AFTERMATH - மரணத்தை எண்ணி கலங்கிடும் விஜயா....

AFTERMATH [ Lad De Sma Born ] \ Denmark \ 2004 \ Directed by : Paprika Steen.
நண்பர்களே....
சோகத்திலே மிகவும் கொடியது புத்திர சோகம் என்கிறது மகாபாரதம்.
கர்ணன் படத்தில் மரணத்தின் தன்மையை கண்ணதாசன் அற்புதமாக விளக்கியிருப்பார்.
“ மரணத்தை எண்ணி கலங்கிடும் விஜயா...
மரணத்தின் தன்மை சொல்வேன்”

பதின்வயது மகளை விபத்தில் பறிகொடுத்த பெற்றோரின்
சோகக்கதையா...‘அப்டர்மேத்’ ?

கார் பார்க் ஏரியா....
  'EXIT'  பாதை...
கார்கள் எதுவும் வராததால், மரண அமைதி காக்கிறது பாதை.
இதுதான் படத்தில் முதல் ஷாட்.

மிகப்பெரிய சாலை.
தூரத்திலிருக்கும் சிக்னலை நோக்கி சில கார்கள் பயணிக்கின்றன.
விபத்தில் மகளை பறி கொடுத்த பெற்றோரின் காரும் அந்தப்பயணத்தில் இணைகிறது.
இதுதான் படத்தின் கடைசி ஷாட்.

இரு ஷாட்களுக்கிடையில் ஒரு சோகக்கவிதையை புனைந்திருக்கிறார்
இந்த பேரழகுப்பெண் இயக்குனர் Paprika Steen.

ஒரு மிகப்பெரிய சோகம் நிகழ்ந்திருக்கிறது.
அந்த சோகம் என்ன ?...என்பதை படத்துவக்கத்திலேயே கேள்வியாக்கி,
அக்கேள்விக்கான விடையை பின் தொடரும் காட்சிகளில்,
வசனங்களின் மூலமாகவும்,
விஷுவலாகவும்,
கொஞ்சம் கொஞ்சமாக திரையை விலக்கி நம்மை உணர வைக்கிறார் இயக்குனர்.

விபத்தில் மகளை பறி கொடுத்த கிளே - பிரிட் தம்பதியர்,
வழியாகத்தான் இப்படத்தின் திரைக்கதை பயணிக்கிறது.

படத்தில் மூன்று கிளைக்கதைகள் வருகிறது.
[ 1 ] கிளே -பிரிட் தம்பதியினரின் நண்பர்களாக வரும் நடுத்தர வயது தம்பதியர். இவர்கள் குழந்தைப்பேறு இல்லாமல் தவிப்பவர்கள்.

[ 2 ] ‘மெலினா’ என்ற இளம் தாயும்,
அவளால் சரி வர பராமரிக்கப்படாத ‘கேமிலி’ என்ற 6 மாத பெண் சேயும், ‘சோசியல் ஒர்க்கர்’ என்ற அரசுப்பணியை செய்யும் ’பிரிட்டின்’ கண்காணிப்பின் கீழ் வருகிறார்கள்.
கேமிலிக்கு தாயாகவும்...
‘உல்ரிக்’ என்ற புதிய காதலனுக்கு காதலியாகவும்...
ரெட்டை வாழ்க்கை வாழும் மெலினாவின் கதை இன்றைய டேனிஷ் சமுதாயத்தை பிரதிபலிக்கிறது.

[ 3 ] குடி போதையில் காரை ஓட்டி,
கிளே - பிரிட் தம்பதியினரின் 12 வய்து மகளின் உயிரைப்பறித்த...
நடுத்தர வயது பெண்மணி Anette Christoffersen.
டைவர்ஸாகி, தனிமையை போக்க மதுவையும்,
கண்ணில் படுகின்ற ஆண்களோடு உறவும் வைத்துக்கொள்ள அலையும்
இவளது கதையும்...பரிதாபமான கிளைக்கதைதான்.

