நண்பர்களே...
நான் கமலின் திரை வாழ்க்கை வரலாறை,
தொலைக்காட்சி தொடராக தயாரித்தேன்.
ஆரம்பத்தில் லாபத்தோடு போய்க்கொண்டிருந்த தொடர்,
தேய்பிறையாகி நஷ்டமாகிக்கொண்டு வந்தது.
லாபம் வந்த காலத்தில்,
கமல் என்னை வெகுவாக ஆதரித்து கை தூக்கி விட்டார்.
தொடர் நஷ்டமாக போய்க்கொண்டிருந்த காலத்தில்,
ஏதோ சில காரணங்களால் என்னை புறக்கணித்தார்.
அந்த கோபத்தில் அந்தத்தொடரை நான் நிறுத்தி விட்டேன்.
1995ல் அவரிடம் கோபித்துக்கொண்டு வெளியேறியவன்,
இன்று வரை அவரை நான் சந்திக்கவேயில்லை.
இளையராஜா, கே.பாலச்சந்தர், சுஜாதா, நாகேஷ் என நான் நேசித்த அத்தனை பேராலும் நான் நேரடியாக காயப்பட்டு இருக்கிறேன்.
ஆனால் அவர்கள் மேல் நான் கொண்ட காதல் என்றுமே அழியாது.
எனது பதிவுகளே இதற்கு சாட்சி.
சரி...விஷயத்துக்கு வருகிறேன்.
தொடரை நிறுத்தி விட்டு கணக்கு பார்த்ததில் கொஞ்சம் லாபம் மிஞ்சியது.
அந்தப்பணத்தில் கோவையில் ஒரு மூலையில் 16 செண்ட் இடம் வாங்கிப்போட்டேன்.
நான் வாங்கும்போது கிராமப்பஞ்சாயத்தாக இருந்த இடம்,
இப்போது கோவை மாநகராட்சியாகி விட்டது.
இப்போது அந்த இடத்தில் மூணே முக்கால் செண்ட் மட்டும் விற்றேன்.
அந்த மதிப்பின்படி, எனது இடம் கோடி ரூபாய் மதிப்பாகி உள்ளதை உணர்ந்தேன்.
எனவே கமலால் நான் இப்போது கோடிஸ்வரனாகி விட்டேன்.
[ கோடிக்கணக்கில் பணம் வைத்துள்ள ‘நிஜ கோடிஸ்வரர்கள்’,
என்னை மன்னிக்கவும்.
நீண்ட நாள் ஆசையின் காரனமாக,
என்னை நானே கோடிஸ்வரன் என அழைத்துக்கொண்டேன்.]
மேற்படி இடம் கோவை சரவணம்பட்டி அருகில் உள்ளது. ‘பி.பி.ஜி. இன்ஜினியரிங் கல்லூரி’க்கு எதிரில் அமைந்துள்ள மருதம் நகரில்
இருக்கிறது.
தொட்டடுத்து இருப்பது ‘அல்கெமி பப்ளிக் ஸ்கூல்’...
என் இடத்தை சுற்றி வாங்கியவர்கள் வீடு கட்டி விட்டார்கள்.
இன்னும் ஐந்து வருடத்தில் இந்த இடம் மதிப்பில் இன்னும் பல மடங்காகும்.
காரணம் தற்போது கோவை மாநகராட்சி,
மிகப்பெரிய ‘மேல்நிலை குடிநீர் தொட்டி’ கட்டி வருகிறது.
அடுத்த வருடம் முதல்வரே அதை திறப்பதாக திட்டமிட்டுள்ளார்கள்.
அதற்காக சாலை கட்டமைப்பு வசதிகள் செய்யவும் ஏற்பாடாகி வருகிறது.
மருதம் நகரையொட்டி உள்ள,
‘கோவை சக்தி ரோடு -அவினாசி ரோடு இணைப்புச்சாலை’...
நூறு அடி சாலையாக வெகு விரைவில் மாறும்.
என் இடத்தில் இன்னும் ஒரு சைட் மட்டும் விற்க எண்ணி உள்ளேன். இருபத்தைந்து லட்சம் ரூபாய் முதலீடு செய்ய விருப்பம் உள்ளவர்கள், என்னை 90039 17667 என்ற எண்ணில் தொடர்பு கொள்ளவும்.
எனக்கு தகுந்த தயாரிப்பாளர் அமையா விட்டால், எனது இடத்தை விற்று, எளிதாக ஒரு உலகசினிமா எடுக்க முடியும். இந்த நம்பிக்கைதான் இப்போது எனக்கு யானை பலத்தை தந்திருக்கிறது.
நண்பர்களே...
இன்று தமிழ்நாட்டில்,
நாடகக்கலை ... நகைச்சுவை தோரணங்களாக வலம் வந்து கொண்டிருக்கிறது.
அதனால் ‘ஆக்சிஜன்’ பெற்று உயிர் பிழைத்து வாழ்ந்து கொண்டிருக்கிறது.
நாடக கலைக்களஞ்சியம் \ 1964 \ ஆசிரியர் : அ.பாபநாசம் \ [ பதிவின் பாகம் - 2 ]
தீவிர நாடகங்கள்,
கூத்துப்பட்டறை, பரிக்ஷா போன்ற அமைப்புகளாலும்,
பொதுவுடமைக்கட்சியினரின் கலை, இலக்கிய மன்றத்தினராலும்
மட்டுமே நடத்தப்பட்டு...
‘கை சுடப்பட்டு’ வருகிறது.
1960 -70 வரைக்கும் நாடகம் தமிழ்நாட்டில் செழித்திருந்தது எனலாம்.
நாடகத்திலிருந்து வந்து திரை உலகில் கொடி கட்டிப்பறந்த ஜாம்பவான்களால் நாடக உலகம் செழித்திருந்தது.
திராவிட இயக்கத்தில்,
திரு.பேரறிஞர் அண்ணாத்துரையும்...
திரு.கலைஞர் கருணாநிதியும்...
திரு.பொன்மனச்செம்மல் எம்ஜியாரும்...
நாடகம் மற்றும் சினிமா மூலமாக தங்களது இயக்கத்தையும்,
தங்களையும் வளர்த்துக்கொண்டது மாற்ற முடியாத வரலாறு.
திரு.என்.எஸ்.கிருஷ்ணன் அவர்கள்,
தனது துணைவியார் டி.ஏ. மதுரத்துடன் இணைந்து...
சொந்தமாக நாடகக்கம்பெனி நடத்தி சீர்திருத்தக்கருத்துக்களை மக்களிடம் நாடகம் மூலமாக பரப்பி வந்தார்.
திரை உலகையும், நாடக உலகையும் இரு கண்களாகவே பாவித்தார்.
திரு.எம்ஜியார் அவர்கள் திரை உலக நட்சத்திரம் ஆன பிறகும் கூட,
தனக்கென ஒரு நாடகக்குழு அமைத்து...
நாடகங்கள் நடத்தி வந்தார்.
ஒரு நாடகத்தில், உடல் பருமனான நடிகரை...
தலைக்கு மேல் தூக்கி நடிக்கும் போது,
விபத்து ஏற்பட்டு கால் முறிவானது.
அந்த விபத்துக்குப்பிறகு அவர் நாடகம் நடிக்கவில்லை.
திரு. சிவாஜி கணேசன் அவர்கள் தனது சிவாஜி நாடகக்குழுவின் மூலமாக வீரபாண்டிய கட்டபொம்மன், வியட்நாம் வீடு, தங்கப்பதக்கம் போன்ற நாடகங்களை எழுபதுகள் வரை நடத்தி வந்தார்.
அதே போன்று எஸ்.எஸ்.ராஜேந்திரன், எஸ்.வி.ராமதாஸ், சுருளிராஜன்,
மேஜர் சுந்தர்ராஜன், எஸ்.வி.சகஸ்ரநாமம், வி.கே.ராமசாமி, வி.கோபாலகிருஷ்ணன், தேங்காய் சீனிவாசன், ஜி.சகுந்தலா, மனோரமா போன்ற முன்னணி நடிக, நடிகையர்கள் சொந்தமாக நாடகக்குழு அமைத்து நாடகத்திற்கு செழுமையூட்டினர்.
திரு.டி.கே.சண்முகம் அவர்கள் நாடகக்கம்பெனி அறுபதுகளில் கொடி கட்டிப்பறந்த நிறுவனம்.
