து வெளி வரும்போது எதை பார்க்கிறதோ அதையே தாயாக நினைத்து பழகுமாம்.செயற்க்கை முறையில் அடை காத்து குஞ்சு வெளியே வரும்போது மனிதனை பழகவிட்டு டிரெய்னிங் கொடுத்து அந்த பறவைகளின் காலில் காமிராவைப்பொருத்தி பாலுமகேந்திராவாக்கியிருக்கிறார்கள்.

[இத்தகவலை எனக்கு சொன்னவர் என் நண்பர் ஜெயராமன்.காமிராவை திருமணம் செய்து கொண்டு காட்டிலேயே 365 நாளும் இருக்கிறார்.

உலகின் Top 50 வைல்டு லைப் போட்டாகிராபரில் இவரும் ஒருவர். ]

பாராகிளைட்,ஹாட் ஏர் பலூன்,டிரக் என உலகின் அனைத்து வாகனங்களிலும் பயணித்து படமாக்கியிருக்கிறார்கள்.ஒளிப்பதிவில் ஜாம்பவான்கள் அனைவரும் பணிபுரிந்திருக்கிறார்கள்.அதில் ஒருவர் படமாக்கும் போது தவறி விழுந்து தன்னுயிரையே பலி கொடுத்திருக்கிறார்.

இயற்க்கையை நேசிக்க நம் பிள்ளைகளுக்கு பாடம் நடத்த வேண்டாம்.இப்படத்தை காண்பியுங்கள்.அது போதும்.

Not one less-டீச்சரம்மா

ஜாங் யீமூ வர்த்தக சினிமாவின் மாபெரும் இயக்குனர்.பாக்ஸ் ஆபிஸ் ரெக்கார்ட் உருவாக்குவதே இவரது வேலை.உ.ம் ஹீரோ[ஜெட்லீ]அதே சமயத்தில் ரியலிஸ்டிக் பாணியில் பயணம் செய்து அவார்டுகளையும் வசூலையும் வாரிக்குவிப்பது உப வேலை.நியோ ரியலிஸ்டிக் பாணியில் எடுக்கப்பட்ட படம் நாட் ஒண் லெஸ்.அனைத்து நடிகர்களுமே தொழில் முறை நடிகர்கள் அல்ல.அனைவருமே கிராமத்து விதைகள்.அவர்களது ஒரிஜினல் பெயர்களே படத்திலும் பயன்படுத்தப்பட்டது.

1990களில் பயணிக்கிறது கதை.அழகிய மலைக்கிராமம்....ஓராசிரியர் பள்ளி....ஆசிரியர் ஒரு மாதவிடுமுறையில் செல்லநினைக்கிறார்.

13 வயது வீ மின்சி தற்காலிக டீச்சராக நியமிக்கிறார்.ஓரே ஒரு நிபந்தனை “பள்ளியில் ஒரு மாணவன் குறையக்கூடாது”.வீ மின்சி ஒரு வளர்ந்த குழந்தை .பள்ளி மாணவர்களை விட இவளது அறிவு கம்மி.ஒரு வழியாக வகுப்பை ஒப்பேற்றிக்கொண்டு இருக்கிறாள்.சுட்டி மாணவன் ஒருவன் தப்பி அருகில் உள்ள நகரத்துக்கு வேலைக்காக செல்கிறான்.நகரத்துக்குச்சென்று அவனை மீட்பதே கிளைமாக்ஸ்.

எல்லா காட்சிகளிலுமே நகைச்சுவை நியாயமாக இருக்கிறது.ஆனாலும் ஒரு சோகத்தை ஒளித்து வைத்திருக்கிறது.மாணவர்களும் டீச்சரும் கோக் குடிக்கும் காட்சி...பானைச்சோற்றில் ஒரு பதம்.ஆளுக்கு ஒரு சொட்டுதான் கிடைக்கிறது.ஆனாலும் நீண்ட நாள் ஆசை நிறைவேறிய திருப்தி அந்த முகங்களில்.. கிராமங்கள் மீது ஊடகமும் கார்ப்பரேட் கம்பனிகளும் இணைந்து தொடுக்கும் வன்முறை.... இக்காட்சி நம் முகத்தில் அறைந்து சொல்கிறது.