மூன்று கிளைக்கதைகளும்,
‘மெயின்’ திரைக்கதையை சீராக முன்னெடுத்து செல்கின்றன.

கிளே- பிரிட் தம்பதியினர் எவ்வாறு புத்திர சோகத்தை கடந்து,
தங்கள் வாழ்க்கையை முன்னெடுத்து செல்கின்றனர் என்பது மட்டும் அல்ல... கிளைமேக்ஸ்.
நவீன டேனிஷ் சமுதாயத்தின் மீது இயக்குனர் வைத்துள்ள விமர்சனமும்
அடங்கி இருப்பதுதான் இப்படத்தின் தனிச்சிறப்பே.

இப்படத்தில் நான் மிகவும் ரசித்த காட்சிகளை விவரிக்கிறேன்.
‘கிளே’ புத்திர சோகத்தால் வெறி பிடித்து,
நூறு மீட்டர் ஓட்டப்பந்தய வீரனைப்போல பிளாட்பாரத்தில் ஓடுவான்.
சாலையில் வாகனப்போக்குவரத்து மிகுந்து இருக்கும்.
இத்தொடர் ஓட்டத்தை பல கட் ஷாட் மூலம்,
ஓட்டத்தின் வேகத்தை உணர்த்தியிருப்பார் இயக்குனர்.
ஓட்ட முடிவில், களைப்பாகி ஓடுவதை ஸ்லோ மோஷனில் படமாக்கி இருப்பார்.
மொத்த ஓட்டத்துக்கும் பின்னணியாக மெலிதான சோக இசை இழையோடி வரும்.
காட்சி முடிவில், தீடிரென்று  ‘போக்குவரத்தின் பேரிரைச்சல்’ ,
வெடித்து பின்னணி இசையை விழுங்கி விடும்.

பிள்ளையை பறி கொடுத்த தம்பதிகள் உடலுறவில் ஈடுபட மாட்டார்கள்.
மாறாக பிள்ளை இல்லாத தம்பதிகள் காட்சிக்கு காட்சி உடலுறவில் ஈடுபட்டு திளைப்பார்கள்.
இந்த முரணை,
இயக்குனர் பெண் என்பதால் உடலுறவு காட்சிகளை கச்சிதமாக கையாண்டிருப்பார்.

கிளே, புத்திர சோகத்தால் பாதிக்கப்பட்டு விபத்தை ஏற்படுத்திய பெண்ணை தேடிக்கண்டு பிடித்து,
அவளை கழுத்தை நெரித்து கொல்ல முயல்கிறான்.
அந்த களேபரத்தில் மல்லாக்க விழுபவளை,
‘செக்சுவல் இம்பல்சில்’ [ Sexual Impulse ] உந்தப்பட்டு கற்பழிக்கிறான்.
ஆனால் அவளோ, அந்த உடலுறவை ரசித்து ஏற்றுக்கொள்கிறாள்.
இந்தக்காட்சியில் இருக்கும் முரண்கள் மிகவும் ரசிக்கத்தகுந்தவை.
கிளேவைப்பொருத்த வரை அவளை கற்பழித்ததையே மரண தண்டனை வழங்கியதாக கருதுகிறான்.
இலக்கியத்தில், செக்ஸ்...மரணம்... இரண்டுமே ஒன்றாக கருதப்படுகிறது.

பிரிட், மெலினாவின் குழந்தையை தனது குழந்தை போல் பராமரித்து
அன்பு செலுத்துகிறாள்.
கிளே...வன்முறையின் மூலமாக தனது சோகத்துக்கு விடை தேடி விட்டான்.
பிரிட்...தாய்மையின் மூலமாக தனது சோகத்துக்கு விடை கொடுக்க முயலுகிறாள்.
பிரிட் கதாபாத்திரத்தை மிக உயர்வாக்கி இருக்கிறார்  ‘அழகுத்தேவதை’ இயக்குனர்.