திரு.கமல்ஹாசன் இந்தக்கம்பெனியில்தான் பால்ய வயதில் நடிப்பு பயிற்சி பெற்றார்.
இயக்குனர் ஸ்ரீதர் அவர்கள் டி.கே.எஸ் நாடக கம்பெனிக்கு கதை எழுதி உள்ளார்.
நமது இயக்குனர்களில் கே.பாலச்சந்தர், விசு, மவுலி போன்றவர்களும்
நாடக உலகில் பங்காற்றி தனித்துவம் பெற்றவர்கள்தான்.
அரசியல் நாடகங்களுக்கு திரு.சோ அவர்களும்,
புராண நாடகங்களுக்கு திரு.ஆர்.எஸ்.மனோகர் அவர்களும்
எழுபதுகளில் கொடி கட்டிப்பறந்தார்கள்.
திரு. நடிகவேள். எம்.ஆர்.ராதா அவர்கள்,
நாடக உலகில் போராளியாக விளங்கியவர்.
அவரது நாடகங்களை தடை செய்ய முயன்ற ஆதிக்க சக்திகளை,
மக்கள் சக்தியோடு அவர் எதிர் கொண்டது பொன்னெழுத்து வரலாறு.
அவரது மாஸ்டர் பீஸ் ‘ரத்தக்கண்ணீர்’.
இன்றும் இந்த வசனங்களுக்கு ‘கை தட்டல்’ வெடிக்கும்.
அவரது வாரிசுகளான எம்.ஆர்.ஆர். வாசுவும், ராதாரவியும்
நடிகவேளின் நாடகங்களை முன்னெடுத்து சென்றனர்.
திருஒய்.ஜி.பார்த்தசாரதியின் நாடகக்குழுவை,
அவரது வாரிசு ஒய்.ஜி.மகேந்திரா பொன் விழாக்காணச்செய்தது சாதாரண வரலாறு அல்ல.
எழுபதுகளில் திரைத்துறைக்கு வந்து சாதித்தவர்கள் பெரும்பாலும் நாடகப்பின்புலம் மிக்கவர்கள்.
திரு.பாரதிராஜா, கே.பாக்யராஜ், மணிவண்ணன், ஆர்.சுந்தர்ராஜன் எனச்சொல்லிக்கொண்டே போகலாம்.
திரு.கோமல் சுவாமிநாதன் அவர்கள் ‘தண்ணீர் தண்ணீர்’, ‘ஒரு இந்தியக்கனவு’ போன்ற புரட்சி நாடகங்களை நடத்தி நாடக உலகிறகு புது ரத்தம் பாய்ச்சியவர்.
எழுத்தாளர் திரு.சுஜாதாவின் நாடக புதுமை உத்திகளை...
நாடகத்தில் புகுத்தி புகழ் பெற்றார் திரு.பூர்ணம் விஸ்வநாதன் அவர்கள்.
எழுபதுகளில் நாடக உலகிற்கு வந்து இன்றளவும் கொடி கட்டிப்பறப்பவர்கள் எஸ்.வி.சேகரும், கிரேசி மோகனும்தான்.
அடை மழையிலும், ரசிக வெள்ளத்தால் அரங்கை நிரப்பும் வல்லமை படைத்தவர்கள்.
என் சிற்றறிவுக்கு எட்டிய வரை இன்றைய காலம் வரை உள்ள நாடக உலகை காட்டி இருக்கிறேன்.
நான் அறியாமல் விட்டு விட்ட நாடகப்பெருந்தகைகளை பின்னூட்டத்தில் தெரிவிக்குமாறு கேட்டுக்கொள்கிறேன்.
நண்பர்களே...
விஸ்வரூபம், பரதேசியை தொடர்ந்து ‘சென்னையில் ஒரு நாள்’...
2013ன் ஹாட்ரிக்காக மலர்ந்துள்ளது.
வியாபார ரீதியாகவும் இப்படம் வெற்றி பெறும்.
பேனையே பெருமாளாக்கும் வல்லமை படைத்த சன் நிறுவனத்தார் கையில் பெருமாளே கிடைத்திருக்கிறார்.
காலத்தை முன் பின்னாகக்காட்டி காட்சிப்படுத்தும் திரைக்கதை பாணியில் பயணிக்கிறது இப்படம்.
கறை படிந்த கதாநாயகன் தனது ‘மாரல் ரிடம்ப்ஷனுக்காக’ மேற்கொள்ளும் லட்சியப்பயணம், அதற்கான தடைகள் என தெளிவான நேர் கோட்டில் அமைந்திருக்கிறது இத்திரைக்கதை.
மூலம் மலையாளம் என்ற சிறப்பிருந்தாலும் தமிழில் சிதைக்கப்படாமல் மெருகூட்டப்பட்டு வந்திருப்பதை பாராட்டியே ஆக வெண்டும்.
மூளைச்சாவு அடைந்த தன் மகனின் உடல் உறுப்புகளை தானமாக வழங்கும் பெற்றோர்தான் என்னை மிகவும் கவர்ந்த கதாபாத்திரங்கள்.
இந்தப்படம் நிச்சயம் குறிப்பிடத்தக்க அதிர்வுகளை நம்மிடையே ஏற்படுத்தும்.
தனது காதலனின் இறுதிப்பயணத்தை, அவனது லட்சியத்தை பூர்த்தி செய்யும் விதமாக வடிவமைக்கும் காதலியின் கதாபாத்திரம் மிக உயர்வாக வடிவமைக்கப்பட்டுள்ளது.
காதலனை இழந்த காதலியும், அவனது பெற்றோர்களும் இணையும் காட்சி
‘விஷுவல் கவிதையாக’ மலர்ந்திருக்கிறது.
இதயத்தை தானமாக வழங்கும் பெற்றோருக்கும்...
இதயத்தை தானமாக பெற இருக்கும் பெற்றோருக்கும்...உள்ள முரணை
காவியப்படுத்தி உள்ளார் இயக்குனர் ஷாகித் காதர்.
இயக்குனரோடு அனைத்து தொழில் நுட்பக்கலைஞர்களும் கை கோர்த்து இத்திரைப்படத்தை மேம்படுத்தி தந்து உள்ளார்கள்.
அவர்களுக்கு மிகப்பெரிய வெற்றியை பரிசளிப்போம்.
மாமேதை திரு.சுஜாதா அவர்கள் ‘உள்ளம் துறந்தவன்’ என்ற நாவலில்
இதயமாற்று சிகிச்சையை களமாக அமைத்திருப்பார்.
அந்நாவலில் அழகேசன் என்ற ஏழைக்கதாநாயகனின் இதயம்,
கோடீஸ்வர அம்பானி ஒருவருக்கு பொருத்தப்பட்டிருக்கும்.
மகனின் இதயத்தை தானமாக கொடுத்த தாய்,
அழகேசனின் காதலியிடம் கூறுவாள்...
“ புள்ள, நீயும் வா.
காது கொடுத்து கேளு.
எப்படி படக்குபடக்குனு அடிக்குது பாரு.
அழகேசன் உயிரோடுதான் இருக்கான்”
‘அழகேசனின் தாயைப்போல் மனவலிமை படைத்த ஏழைகள் பலர் நம்மிடையே உள்ளார்கள்’ - சுஜாதா.
சுஜாதாவின் ‘உள்ளம் துறந்தவன்’ நாவலும்...
சென்னையில் ஒரு நாள் திரைப்படமும் மனித நேயத்தின் மகத்தான பண்புகளை நம்மிடையே விதைக்கின்றன.
இன்னும் நாக்கை தொங்கப்போட்டு வெள்ளைக்காரனை நக்கிக்கொண்டிருக்கும் சில இளைஞர்கள் மத்தியில்,
‘சென்னையில் ஒரு நாளில்’ வாழ்ந்து காட்டி இருக்கும் நம்பிக்கையூட்டும் இளைஞர்களை பற்றி அடுத்தப்பதிவில் சந்திப்போம்.
நண்பர்களே...
என் ஆசான் சுஜாதா நினைவு நாளை [பிப்ரவரி 27 ] முன்னிட்டு...
இப்பதிவை சமர்ப்பிக்கிறேன்.
எண்பதுகளில் [ 1980s ] திரைக்கதிர் என்றொரு பத்திரிக்கை வந்து கொண்டிருந்தது.
அப்பத்திரிக்கைக்காக பெங்களூரிலிருந்து வந்த சுஜாதாவும்...