இயற்க்கை ஒளி மட்டும் பயன்படுத்தி காட்சிகளை ஒவியமாக்கியவர் Hou Yong .பெரும்பான்மை காட்சிகளில் ஒளிந்து கொண்டு தேவைப்படும்போது மட்டும் வெளிவந்து இசையால் நம்மை கட்டிப்போடுகிறார் சீனத்து இளையராஜா Sam Bao

உலகசினிமாவில் ஜாங் யீமூ முத்திரை பதித்த மற்ற படங்கள்

The Road Home

Raise the Red Lantern

To Live

Riding alone for thousend miles

இந்தப்படங்களையும் பார்த்துவிட்டு வாருங்கள்...எனது அகில உலக

ஜாங் யீமூ ரசிக மன்றத்தில் உறுப்பினராக சேர்த்து கொள்கிறேன்.தலைவர் பதவி கோவையில் ராஜா என்பவர் பறித்துக்கொண்டு போய்விட்டார்.

The chorus-டீச்சருக்கு மரியாதை

கோரஸ் ஜாலியான 10000வாலா.....

நான் மிகவும் ரசித்த ப்ரெஞ்ச் படம்..இயக்கம் Christophe Barrtier.

இந்தப்படம் ஒரே ஸ்ட்ரோக்கில் உங்களை வீழ்த்தி விடும்.....ஆட்டோகிராப் மாதிரி....

நீங்கள் படித்த பள்ளிக்கு கூட்டிச்செல்லும்..உங்கள் ஆசிரியரை ஞாபகப்படுத்தும்..

இப்படத்தின் வசியத்தன்மைக்கு...வெற்றிக்கு இதுதான் காரணம்...

நான் கல்விஅமைச்சரானால் இப்படத்தை எல்லா டீச்சர்களையும் பார்க்க ஆணையிடுவேன்..

குட் டீச்சர்..பேட் டீச்சர் இரண்டுக்குமே உதாரணம் இப்படத்தில் இருக்கிறது.

கிட்டதட்ட சிறுவர் ஜெயில் மாதிரி ஒரு ஸ்கூல்.அதற்க்கு நல்லாசிரியராக வருகிறார் நம்ம கதாநாயகன்.இம்மென்றால் அடி...ஏனென்றால் உதை கொடுக்கும் தலைமை ஆசிரியர்தான் வில்லன்...அத்தனை அராத்து மாணவர்களையும் இசையால் வசமாக்குகிறார் நம் நாயகன்..தனிப்பட்ட வாழ்க்கையில் தோல்வி மட்டும் பரிசாகப்பெறும் நாயகன் ஒரு மாணவனுக்கு வெற்றி விருந்தளிக்கிறார்...

இப்படம் என் ஆசிரியரை ஞாபகப்படுத்தி உணர்ச்சிப்பெருக்கில் தத்தளிக்க வைத்தது.என் வகுப்பில் என்னோடு ஆறு பேர் ஆங்கிலத்தில் புலமை படைத்தவர்கள்..35 மார்க் எடுத்தால்தான் பாஸென்ற கொடுமையான சட்டம் நிலவி வந்த அந்தக்கால SSLC நான்..15 நாள் எங்களை அவரது வீட்டில் சிறை வைத்து சாப்பாடும் போட்டு பாடம் எடுத்து பாஸாக்கினார் கடமை கண்ணியம் மிக்க எனது ஆசான் திரு.ராஜ்குமார்.

வருடாவருடம் மீசை,கிருதா கெட்டப் சேஞ்ச் செய்வார் கமல் மாதிரி..

அப்பாடா...கமலை கொண்டு வந்துவிட்டேன்..கமலைப்பற்றி பேசுவது... நினைப்பது... சுகம்..