பிரிட் கதாபாத்திரத்துக்கு நேர் முரணாக மெலினாவை படைத்திருக்கிறார்
இயக்குனர்.
இளம் வயதிலேயே தாயாகி தாய்மையின் மகத்துவம் அறியாமல் இருக்கிறாள்.
குழந்தையை, தனது வாழ்க்கைக்கு இடைஞ்சலாக...
Bitter & Sweet அவஸ்தையுடன் பார்க்கிறாள்.
ஒரு காட்சியில் மெலினா  ‘யு.எஸ்.ஏ’ என்ற எழுத்தை,
பெரிதாக பிரிண்ட் செய்யப்படிருக்கும் டி.ஷர்டை போட்டிருப்பாள்.
தாய்மைப்பண்பை புறக்கணித்த அமெரிக்க  ‘சூது’ கலாச்சாரம்,
டென்மார்க்கில் நுழைந்து  ‘கவ்வி’ விட்டதை குறியீடாக்கி உள்ளார் இயக்குனர்.

படத்தில் இடம் பெறும் இன்னொரு சுவாரஸ்யமான கதாபாத்திரத்தை,
இங்கே அறிமுகம் செய்வதில் பெருமை கொள்கிறேன்.
 ‘பிரிட்’ வேலை பார்க்கும் சோசியல் செண்டரின் தலைமை அதிகாரிதான் அவர்.
எல்லோரையும் கனிவுடனும், கருணையுடனும் வழி நடத்தும்
உயர் பண்புடைய அரசு அதிகாரியாக அவர் இருப்பது எனக்கு சற்று பொறாமையாக இருந்தது.
நம்மூரில் இவரைப்போன்ற அதிகாரிகளை லென்ஸ் வைத்து தேட வேண்டும்.

படம் முடிந்து கடைசி டைட்டில் கார்டு வரை பார்க்க வைத்து விடுகிறது,
பின்னணியில் வரும் ஒரு பாடல்.
அந்தப்பாட்லை கீழ்க்காணும் காணொளியில் கேட்டு உருகுங்கள்.

ஆக, ஒரு மிகப்பெரிய சோகம் நிகழ்ந்திருக்கிறது.

அதை கடக்க வேண்டி இருக்கிறது.

அந்த சோகம் என்ன ?

விபத்தில் இறந்த கிளே - பிரிட் தம்பதியின் மகளா ?

டேனிஷ் சமூக-சரித்திர விபத்தில் நிகழ்ந்த கலாச்சார சீரழிவா ?

வெளிப்படையான கருத்தாக, விபத்தையும்...

உள்ளார்ந்த கருத்தாக்கமாக, டேனிஷ் கலாச்சார சீரழிவையும்... சொல்லி இயக்குனர் இப்படத்திற்கு காவியத்தன்மையை கொடுத்திருக்கிறார்.

படத்தில் இடம் பெற்ற நடிக, நடிகையர்களும்,
அவர்கள் ஏற்ற கதாபாத்திரத்தின் பெயரும் அடங்கிய பட்டியல் இதோ...

·         Sofie Gråbøl – Britt Lehmann

·         Mikael Birkkjær - Claes Lehmann

·         Søren Pilmark - Nisse

·         Lena Endre - Vivi

·         Karen-Lise Mynster - Anette Christoffersen

·         Laura Christensen- Malene

·         Melina Nordmark Nielsen- Camille

·         Lars Brygmann - Chef

·         Carsten Bjørnlund - Ulrik

அனைத்து தொழில் நுட்பக்கலைஞர்களும் மிகச்சிறப்பாக தங்கள் பணியை சிறப்பாக செய்திருக்கிறார்கள்.
அனைவரையும் பாராட்டி இப்பதிவை நிறைவு செய்கிறேன்.