‘வறுமையின் நிறம் சிவப்பு’ பட சூட்டிங் முடித்து வந்த கமலும் சந்தித்து உரையாடி இருக்கிறார்கள்.
அன்று அவர்கள் நடத்திய விவாதம் இன்றும் பொருந்தி வருகிறது.
அதிலிருந்து சில தேன் துளிகள்...
சுஜாதா :நான் 'இஸட்'ன்னு ஒரு பிரெஞ்ச் பிலிம் சமீபத்தில் பார்த்தேன். [ Z \ 1969 \ French \ Directed by : Costa - Gavras ] அரசியலை மையமா வைச்சிகிட்டு ரொம்ப பிரமாதமா எடுத்திருக்காங்க. தமிழ்ல ஏன் அரசியலை சம்பந்தப்படுத்தி படம் பண்ண மாட்டேங்கறீங்க ? கமல் : உங்களுடைய ‘24 ரூபாய் தீவை’ ‘யாரோ பார்க்கிறார்கள்’ என்கிற பெயரில் படமா எடுக்க நினைச்சோம். முடியல. பண்ண முடியாத சூழ்நிலை இருக்கு. யெஸ்....இட் வாஸ் டினைட் [ Yes..It was denied ]. தீடிர்னு அந்தப்படத்தை தடை பண்ணிட்டாங்கன்னா... டிஸ்டிரிபியூட்டர் மாட்டிக்குவாங்க. வட்டிக்கு வாங்கி படமெடுக்குற புரொடியூசர் காலி. அரசியலை மையமா வைச்சு இங்கே படமெடுக்குறது கஷ்டம். சுஜாதா : ரொம்ப பேர் அடிபட்டாலும், சினிமா எடுக்க வந்துகிட்டே இருக்காங்க ! அதுக்கு முக்கிய காரணம் சினிமாவைப்பற்றி இருக்கிற தப்பான அபிப்ராயமும், அவங்களுக்குள்ளே இருக்குற சபலமும்தான். கமல் : சினிமா படமெடுக்க ஆபிஸ் பிடிச்ச உடனே... ஒரு படுக்கையை மூலையில ரெடி பண்ணி போட்டுக்கிட்டவங்க நிறைய பேர் இருக்காங்க. ஆனா அவங்க யாரும் படம் எடுக்கல. சுஜாதா : உங்களுடைய ‘ராஜ பார்வை’ எப்படிப்பட்ட படம் ? கமல் : ‘குரு’ மாதிரி முழுக்க முழுக்க மசாலா படமல்ல. படத்தின் கதை பரிட்சார்த்தமானது அல்ல. ஆனால் டெக்னிக்கலாக உயர்ந்த படமாக தயாரிக்க முயற்சி செய்கிறோம். குறியீடுகளை முழுசா இப்படத்தில் ஒதுக்கி வைச்சிருக்கோம். தப்பித்தவறி வந்தா அது எங்களுடைய பூர்வீக பழக்கமாக இருக்கலாம். ஒரு தெளிவான காதல் கதை. சந்தோஷமான முடிவு. நாங்க கூட நினைச்சோம். இந்த ஹீரோவை கொன்னு பாத்தா என்னன்னு ? சந்தோஷமான முடிவுன்னு தீர்மானிச்ச பிறகு கொல்ல முடியலையேன்னு ரொம்ப துக்கமா இருந்தது - அழுகையா வந்தது. ரொம்பப்பிரமாதமான படமாங்கிறது... படம் வெளி வந்தப்புறம்தான் சொல்லணும். ஆனா இப்படி ஒரு படம் தயாரிச்சதுக்காக நிச்சயமாக என்னை வருத்தப்பட வைக்காத படம். சுஜாதா : நீங்க எழுதறதையெல்லாம் நான் விடாம படிக்கிறேன். உங்க நடை நல்லாயிருக்கு. எழுதறதை விட்டுடாதீங்க. எழுத்தாளர்கிட்ட இருக்கிற முதிர்ச்சி உங்ககிட்ட இருக்கு. இன்னும் சரியா சொல்லணும்னா ‘கனவுத்தொழிற்சாலை’ எழுதறதுக்கு நீங்கதான் சரியான ஆள். கமல் : நீங்க எழுதுனதுக்கே அது யாரைப்பற்றி... இது யாரைப்பற்றின்னு எல்லாம் கேள்வி கேட்டுக்கிட்டு இருந்தாங்க. நான் எழுதினா அதை விட வம்பே வேண்டாம். தவிற நான் ஒரு ‘பிம்ப்’ பற்றி எழுதினேன்னு வைச்சுக்கங்க. உடனே கேள்வி வரும். “ ஹேவ் யூ எவர் பீன் எ பிம்ப்” [ Have You ever been a Pimp ] அப்படின்னு. ஆனா சுஜாதாகிட்ட அப்படியெல்லாம் கேட்க மாட்டாங்க. சமீபத்துல ‘ஹோமோ செக்சுவல்’ பத்தி எழுதினேன் உடனே பல பேர் என்னை கேட்டுட்டாங்க. நீங்க ஒரு ஹோமோ செக்சுவலான்னு. நீங்க ஒரு முறை ‘மழைத்தல்’னு எழுதியிருந்தீங்க இல்ல! “பெய்யென பெய்யும் மழை. மழைக்குமெனில் சொல் உன் தாயிடம்... நாடு நனையட்டும்” னு நான் எழுதியிருந்தேன். மழைக்கும்னு சொல்றது ஸ்பெல்லிங் மிஸ்டேக்குன்னுட்டாங்க. சுஜாதா : சொல்லலாம் தவறில்லை. கமல் : சுப்ரமணிய ராஜூவோ...மாலனோ...யார்னு ஞாபகம் இல்ல. “ கீழ் பெர்த்தில் ஒரு நல்ல நாட்டுக்கட்டை. மனதிற்குள் படுக்க வைத்தேன்” அப்படின்னு எழுதியிருந்தாங்க. சுஜாதா : புதுக்கவிதையில கல்யாண்ஜி எல்லாம்...பிரமாதம். ஒரு வேலைக்காரி சுமாரா இருக்கிறவ... பெருக்கிட்டிருக்கா... தரை சுத்தமாயிடுச்சு... மனசு குப்பையாயிடுச்சு....அப்படீங்கறார். நாலு பக்க கதை...அந்த இரண்டு வரிகளில் வந்துடறதே !. கமல் : இன்னொன்று நான் படிச்சேன். ‘கருப்பு உதடுகளின் வெளிச்ச உளறல்கள்’ அப்படின்னு... என்ன கற்பனை பாருங்க ! சுஜாதா : இன்னொரு புதுக்கவிதை நான் படிச்சேன்... ‘கண்ணீர்’ என்ற தலைப்பில். “ இதயத்தில்தானே இடி.... இங்கே ஏன் மழை?” ன்னு எழுதியிருந்தாங்க! இன்னொருவர் இப்படி... “ திருமணங்கள் சொர்க்கத்தில் நிச்சயிக்கப்படுகின்றனவாம். என் கல்யாணம் மட்டும் ஏன் நொச்சிக்குப்பத்தில் நிச்சயிக்கப்படுகிறது ?” கமல் : சினிமா கவிஞர்கள் பலர் பிரமாதமாக பாட்டு எழுதி இருக்காங்க. நான் சினிமா பாட்டு புத்தகத்திலிருந்தும்... கலைஞர் கருணாநிதி வசனம் படிச்சும்தான் தமிழ் நல்லா பேசக்கத்துகிட்டேன். சுஜாதா : உங்க மாதிரி ஆளோடு எவ்வளவு நேரம் பேசறதுன்னாலும் நான் தயார். இன்னொரு முறை மீட் பண்ணி நாம்ப பேசுவோம்.
சுஜாதா என்ற ஜாம்பவான் இன்று நம்மிடையே இல்லை.
அவரது தமிழ் என்றும் இளமையுடன் நம்மோடு ஓடி வரும்.
சின்ன சின்ன ஆசை....Costa - Gavras - ' Z ' பற்றி பதிவு எழுத ஆசை.
அதற்கு முன் - Costa-Gavras - ‘மானிடத்திற்கு’ எழுதிய புதுக்கவிதை ' AMEN ' பற்றி எழுதுவதே...சிறகடிக்கும் ஆசை. AMEN \ 2002 \ English \ Directed by Costa-Gavras
நண்பர்களே...