சென்னையில் நானும் விக்ரம் தர்மாவும் பக்கத்துவீடு..மருதநாயகம் பற்றி பேசும் போது சொன்னார் இந்தச்செய்தி.....மலை உச்சியில் இருந்து குதித்து தண்ணீருக்குள் மறைந்து போவதாகக்காட்சி..லொக்கேசன் ஒகனேக்கல்..வெள்ளம் பெருக்கெடுத்துக்கொட்டும் அருவி...ஒயர் கட்டி டம்மி வைத்து ஒத்திகை பார்த்தால்..... ஒரே ஒரு இடத்தில்.....மட்டும்...... சரியாக குதித்தால்..... மேலே இருந்து விழுகின்ற வேகத்தை..... உள் வாங்குகின்ற ஆழம் இருந்தது .மற்ற இடத்தில் விழுந்தால் தண்ணீருக்குள் ஒளிந்திருக்கும் பாறையில் மோதி மரணம் நிச்சயம்.டூப்பும் ரெடி..12 காமிராவும் ரெடி..டேக்கிற்க்கு ரெடியாகும் போது.... கமல், நான் ரெடி ...டூப் வேண்டாம்..... என்றார்..மொத்த யூனிட்டும் நடுங்கிவிட்டது...யார் சொல்லியும் கேட்காமல் குதித்தேவிட்டார்..அது மட்டுமல்ல...விழும் வேகத்தில் சற்று ஸ்விங் செய்து ஒரு பாறையில் காலை ஊன்றி மிதித்து....கரணம் போட்டு... சரியாக பள்ளத்தில் குதித்தார்..இன்றும் நம்மிடையே இருக்கிறார்..ஜாக்கிச்சான் கூட இந்த ஸ்டண்ட் செய்தது இல்லை..அனைத்து ஹாலிவுட் படத்துக்கும் இந்த ஒரு காட்சியில் சவால் விட்டிருந்தார்..எடிட் செய்து பார்த்தால் அத்தனை அழகு அந்தக்காட்சி.இந்தப்படம் வெளிவரவில்லையே என்று கலங்கினார் விக்ரம் தர்மா..

1991ம்வருடம்..... ஒரு ஹிந்திப்பட சூட்டிங்...விஜிபி கோல்டன் பீச்சில்..நான் எட்டி பார்த்தேன்.ஒரு ஜீப் பானட்டில் இருந்து குதிக்கும் காட்சி..குதித்தவர் டூப்..நடித்தவர் ரஜினிகாந்த்.

THE SONG OF SPORROW - ஈரான் புதுக்கவிதை

எனது ஆதர்ச இயக்குனர் மீண்டும் ஜெயித்திருக்கிறார் வழக்கமான மழலைப்பட்டாளங்களோடு.......

சில்ட்ரன் ஆப் ஹெவன்,கலர் ஆப் பாரடைஸ் வரிசையின் ஹாட்ரிக் இது.

குடும்பத்தோடு குதுகலிக்க....,குழந்தைகளுக்கு கற்றுக்கொடுக்க..... படம் எடுப்பதில் இணையாக மஜிதிக்கு இணையாக இந்த கிரகத்தில் யாருமே இல்லை .முன்னே ஒரு மகான் இருந்தார் ..அவர் பெயர் சாப்ளின்.

அழகிய கிராமத்து கவிதை ,நகரத்தின் நெருக்கடிகளில் குத்துப்பாட்டாகி, சீரழிவதை தன் பாணியில் நாகரீகமாக சொல்லியிருக்கிறார் மஜிதி .

ஒன்றைப்புரிந்து கொள்ளுங்கள் நண்பர்களே...ஈரானில் நான்குக்கும் மேற்ப்பட்ட இடத்தில் சென்சார் என்ற விபத்தை தாண்ட வேண்டும்..கதையில்...காட்சியில்...கவர்மென்டை கொஞ்சம் காயப்படுத்தினால் போதும்..ஜெயிலில் போட்டு காயடித்து விடுவார்கள்..

சமீபத்திய உதாரணம் ஜாபர் பனாகி...

அழகிய கவிதை ஒன்றை காட்சியாக்கி அதன் உள் அர்த்தத்தில் சாட்டை எடுத்து சாடியிருப்பார் மஜிதி....இது அவரது ஸ்டைல்....

உதாரணம் இப்படத்திலேயே இருக்கிறது.

சாக்கடை குழியாக இருக்கும் ஒரு பாழடைந்த கிணற்றை சுத்தப்படுத்தி மினரல்வாட்டர் கிணறாக மாற்றி விடுவார்கள் இவரது

மழலைப்பட்டாளங்கள்..இந்தக்கிணற்றில் இ. ராஜாவின் இசையில் ஜானகி மாதிரி பாடுகிறது ஒரு சிட்டுக்குருவி....அடடா...என்ன ஒரு அழகு...இந்தக்காட்சி சாகும் வரை என்னுள் இருக்கும்..

இதன் உள்அர்த்தமாக எனக்குப்பட்டது....முன்னோர்களால் சாக்கடையாக்கப்பட்ட ஈரானை வருங்கால சந்ததியினர் சுத்தப்படுத்தி சிட்டுக்குருவி போல் பறக்கவிடுவார்கள்..அங்கு பழமை என்ற பெயரில் பயங்கரவாதம் இருக்காது . [உங்களுக்கு வேறு மாதிரி தோன்றலாம்.அதை எனக்கு எழுதுங்கள் ]

மஜிதி போன்ற இயக்குனர் வரும் வரை நாம் எந்திரன் பார்த்து சுகித்திருப்போம்.....