இப்படம் பெற்ற விருதுகள் விபரம்...
தகவல் உபயம் : IMDB

Bodil Awards
Year	Result	Award	Category/Recipient(s)
2005	Nominated	Bodil	Best Actress (Bedste kvindelige hovedrolle) Sofie Gråbøl
			Best Supporting Actress (Bedste kvindelige birolle) Karen-Lise Mynster
Film by the Sea International Film Festival
Year	Result	Award	Category/Recipient(s)
2004	Won	Audience Award	Paprika Steen
Karlovy Vary International Film Festival
Year	Result	Award	Category/Recipient(s)
2004	Won	Best Actress	Karen-Lise Mynster Tied with Marta Larralde for León y Olvido(2004).
		Don Quijote Award - Special Mention	Paprika Steen
	Nominated	Crystal Globe	Paprika Steen
Lübeck Nordic Film Days
Year	Result	Award	Category/Recipient(s)
2004	Won	Baltic Film Prize for a Nordic Feature Film	Paprika Steen
Molodist International Film Festival
Year	Result	Award	Category/Recipient(s)
2004	Won	Scythian Deer	Paprika Steen
Robert Festival
Year	Result	Award	Category/Recipient(s)
2005	Won	Robert	Best Actress (Årets kvindelige hovedrolle) Sofie Gråbøl
	Nominated	Robert	Best Actor (Årets mandlige hovedrolle) Mikael Birkkjær
			Best Cinematography (Årets fotograf) Erik Zappon
			Best Costume Design (Årets kostumier) Stine Gudmundsen-Holmgreen
			Best Director (Årets instruktør) Paprika Steen
			Best Film (Årets danske spillefilm) Thomas Heinesen (producer) Paprika Steen (director)
			Best Production Design (Årets scenograf) Peter Grant
			Best Screenplay, Original (Årets originalmanuskript) Kim Fupz Aakeson
			Best Song (Årets sang) Nina Persson For the song "Losing My Religion".
			Best Supporting Actress (Årets kvindelige birolle) Laura Christensen

அடுத்தப்பதிவில் சந்திப்போம்.

டிரைலரின் காணொளி இணைப்பு...

In A Better World - 2010 \ Denmark \ அன்பே ஆயுதம்

நண்பர்களே...பழைய பதிவுகளின் லேபல்களை ஒழுங்கு செய்து கொண்டிருந்தேன்.
தவறுதலாக இப்பழைய பதிவு...வெளியாகி விட்டது.
மன்னிக்கவும்.

பின்லேடனை ஒழித்து கட்டி விட்டதாக மார் தட்டுகிறது அமெரிக்கா.
பிணத்தைக்கூட கடலில் வீசி விட்டோம் என்று கொக்கரிக்கிறார்  ‘ஜனநாயகச்சக்ரவர்த்தி’ ஒபாமா.

இரட்டை கோபுரத்தை தகர்த்தது தீவிரவாதம் என்றால்
வியட்நாமில்....
ஆப்கானிஸ்தானில்....
ஈராக்கில்....
லிபியாவில்....
செய்ததற்கு பெயர் ஜனநாயகமா?

உலகத்தின் அனைத்து தீவீரவாதத்துக்கும் குத்தகைக்காரனான...
 ‘அமெரிக்கா’ திருந்தி...
அணு ஆயுதங்களையெல்லாம் அழித்து விட்டு...
அன்பை ஆயுதமாக தரித்தால்....?

இதைத்தான் In A Better World என்கிற திரைப்படம் பாடமாக போதிக்கிறது.
தனது இயக்கத்தால்...
இப்படத்திற்க்கு ஆஸ்கார் மற்றும் கோல்டன் குளோப்
இரண்டு அவார்டுகளையும்...
ஒருசேர வாங்கி தந்திருக்கிறார் இயக்குனர் Sussanne Bier.
[நம்மூர் சுகாசினி,ரேவதி எங்கே?]

இப்படத்தின் கதை இரண்டு டிராக்கில் பயணித்து...
அன்பென்கிற ஜங்சனில் இணைந்து...
மனிதநேயம் என்கிற ஒரே டிராக்கில் பயணிக்கிறது.