‘புலம் பெயர்தல்’ இந்த நூற்றாண்டின் தலையாய பிரச்சனையாக இருக்கிறது.
விருப்பமோ அல்லது பலவந்தமோ...
எதுவாகிலும் ‘புலம் பெயர்தல்’ மனிதர்களுக்கு பதட்டத்தையும்...
மன உளைச்சலையும் தரும்.
இருப்பிடம்,
வேலை,
தட்ப வெப்பம்,
நட்பும் - உறவும் அற்றுப்போதல்,
உயிர் உத்திரவாதமின்மை,
பொருளாதார நிரந்தரமின்மை,
என அக,புற நெருக்கடிகள்
‘மெகா சீரியலாக’ வந்து கொண்டே இருக்கும்.
‘புலம் பெயர்தலை’ மையமாக வைத்து,
‘எழுத்துலக மாமேதை’ சுஜாதா அவர்கள்...
‘பிரிவோம் சந்திப்போம்’ இரண்டாம் பாகத்தை படைத்திருந்தார்.
எப்போது படித்தாலும், அதில் சொல்லப்பட்ட பிரச்சனைகள் உயிருடன் இருப்பதை உணர முடியும்.
அடடா...பெனிஸ் ‘தனக்குத்தானே’ பேசிக்கொண்டிருக்கிறானே !. So
grandpa will sit here
and his
friends there...
No,
grandpa will sit there.
Resembles
the Last Supper...
No,
grandpa will sit here...
Good...
And now,
grandpa's
friends...
Grandpa's
friends are an unusual
clan
because they're from lstanbul.
Their
origin sets them apart both
historically
and biologically.
தாத்தாவின் நண்பர்கள் ஒன்றாக நடந்து வருகிறார்கள்.
சிறுவனோடு வரும் ஒரு தாய் இவர்களிடம் வழி கேட்கிறாள்.
Can you
direct me
to Halcyone
Street?
[ பெனிஸ்ஸின் பின்னணிக்குரலில்...]
தாத்தாவின் நண்பர்கள் காம்பஸ் முள் போல...
180 டிகிரிக்குள், வலது பக்கத்திலிருந்து-இடது பக்கத்துக்கும்,
இடது பக்கத்திலிருந்து-வலது பக்கத்துக்கும் திரும்பி பார்த்து...
ஒரு தீர்மானத்துக்கு வந்து... முகவரி சொல்வதை...
காட்சி ரூபமாக காணமுடிகிறது.
First and
foremost,
they are
"magnetized."
It's like
a compass that with
every
geographical question...
it
re-orients their identity.
Who they
are, their origins
and where
they are going.
-That
way.
-Thank
you...
This
idiosyncracy is related
to their
dietary habits.
For most,
food involves the
sense of
smell and taste.
For
grandpa's friends it also
involves
sound and sight.
தாத்தாவின் நண்பர்களை வரவேற்கிறான்.
வந்தவர்கள் ‘டைனிங் டேபிளை’ பார்த்து மலைத்து நிற்கிறார்கள்.
நாமும் தான்.
பைவ் ஸ்டார் ஹோட்டல் நேர்த்தியுடன் உணவு வகைகள் தயாரிக்கப்பட்டு
அலங்கரிக்கப்பட்டு தயாராக இருக்கிறது.
Hello to
you all!
You all arrived at the
same time.
Come in!
-Did you
find it easily?
-We came
from THlSSEAS Street.
தாத்தாவின் நண்பர்கள்... தாங்கள் வந்த திசையை காட்டுகிறார்கள்.
But
THlSSEAS Street isn't
that way,
it's that way.
பெனிஸ்...நேரெதிராக... சரியான திசையை அடையாளம் காட்டுகிறான்.
நண்பர்களே...
நாம் இப்போது அலசிக்கொண்டிருக்கும் காட்சி...
ஹேராமிலேயே மிக முக்கியமான காட்சியாக கருத வேண்டி உள்ளது.
சித்தாந்தத்தில் உந்தப்பட்ட அபயங்கரும்,எந்த சித்தாந்தத்தையும் பின்புலமாக கொள்ளாத சாகேத்ராமும் சந்திக்கும் இக்காட்சியை ‘இருத்தலியல் சூழலில்’ படைப்பாளி கமல் வடிவமைத்துள்ளார்.
இது போன்ற மொழிபெயர்ப்பாளர்களுக்கு என் ஆசான் சுஜாதா அந்தாதியே பாடியிருக்கிறார்..
“தத்துவங்களில் ஊறித் திளைத்தவர்கள், அந்தத் தத்துவங்களை பிறருக்கு எடுத்துச் சொல்லி விளங்க வைக்க முயலும் போது, சில அபாயங்கள் நிகழும். அவற்றில் ஒன்று, பெரும்பான்மையானோரைச் சென்றடையும் வண்ணம் சொல்ல வேண்டும் என்பதற்காக, எளிமையான, பொருத்தமற்ற உதாரணங்கள் மூலம் விளக்கி, தத்துவத்தை நீர்த்துப் போகச் செய்வது. இரண்டு, தத்துவங்களைச் சுற்றி இருக்கும் ஆழமான அகழிகளில், இன்னும் அதிகம் கூரிய பற்கள் கொண்ட முதலைகளை விட்டு, அருகே அண்டவிடாமல் செய்வது, முடிந்தால் கடிக்கவும் விடுவது.” *********************************************************************** இருத்தலியல் பற்றி... தமிழ் விக்கிப்பீடீயாவிலிருந்து, சிறு பகுதி ... தனி நபரே அவரது சொந்த வாழ்க்கைக்கு மற்றும் அவ்வாழ்க்கையை உணர்வுபூர்வமாகவும் உண்மையாகவும் வாழவும்,[7][8] பல இருத்தல் தடைகள் மற்றும் திசைதிருப்பல்கள் துன்பம், ஏக்கம், அபத்தம், தனிமைப்படல் மற்றும் அலுப்பு உள்ளிட்டவை இருப்பினும் பொருளளிக்க பொறுப்பானவர் என்பதை நிலைநிறுத்தினார்.[9]
[என்னய்யா...மொழி பெயர்ப்பு இது....படிச்சுட்டு இருக்கும் போதே ஆசனவாயில் புகை வருது.]
ஹேராமில்,இருத்தலியல் எவ்வாறு பொருந்துகிறது?
சாகேத்ராம் தன் காதல் மனைவியுடன் ஒரு சாதரணனை போல வாழ ஆசைப்பட்டான்.
ஊரே ரணகளமாக இருக்கையில் இவன் கிளுகிளுப்பாக இருந்தான்.
ஆனால் ‘காமப்பசி கொண்ட ஒருவனால்’ அழைத்து வரப்பட்டவர்கள் வந்தார்கள்...கொன்றார்கள்.
கோபத்தில் கொலைகளை செய்து மிருகமாக மாறிய நிலையில்
பார்வையற்ற இஸ்லாமியச்சிறுமி... ‘சரேபேஸ்வரராக’ காட்சி கொடுத்து சாகேத்ராமனை சாந்தப்படுத்துகிறாள்.
[ சரேபேஸ்வரர்-இரணியனைக்கொன்று உக்கிர மூர்த்தியாக மாறி விட்ட நரசிம்மரை சாந்தப்படுத்திய சிவனின்அவதாரம் ]
நாகரீக மனிதனாக திருந்திய வேளையில் ‘வேட்டையாடலாம்...விளையாடலாம்... ’என அழைக்கிறான் அபயங்கர்.
இவ்வளவுதாங்க... ‘இருத்தலியலில்’ ஹேராமுக்குள் நாம் இது வரை பார்த்த காட்சிகள்...
இன்னும் காட்சிகளை தொடர்ந்து காணவிருக்கிறோம்.
‘இருத்தலியல்’ ஹேராமுக்குள் இருப்பது ‘மைக்ரோ லெவல்’ [ Micro Level ].
‘காஸாபிளாங்காவில் ’ இருப்பது ‘மேக்ரோ லெவல்’ [ Macro Level ] .
இரண்டாம் உலகப்போரில் ‘பிரான்ஸ்’ இருந்தது... ‘இருத்தலியல் சூழல்’.