LE PAPPION - France \ பட்டாம் பூச்சியும்...முரட்டுக்குழந்தையும்.

பட்டாம்பூச்சி ஒரு ப்ரெஞ்ச் கவிதை....
இயக்கம் பிலிப் முயில்.

கதாநாயகி எல்சா இந்த உலகத்தை கேள்விகளால் அறிய துடிக்கும் சின்னஞ்சிறு சிறுமி.
பதின்வயதில்...ஒரு கன்னித்தாய்... பெற்றெடுத்த மகள்.

 ‘மிடில் கிளாஸ்’ தாயும், எல்சாவும்...
அப்பார்ட்மெண்ட்ஒன்றில் குடியேற வருகிறார்கள்.

அபார்ட்மெண்ட் மாடியில்... ‘தனிமை விரும்பி’ முதியவர்.
பட்டாம்பூச்சிகளை வளர்த்து... கொன்று....
கலைப்பொருளாக்கி... விற்று வளமாக இருக்கிறார்.

அவரிடம்...எல்சா  ‘வேண்டாத விருந்தாளியாய்’ ஒட்டிக்கொள்கிறாள் பட்டாம்பூச்சி வேட்டைக்கு போகும்போது...
எல்சா...அந்த முரட்டு குழந்தையை...  முழு மனிதனாக...
பரிணாம வளர்ச்சியடைய வைக்கிறாள்.

எல்சாவின் கேள்விகள் நம்மை வசீகரிக்கின்றன.
ஒவ்வொன்றும் கிருஷணா ஸ்வீட் ரகம்தான்.
பட்டாம்பூச்சி வேட்டைக்காக இவர்களோடு நாமும் பயணிக்கிறோம்.
பயணத்தின் முடிவில் கற்றுக்கொள்கிறோம்.

தமிழில் இது போன்ற படங்கள் வராதா என்ற ஏக்கத்துடன் முடிக்கிறேன்

Top 10 Films - எனக்குப்பிடித்தது

புதிதாக உலகசினிமா பார்ப்பவர்களுக்கு, நான் பார்த்த உலகசினிமாவில்...
எனக்கு மிகவும் பிடித்த... சிறந்த பத்து படங்களின் தேர்வு இதோ.......

1.Children of Heaven


















2. Way home


















3.Bicycle Thief


















4. La Strada










5.Blow up


















6.Tokyo story



















7.Breathless




















8. Pather Panchali















9.Life is Beautiful



















10.Roshomon











[ இந்த படங்களின் அறிமுகம்.... மிகச்சிறப்பாக ,திரு.செழியன் ஆனந்தவிகடனில் எழுதி உள்ளார்.அதன் தொகுப்பு ”உலகசினிமா”என்ற நூலாக கிடைக்கிறது ]
இந்த பு த்தகத்தை படித்து விட்டு,
உலக சினிமா இந்த வரிசையில் பார்க்க ஆரம்பிப்பது நலம்.முதன் முதலாக உ.சி பார்ப்பவர்கள் பெர்க்மன் போன்ற ஜாம்பவான்களை தவிர்ப்பது உத்தமம்.இவர் படங்களும் கமல் பேசுவதும் ஒன்று...புரியாது...புரிந்து விட்டால் உங்களுக்கு உலக சினிமாவில் டாக்டர் பட்டம்.
இந்த பத்து படங்களும் பார்த்து விட்டு மேலும் வேண்டும் என்று பசியெடுத்தால்...
வாருங்கள்...welcome to world cinema

தமிழில் டாப் 10 படங்கள்

1 உதிரிப்பூக்கள்
















2 முதல் மரியாதை
















3 அவள் அப்படித்தான்




















4 நாயகன்















5 வீடு

6 பருத்திவீரன்














7 சுப்பிரமணியபுரம்


















8 அங்காடி தெரு



















9 காதல்



















10 தேவர்மகன்






















5000 தமிழ் படங்களில் 10 படம் தேற்றுவதற்க்குள் மூச்சு திணறி விட்டது..ஆனால் 10 நூறூ ஆகும்..சமீபத்திய நம்பிக்கை..களவாணி...