அண்டன்... சூடானில் பணி புரியும் டாக்டர்.
இவர் பணி புரிவது அப்பல்லோ மாதிரி பைவ் ஸ்டார் மருத்துவமனை அல்ல.
புழுதி பறக்கும் வெட்ட வெளியில்...
சூரியனையும்,மழையையும்...பெயருக்கு மறைப்பது போல்...
பாவ்லா காட்டும்...  ‘ கொட்டகைதான்’ மருத்துவமனை.

அண்டன்,
கழுத்தில் ஸ்டெத்தும்...
இதயத்தில் மனித நேயமும் மட்டுமே வைத்து பணி புரிகிறார்.
கள்ளமில்லாத அந்த கருப்பின மக்களின் புன்னகையை  பீஸாக பெற்றுக்கொள்கிறார்.

அண்டனின் குடும்பம் டென்மார்க்கில்.
மனைவியும் டாக்டர் ஜாதியே...

இவர்களது விவாக பந்தம்... ‘ரத்து’ என்கிற புள்ளியை நோக்கி
பிடிவாதமாக நகருகின்றது.
இவர்களது மூத்த மகன்தான் எலியாஸ்.
இவனுக்கு துணையாக பள்ளியில் வந்து சேருகிறான் கிரிஸ்டன்.

கிரிஸ்டன் லண்டனில், தாயை கேன்சருக்கு தின்னக்கொடுத்து விட்டு தந்தையோடு தாயகம் திரும்பியவன்.
தாயை சரியாக பராமரிக்காமல் சாவில் தள்ளியது தந்தையே என்று உறுதியாக நம்புகிறான் கிறிஸ்டன்.

இந்த மன அழுத்தம்...
வன்முறையை வழிமுறையாக்குகிறது.
நண்பன் எலியாசை அடித்த...போக்கிரி மாணவனுக்கு ‘மரண அடியை’ பரிசளிக்கிறது.

வன்முறை பழக்கம்...வழக்கமாகி...எலியாசின் தந்தையை அடித்த ரவுடியின் காரை பாம் வைத்து தகர்ப்பதில் முடிகிறது.
எதிர்பார்த்தபடி... கார் வெடிப்பது நடக்கிறது.
எதிர்பாராதபடி... எலியாஸ் விபத்தில் சிக்கியதும் நடக்கிறது.

எலியாஸ் மருத்துவமனையில் உயிருக்கு போராடுகிறான்.
எலியாஸ் உயிர் பிழைத்தானா?
கிறிஸ்டன் திருந்தினானா?
விடை தருகிறது கிளைமாக்ஸ்.

இப்படத்தில் வரும் இயற்கையழகு காட்சிகள்...
பல அர்த்தத்தை பொதிந்து வருகின்றது.
இதற்காகவும்...
ஆபாசமில்லா...காவியத்தன்மை இருப்பதாலும்... குடும்பத்தோடு பார்க்கலாம்.

 ‘உலக தாதா’ ஒபாமாவுக்கு... இப்படத்தின் டிவிடி அனுப்ப உத்தேசம்.

படம் பெற்ற விருதுகள் பட்டியல்...விக்கிப்பீடீயா உபயத்தோடு.

 On 19 January 2011, it made the short list for Best Foreign Language Film^[11] and on 25 January, it was selected as one of the final five nominees^[12] and won as the Danish entry for the Best Foreign Language Film at the 83rd Academy Awards.^[13] The film also won for Best Foreign Language Film at the 68th Golden Globe Awards.^[14] Additionally, it won:

• Rome International Film Festival 2010:^[15]
  • Marc’Aurelio Audience Award for Best Film
  • Marc'Aurelio Grand Jury Award
• Sevilla Festival de Cine 2010:^[16]
  • Best Director
  • Best Screenplay
• Tallinn Tarta, Black Nights Film Festival 2010:^[15]
  • Best Male Actor
• Thessaloniki International Film Festival 2010:^[15]
  • Creative Excellence Award

படத்தின் முன்னோட்டம்... கானொளியில் காண்க.