எத்தனையோ போர்களில்...எத்தனையோ நாடுகளை வென்ற ‘வல்லரசான’ பிரான்ஸ், ‘ஜெர்மனியிடம் அல்லது ஹிட்லரிடம்’ கம்ப்யூட்டர் ‘ஆன்’ ஆக எடுத்துக்கொள்ளும் நேரத்தை விட விரைவாக சரண்டர் ஆனதை... தத்துவஞானிகள்
ஆராய்ந்தார்கள்....ஆராய்கிறார்கள்....ஆராய்வார்கள்.
இச்சூழலை மையமாக வைத்து பின்னப்பட்டதே ‘காஸாபிளாங்கா’
[Casablanca \ 1942 \ English \ Directed by Michael Curtiz ].
காசாபிளாங்காவை... ‘அறிமுகப்படுத்தி’ ஏற்கெனவே பதிவிட்டுள்ளேன்.
சரித்திரத்தை... திரைக்கதையாக்க... ‘ரிச்சர்ட் அட்டன்பரோவின்’ காந்தி மற்றும் ‘பெட்ரோலூசியின்’ லாஸ்ட் எம்பரர் ஆகிய இரண்டு படங்களுக்கு... தலா இருபத்து ஐந்து ஆண்டுகள் தேவைப்பட்டது.
ஆனால் பதினைந்து ஆண்டுகள் மட்டுமே உழைத்து...ஹேராமை உருவாக்கி
தரத்தில் ‘காந்தியை’ தாண்டினார்...
‘ லாஸ்ட் எம்பரரை ’ தொட்டார் கமல்...
இதை விரிவாக பின்னால் வரும் பதிவுகளில் சொல்லவிருக்கிறேன்.
பத்தாண்டுகள் கழித்து நான் இன்று ஹேராமை கொண்டாடி வருகிறேன்.
நூறாண்டுகள் கழித்து என்னை விட சிறப்பாக ஹேராமை கொண்டாட வேறொருவன் வருவான்.
அதற்கான தகுதி ஹேராமிற்கு இருக்கிறது.
அடுத்த ஹேராம் பதிவிற்கு... நண்பர் ‘ஹாலிவுட் பாலா’ உதவியிருக்கிறார்.
ஏன்?எதற்கு? எப்படி?...அறிய காத்திருங்கள்.
நண்பர்களே...கடந்த பதிவுக்கு முதல் இரண்டு நாள்... ஒரு பின்னூட்டம் கூட வரவில்லை.
குழம்பி விட்டேன்.
‘அவுட்ஸ்டேண்டிங்’ என நான் கருதிய சில பதிவுகளுக்கு பின்னூட்டமே போடாமல் மானசீகமாக‘பேனாவை கீழே வைத்து விட்டு’ சத்தம் இல்லாமல் வந்து விடுவேன்.
‘பேனாவை கீழே வைத்தல்’ என்ற சொல்லாடல் ‘பியூட்டிபுல் மைண்ட்’ படம் பார்த்தவர்கள் எளிதில் விளங்கிக்கொள்வீர்கள்.
பார்க்க வாய்ப்பில்லாதவர்களுக்கு இந்த எளிய விளக்கம்....
படத்தின் ‘நிஜ நாயகன்’ பல்கலை கழக பேராசிரியர்.
அவரது சாதனையை மெச்சி சக பேராசிரியர்கள் தங்களது பேனாவை அவர் முன்னால் வைத்து விட்டுப்போவார்கள்.
‘ஹாலிவுட் பாலா’ பாணியில் சொன்னால் ‘கெலிச்சுட்டே வாத்யாரே’.
அதே போன்று ‘குப்பை’ எனக்கருதும் பதிவுகளுக்கும் ‘சைலண்டா’ நழுவி வந்திருவேன்.
எனவே நீங்க சைலண்டா வந்துட்டு போனது எந்த ரகம்?
இந்தப்பதிவின் பின்னூட்டம் வாயிலாக தெரிந்து கொள்ள ஆவல்.
கடந்த பதிவு பற்றி நண்பர் ராஜேஷ் பேஸ் புக்கில் நடத்திய விவாதம் கீழே காண்க...
கீழே உள்ள வாதத்திற்கு பதிலளிக்க விரும்பவில்லை.
“ புகழ்வோம் பழிப்போம்....புகழோம் பழியோம்
இகழ்வோம் மதிப்போம் மதியோம் -இகழோம் மற்று
எங்கள் மால் செங்கண்மால் சீறல் நீ தீவினையோம்
எங்கள் மால் கண்டோய் இவை
என்று திருமாலையே,உம்மை நாங்கள் புகழ்வோம்,பழிப்போம்,பதிப்போம்,மதிக்க மாட்டோம்
இதற்கெல்லாம் கோபப்படாதே என்று சொல்லும் அருமையான வெண்பாதான் எனக்கு வழிகாட்டி”.
என்று ‘சுஜாதா’ எழுதியதே இனி என்றும் எனக்கு வழிகாட்டி.
முதல் கருத்து ராஜா சுந்தரராஜன் எழுதியது...
நண்பர் screen space occupied என்பதைத்தான் size of the composition என்கிறார் என்று எடுத்துக் கொள்கிறேன். இது ஐஸன்ஸ்டீன் உருவாக்கிய இலக்கண விதி என்று நினைக்கிறேன்.
நான் இலக்கண விதிகளை மதிக்காத ஆள் ஒன்றும் இல்லை. ஆனால், அதைக் குறுக்கி, சமைக்கத் தெரிந்தவன்தான் சாப்பாட்டுச் சுவை பற்றிப் பேச வேண்டும் என்பவனும் இல்லை. எனக்குத் தோன்றியதைச் சொன்னேன். அதற்கு என் கைவசம் சான்றிதழ்கள் எல்லாம் கிடையாது.
“ஹே ராம்” ஒரு குழப்பமான படம். கமல் அதில் நிரம்ப உள்ளுறைகள் (subtext) வைத்து யாத்திருக்கிறார் என்பதும் உண்மைதான். ஆனால் காந்தியைப் புகழ்ந்து assimilate பண்ணுவது என்பது ஆர்.எஸ்.எஸ். பிற்காலத்தில் எடுத்த கொள்கைகளில் ஒன்று. சொல்லப்போனால் இது ஹிந்து தர்மத்தின் சர்வசதாக் கொள்கை (எ.டு. சக்தியை சிவனின் மனைவி என்றது; புத்தரை விஷ்ணுவின் அவதாரம் என்றது). அதைத்தான் ‘ஹே ராம்’ செய்கிறது. (ஜெயமோகனின் ‘இன்றைய காந்தி’யும்).
திரைமொழி கற்றவன் இல்லை நான். ஆனால் திரை-வலதில் (screen right) சரியான நிலைபாடு எடுப்பவரும் திரை-இடதில் தவறான கொள்கையரும் இருக்க வேண்டும் என்பது எனது இலக்கணம். அதன்படி, ‘முள்ளும் மலரும்’ சட்டக யாப்பு பல இடங்களில் உதைக்கிறது. தமிழனாக எனக்கு அர்த்தமாவது தமிழனல்லாதவனுக்கு அர்த்தமாகுமா என்னும் ஐயம் எழுகிறது.
||எந்த ஒரு கலைப்படைப்பையும் படைத்தவர் என்ன கருத்தில் படைத்திருப்பார் என்று தெரிய விரும்புவது இயல்புதான், ஆனால் அந்தக் கருத்தைத்தான் நாம் புரிந்து தீர வேண்டும் என்பது கட்டாயம் இல்லை.
உண்மையில், சிறந்ததொரு கலைப்படைப்பு என்பது அதுவே ஒரு படுபொருள் (object) ஆக மாறிநிற்பது. வானில் பொங்கிநிற்கும் முகில் ஒரு படுபொருள். அது எனக்கு முயலாகத் தெரியும்; உங்களுக்குச் சிங்கமாக. ஒரு கல்லை எடுத்துக் கொண்டால் கூட, அதில் எனக்கு நான்கு சொட்டைகள்; உங்களுக்குப் பத்துப் பன்னிரண்டு தெரியுமாய் இருக்கும். அப்படி, ஒரு படுபொருள் எப்போதுமே எல்லையற்றது. ஒரு நல்ல படைப்பும்.
அவர் தொடர்புபடுத்த எண்ணியது கிட்டாவிட்டால் என்ன, நமக்கு என்ன கிட்டுகிறதோ அதைக் கற்பித்துக் கொள்வோம். அது தவறில்லை, ஏனென்றால் வாசிக்கிறவன் கற்பித்துக் கொள்வதே நூல் (text)||
இது என்னுடைய கலைக்கொள்கை. நேசமித்ரன் கவிதைகளுக்காக எழுதியது.
Rajesh Da Scorpஓகே. உங்க நிலைப்பாடு தெளிவா புரியுது. திரை-வலது பற்றிய கருத்து எனக்கு ரொம்பப் புதுசு. அதேபோல, படுபொருள் பற்றிய கருத்து அருமை. ஆனா, நான் ஏன் இந்தக் கேள்வியை உங்க கிட்ட கேட்டேன்னா, இப்போ ஒரு இயக்குநர் இதெல்லாம் நினைச்சே பார்க்காம எடுத்துருக்காருன்னு வெச்சிக்கிட்டா, அதை நாம ‘ஆஹா ஓஹோ’ என்று விளக்கி, அதைப் படிப்பவர்கள் அப்படி எண்ணிக்கொண்டு, ஒரு மோசமான படைப்பு, நல்ல படைப்பு என்ற முகமூடியை மாட்டிக்கொண்டு பல காலத்துக்குப்பிறகு வெளிவந்துவிட்டால்?
சிறந்ததொரு கலைப்படைப்பு என்பது சரி. ஆனால் மோசமான கலைப்படைப்பு என்பது சிறந்ததாக ஆக்கப்பட்டுவிட்டால்?
Raja Sundararajanநமக்கு ஓர் அரசியற் சார்பு இருந்தால் ஒழிய (அல்லது அந்த இயக்குநர் பால் என்னென்று விளங்காத ஒரு பக்தி இருந்தால் ஒழிய) ஒரு படத்தை அதன் தகுதிக்கு மீறிப் புகழ மாட்டோம். ஒரு வெள்ளந்தியான மனிதர், எப்போதும், தன் ரசனை சார்ந்தே ஒன்றைப் பரிந்துரைக்கிறார். அவருடைய ரசனை நேர்மையாக இருக்கவே வாய்ப்பு அதிகம். எனக்கு மிஷ்கின் பால் ஒரு மரியாதை இருந்தது. ("தமிழினி'யில் "அஞ்சாதே" பற்றி ஓஹோ என்று எழுதி இருந்தேன்). ஆனால் "யுத்தம் செய்" படத்தில் அவர் முன்வைத்த தகுதிக் கோட்பாடு அவரிடம் இருந்து என்னை முற்றாக விலக்கிவிட்டது, (மலம் அள்ளுபவன் மகனும் மந்திரம் ஓதுபவன் மகனும் வெறும் 'ஒன்று' அல்லது 'அரை' மதிபெண்ணுக்காக உயர்கல்வி நுழைவில் அடித்துக்கொள்வது நடைமுறை ஆகையால்). அது காரணம் எனது "முகமூடி" விமர்சனம் ஒருதலையானதோ என்று நான் அஞ்சினேன். ஆனால் உங்களைப் போன்ற திரைப்ப்ட ரசனை விற்பன்னர்களும் 'முகமூடி'யைக் கைவிட்டபோது என் விமர்சனம் வெள்ளந்தியானதுதான் என்று தெளிந்தேன். மோசமான கலைப்படைப்பைச் சிறந்ததென்று அயோக்கியனால் மட்டுமே சொல்ல முடியும். 'தினத்தந்தி'யில் "முகமூடி" விமர்சனம் எழுதிய ஆள் அப்படிப்பட்டவர்.
Rajesh Da Scorp//மோசமான கலைப்படைப்பைச் சிறந்ததென்று அயோக்கியனால் மட்டுமே சொல்ல முடியும்// - இதை முழுமனதுடன் ஒப்புக்கொள்கிறேன். நீங்க சொன்னமாதிரி, இயக்குநர் அல்லது நடிகர்களின் மேல் இருக்கும் அளவுகடந்த பக்தியே சில சராசரி படங்கள் தகுதிக்கு மீறிப் புகழ் பெறுவதன் காரணம் என்பதை நானும் கவனித்திருக்கிறேன். ஆனால் அதில் என்ன விஷயம் என்றால், அதுவரை அந்தப் படத்தை விரும்பியவர்களே கூட, இப்படிப்பட்ட ஆஹா ஓஹோ விமர்சனங்களை படித்து அந்தப் படத்தை வெறுக்க ஆரம்பித்ததும் நடந்திருக்கிறது (நடந்தும் கொண்டிருக்கிறது). பொறுத்திருந்து பார்ப்போம்
மணிரத்னம் தமிழ் சினிமாவை உலக தரத்திற்கு உயர்த்தி பிடித்த வித்தகன்.
ஆர்ப்பரித்து அலறாமல்....அமைதியாக அவரது படைப்புகளை முன் வைக்கும் பாங்கை ...அனைவரும் கற்றுக்கொள்ள வேண்டிய உதாரணம்.
காப்பி...காப்பி...என்று நமது பதிவுலகில் தொடர்ந்து முழங்கி வருகிறார்கள் பலர்.
நானும் அவர்களை பின் தொடர முடிவு செய்து விட்டேன்.
காப்பியடிப்பவர்களை பிடிப்பதில்...தமிழ்நாடு போலிசுக்கு இணையாக செயல் பட்டு வருகிறார் எனது நண்பர்... ‘கருந்தேள்’ ராஜேஷ்.
அவருக்கு , ‘ஹாலிவுட்’... ‘கொழந்த’....மனசு.
நம்ம பிள்ளையை... அடிச்சு வளர்த்தா போதும்னு நினைக்கிறாரு.
அவர் வழியில்... நானும் காப்பியடிக்கும் கனவான்களை காட்டி கொடுக்க முடிவு செய்து விட்டேன்.
ஆனால் ‘என் வழி தனி வழி’.
நான் ஹாலிவுட் ‘காப்பியர்களை’ காட்டி கொடுக்க முடிவு செய்து விட்டேன்.
ஏற்கெனவே சுஜாதா கதையை காப்பியடித்த ‘அன் நோன்’
[Un Known]திரைப்படத்தை ‘வெளுத்தெடுத்த’ அனுபவம் இருக்கிறது.
நம்ம மணிரத்னம் ‘தில் சே’ - 1998 [ ஹிந்தி ] எடுத்து தமிழில் 'உயிரே'ன்னு டப் செய்து வெளியிட்டார்.
வட கிழக்கிந்திய மாநிலங்களில் இன்று வரை நிகழும் ‘சிவில் யுத்தத்தை’
மெல்லிய இழையாக்கி..காதலை முதன்மையாக்கி எடுத்திருந்தார்.
ஊட்டி ரயில... பெயிண்ட் பண்ணி 15 நாள் சூட் பண்ணி எடுத்தாரு.
‘அகிலா’ன்னு ஒரு கிரேன் புதுசா வந்த நேரம்.
அந்த கிரேன் 150 அடி உயரம் மேலே போவும்.
‘அகிலாவுக்கு’...அந்த பாட்டுதான் ‘டெமோ’.
இண்ணைக்கு வரைக்கும் ‘ஒரு பய’ டிரெய்ன்ல பாட்டு ஷூட் பண்ண முடியாது.
அந்த பாட்டை ஒவர்டேக் பண்ணவே முடியாது.
அந்த பாட்டு உலகமெல்லாம் ஹிட்டடித்து ரஹ்மானுக்கு மிகப்பெரிய பிரேக். ஒரு வெள்ளைக்காரன் ரஹ்மான்கிட்ட ‘ரைட்ஸ்’ வாங்கி... ‘இன்சைட் மேன்’ [Inside Man] என்ற ஹாலிவுட் படத்தில் அந்த பாட்டை பயன்படுத்தினான்.
இந்தப்படத்தின் கதையை Tigmansha Dhulisa , Maniratnam, Sujatha மூணு பேரும் சேர்ந்து உருவாக்கியிருக்காங்க.
மனிஷா கொய்ராலா... மலை வாழ் மகள்.
ஷாருக்கை காதலிச்சு..தீடிர்னு காணாம போயிருவா.
அந்த துக்கத்தை மறக்க, ‘பிரித்தி ஜிந்தான்னு’ ஒரு ஜாங்கிரியை கல்யாணம் பண்ற நேரம்...
திரும்ப மனிஷா ‘எண்ட்ரி’.
ஷாருக்கை குழப்பி...நம்மையும் குழப்பி...
மனிஷா... ஒரு ‘மனித வெடிகுண்டு’ன்னு முடிச்சிருப்பாங்க.
இந்தக்கதையை பட்டி பார்த்து ' Luc Besson ' என்ற ஜாம்பவான்... காசு பாத்திட்டாரு.
அவன் தயாரிப்பில்... ‘ஜான் டிரோவோல்டோவை’ நடிக்க வச்சு.. ‘ஃப்ரம் பாரிஸ் வித லவ்’-2010 \ ஆங்கிலம் என்ற படத்தை எடுத்து ஹிட்டாக்கி கல்லா கட்டிட்டான்.
ஆனா...மணிரத்னம் கிளைமாக்ஸ் சூப்பீரியரா இருந்துச்சு.
இந்திய கலாச்சாரப்படி, காதலை விட்டுக்கொடுக்காத காதலனும்...கொள்கையை விட்டுக்கொடுக்காத காதலியும் இணைந்து உயிரை விடுவார்கள்.
ஹாலிவுட் படத்தில்...கொள்கைக்காக காதலியை மட்டும் சாகடிச்சு...காதலனை தப்பிக்க வச்சிருப்பாங்க.
இப்படி மசாலா கிளைமாக்ஸ் வச்சா... நல்லா கல்லா கட்டலாம்.
‘மலை வாழ் மகளை’ ‘முஸ்லீம்னு ’ ஒரு ‘சேஞ்சு’ கொடுத்தான்...
‘சேஞ்சை’ அள்ளிட்டான்.
டெரரிஸ்ட்னா... முஸ்லீம்தான்னு ஹாலிவுட்காரன் தொடர்ந்து ரூல் எழுதிகிட்டு இருக்கான்.
‘பிர்பால பதிவருன்னு’ நக்கலடிக்கும் ‘நல்லவர்கள்’ இதப்பத்தி மூச்சே வுட மாட்டாங்க...
ஆனா ‘கமல்ஹாசன்’ முஸ்லீம் இன விரோதின்னு சொல்லிட்டுதான் டெய்லி ‘மூச்சா’ போவாங்க.
உதாரணத்துக்கு ‘தசாவதாரம்’ன்னு ஒரு சாதா மசால் தோசை படம். அதுல..பத்து அவதாரத்துல ஒண்ணா... உயரமா ‘பீம்பாய்’ கேரக்டர் ஒண்ணு படைச்சிருப்பார் கமல்.
உயரத்துக்கேத்த மாதிரியே மிக உயர்வா படைச்சிருப்பாரு.
அவ்வளவு வெள்ளந்தியா அந்த கேரக்டர் இருக்கும்.
அந்த காரெக்டர், உலகத்தில் உள்ள அனைவரையும் நல்லவங்களா பாக்கும். அந்த காரெக்டருக்கு கெட்டதே தெரியாது. எப்பேர்பட்ட உயர் படைப்பு !.
‘தசாவதாரம்’ நாயுடு காரெக்டர் ஒரு சீன்ல சொல்வாரு... “எல்லோரும் முஸ்லீம்களா... அப்ப எல்லோரும் டெர்ரரிஸ்ட்தான்.... அவ்வளவு பேரையும் அரஸ்ட் பண்ணுங்க ”
முஸ்லீம் இன மக்கள் எல்லோரையும் தீவிரவாதிகள்தான் எனப்பார்க்கும் பொது புத்தியை நக்கலடித்தவர் கமல்.
நானும், ‘காது... கேட்காது’ எனத்தெரிந்தே... தொடர்ந்து சங்கு ஊதுகிறேன்.
கண் மூடிய பூனைகள்... இருட்டென்றே புலம்பட்டும்.
அடுத்த பதிவில்... நம்ம ரஜினி படத்தை காப்பியடிச்ச காப்பியரை...
காட்டி கொடுப்பேன்.
காத்திருங்கள்.
போன ஹேராம் பதிவு மிகவும் சூடாகி விட்டது.
அதை பற்றி கிளைமாக்சில் பார்ப்போம்.
‘நினைப்பதெல்லாம் நடந்து விட்டால் தெய்வம் ஏதுமில்லை’
கவியரசரின் தெய்வ வாக்கு மீண்டும்...மீண்டும் என் வாழ்வில் தொடர்கிறது.
அவரது அடுத்த வரி...என்னை எப்போதுமே வெளியே கொண்டு போய் விட்டு விடும்.
ஹேராம் பதிவின் மிக முக்கிய கட்டத்தில் இருக்கிறோம்.
இந்தக்காட்சியை நடந்து முடிந்த... ‘சரித்திரத்தின் ஆவணமாக’ எடுத்து கொள்ள வேண்டும்.
உணர்வுகளுக்கு தீனி போடும் களமாக ஆக்கி விடக்கூடாது என்பதை பணிவோடு கேட்டுக்கொள்கிறேன்.
ஏனென்றால்... Hey Ram Is An Experiment With Truth By Kamal Haasan
இப்பதிவின் தொடக்கமாக... வேறொருவரின்... பதிவின் தொகுப்பை...
முதலில் பார்ப்போம்.
********************************************************************************* ” ஹேராமைப் போன்றதொரு கதைக்களத்தில் பெரும்பணத்தைக் கொட்டி, போட்ட பணம் வருமா, வராதா என்று அஞ்சாமல், தனக்கு சோறு போடும் தமிழ் சினிமாவுக்கு ஏதேனும் செய்ய வேண்டும் என்ற நோக்கில் செயல்பட்ட கமலின் எண்ணம், ஏனைய கலைஞர்களுக்குப் பாடம்.
1947ல் கொல்கத்தாவில் நடந்த இந்து, முஸ்லிம் கலவரத்தைப் படமாக்கியிருந்த விதம், சினிமாவுக்கும் சரி, கமல் சொல்ல வந்த கருத்துக்கும் சரி, நல்ல தீனி.
கடந்த காலக் கொல்கத்தாவைக் காட்ட அமைத்த பிரம்மாண்ட அரங்குகளைக் கலவரத்தின் போது எரித்ததாகக் காட்டப்பட்ட காட்சிகளில், அவற்றைக் கொளுத்தும்போது, தமிழ் ரசிகர்களின் ரசனையை நம்பி காசைப் போட்டு எரித்து, அந்தத் தீயிலேயே கையைச் சுட்டுக்கொண்டாரே என்றுதான் எனக்குத் தோன்றும்.
ஹேராம் ஒரு இந்து மதச்சார்புப் படம் என்று வாதிடுபர்கள், கலவரக் காட்சிகளில் இந்துக்களும், சீக்கியர்களும், முஸ்லிம்களுக்குச் செய்த கொடுமைகளைக் காட்டப்பட்ட காட்சிகளில்தான் குரூரம் அதிகம் என்பதை நினைவில் கொள்ளவேண்டும்.
ஒரு சீக்கிய முதியவர், 5 அல்லது 6 வயதே நிரம்பிய ஒரு இஸ்லாமியச் சிறுவனைத் தீயில் போடுவார். அதேபோல, ஒரு இந்துச் சிறுவன், ஒரு இஸ்லாமிய முதியவரைக் குத்திக் கொல்வான்.
என்னதான் கதைக்காக, படத்தின் நாயகனாக வரும் இந்துவின் மனைவி, இஸ்லாமியர்களால் பாலியல் வன்கொடுமைக்கு ஆளாக்கப்பட்டுக், கொலை செய்யப்பட்டதாகக் காட்ட வேண்டியிருந்தாலும், அதை ஈடுசெய்ய, கலவரத்தின் போது இந்துக்கள் செய்த கொடுமையையும் காட்டியது கதையின் நடுநிலைமைக்கு, ஒரு சோறு பதம்”.
வேறொரு தளத்தில் எழுதப்பட்ட இக்கருத்தை தனது பதிவில் வெளியிட்டவர்
திரு.அலி என்ற இஸ்லாமிய சகோதரர்.
பத்திரிக்கையாளர்.
இப்பதிவுதான் கமலுக்கு கிடைத்த ஆஸ்கார்.
**********************************************************************************
வெள்ளைக்காரன் புத்தியை புரிந்து கொண்டு... எதுவும் செய்ய முடியாத கையறு நிலையில் சாகேத் ராம் வீட்டுக்கு திரும்புகிறான்.
கூர்க்கா செத்து கிடப்பது வன்முறை வீட்டுக்குள் வந்து விட்டதை ராமோடு நாமும் புரிந்து கொள்கிறோம்.
சூழ்நிலையை இன்னும் சரியாக கணிக்க தவறியதால்...வெகு எளிதாக அடிக்கப்பட்டு வீழ்கிறான்.
பியானோவில் கட்டி வைக்கப்படுகிறான்.
பியானோ ‘தீமட்டிக் எக்ஸிஸ்டெண்ட்டாக’ ஹேராம் படத்தில் தொடர்ந்து காட்டப்படுகிறது.
‘படிப்பவன்’ என்றால் பிரேமில் புத்தகங்கள் இருக்கும்.
‘குடிப்பவன்’என்றால் டாஸ்மாக் சரக்கிருக்கும்.
ராம் ‘ இசைப்பவன்’ என்பதை காட்ட பியானோ இருக்கிறது.
பியானோ, அம்ஜத்-ராம் நட்பின் சின்னமாக ‘ராமரானாலும்,பாபரானாலும்’ பாடலில் காட்டப்பட்டது.
மீண்டும் பியானோ,ராம்-அபர்னா காதலின் சின்னமாக இருவரும் இணைந்து வாசித்த கவிதை காட்சியில் பங்கு பெற்றது.
வன்முறையாளர்கள், கண்களுக்கு பியானோவாக தெரியாது.... மரத்தாலான மேஜையாகத்தான் தெரியும்.
ராம்-அபர்னா காதல் வாழ்க்கையை கட்டமைத்த பியானோவில்... ராம் கட்டப்பட்டிருப்பது முரண்.
அல்தாப் வாயில் ‘கத்தியை’ கவ்விக்கொண்டு பால்கனி வழியாக போகிறான்.
வன்முறையை வலிந்து காட்டி காசு பார்க்கும் ஈனப்பிறவி அல்ல கமல்.
அவருக்குள்ள சமூக அக்கறைக்கு...பொறுப்பு உணர்ச்சிக்கு இந்த ஒரு ‘ஷாட் கம்போசிஷேசன்’ போதும்.
தனது நீண்ட நாள் ஆசையை தணித்து கொண்ட அல்தாப்...
இப்போது மற்றவர்களை வரவேற்கிறான்.
‘இவன் எனக்குப்போதும்’என்று ஒருவன் மட்டும் ராமோடு இருக்க மற்றவர்கள் அபர்னாவை சீரழிக்க செல்கிறார்கள்.
ராமோடு இருக்க ஆசைப்பட்டவன் ‘ஹோமோசெக்ஸ்’விரும்பி.
அவன் ராமை தடவுவதை கூர்ந்து கவனித்தால் மட்டுமே புரியும். இக்காட்சியில் நடித்த நடிகர் பெயர் சத்யஜித்.
‘பதினாறு வயதினிலே’ படத்தில் டாக்டராக நடித்தவர். *********************************************************************************
இவரை, நான் தயாரித்து இயக்கிய ‘ஆர்.எஸ்.தென்னமரக்குடி எண்ணெய்’ விளம்பர படத்தில் மாடலாக்கினேன்.
அப்போது ஹேராம் வெளியான நேரம். அந்த அனுபவத்தை இடைவேளையின் போது பகிர்ந்து கொண்டார்.
அவரிடம் கமல்.... ‘ஹோமோ’காரெக்டர் பற்றி சொல்லவேயில்லை..
அக்காரெக்டர் தன்மையை... சப்-டெக்ஸ்டாக காட்ட விரும்பியிருக்கிறார்
‘இயக்குனர்’ கமல்.
எல்லாவற்றிற்கும் மேலாக அவர் மிகவும் நேசிக்கும் இஸ்லாமிய சகோதரர்களை மிக மோசமாக காட்ட விரும்பவில்லை.
இப்பதிவை படிக்கும் வரை சத்யஜித்துக்கு...தனது காரெக்டர் பற்றி தெரியப்போவதில்லை.
இக்காட்சியின் இறுதி கட்டமாக... மாடியிலிருந்து சத்யஜித் கீழே விழும் காட்சி பற்றி குறிப்பிடும் போது...
“நான் நடிக்கப்பயப்பட்டேன்.
தைரியமா வாங்க...
நான் விழுந்து காண்பிக்கிறேன்.
அதை வந்து...முதல்ல பாருங்க....என்று பால்கனியின் விளிம்புக்கு அழைத்துப்போய்....
தள்ளி விட்டு விட்டு போய் விட்டார்...பாவி மனுஷன் ”.
என்றார் சத்யஜித்.
பல நேரங்களில் நடிகர்களை இப்படி ஏமாற்றித்தான் படமெடுக்க முடியும்.
நான் ஒரே ஒரு டயலாக்கை ஐம்பது டேக் எடுத்திருக்கிறேன்.
அந்த கஷ்டமான....நீளமான.... டயலாக்.... ‘வாவ்’
அந்த ‘பெரிய டயலாக்’ மாடலுக்கு எக்ஸ்பிரஸிவாக வரவேயில்லை.
கேமிராவை ஒட விட்டு... காமிரா பீல்டுக்கு வெளியே நின்று கொண்டு... காட்சிக்குறிய ‘எம்மோட்டிவ்னஸ்ஸை’ கொண்டு வர ...
கால் மணி நேரம் பேசிக்கொண்டிருந்தேன்.
இப்போது கேமராவுக்கு வெளியே நின்று கொண்டு...
நான் நடித்து கொண்டிருந்தேன்.
“ அட நாயே...இந்த சின்ன டயலாக்கை... பேசத்தெரியாம... என்ன மயித்துக்கு... மாடல்னு வந்து... உயிரை வாங்குற” என்ற டயலாக்கை எனக்குள் பேசிக்கொண்டு...
என் கோபத்தை ஒரு சதவீதம் கூட முகத்தில் காட்டாமல்....
“இதை பாரும்மா...ஐம்பது டேக்குமே... ஒ.கே டேக்குதான்...
ஆனா உங்கிட்ட இன்னும் பெட்டர் ‘வாவ் ’ஒண்னு இருக்கு...
எனக்கு அது வேணும்...”
இப்படி கால் மணிநேரம் கூசாம புளுகி தள்ளினேன்.
இறுதியாக...
“ உனக்கு எந்த ரெஸ்ட்டாரண்ட் பிடிக்கும்”
“பார்க் ஷெரடன் தக்ஷின்”
“ஆக்டர்ல யாரை பிடிக்கும்”
“ஷாருக்னா உயிரு”
“உனக்கு பக்கத்து டேபிள்ள ஷாருக் வந்து உக்காந்தா உனக்கு எப்படி இருக்கும்?” “வாவ்”
கட்...
டேக்... ஒ.கே.
இப்படி அனுபவப்பட்ட ஹிட்ச்ஹாக்,. “ நடிகர்கள் அனிமல்ஸ்”
என்று சொன்னார்.
இப்படி பட்டவர்த்தனமாக உண்மையை போட்டு உடைத்ததுக்கு வாங்கி கட்டிக்கொண்டது தனிக்கதை.
நடிப்பை பற்றி...சில வார்த்தைகள்....
நாடகத்தில்....நடிப்பை இரண்டு வகைகளாக பிரித்தார்கள்.
ஒன்று...மெத்தட் ஆக்டிங்.
இரண்டு....நேச்சுரல் ஆக்டிங்....
இவ்விரண்டையும் தனக்கே உரிய வகையில் உள்ளடக்கி
‘ஸ்கீரின் ஆக்டிங்கை’ உருவாக்கியது சினிமா.
‘ஸ்கீரின் ஆக்டிங்’ஷாட்டின் கால அளவுக்குள் அடங்க வேண்டும்.
இது சினிமா மீடியத்தின் நிர்ப்பந்தம்.
‘ஸ்கீரின் ஆக்டிங்கை’ நடிகர் மட்டும் தீர்மானிக்க முடியாது.
நடிகர்,இயக்குனர்,ஒளிப்பதிவாளர்,எடிட்டர்...ஏன் கலை இயக்குனர் கூட சேர்ந்து உருவாக்குவதுதான் ‘ஸ்கீரின் ஆக்டிங் ’
ஆனால், ரசிகர்கள் கை தட்டல்... கிடைப்பது நடிகனுக்கு மட்டுமே.
‘ஹ்யூமன் எமோஷன்சை’ எட்டு வகைகளாக மேற்கத்திய தத்துவம் பிரிக்கிறது.
நம் இந்தியாவில் ஒரு படி மேலே போய் ஒன்பது வகைகளாக பிரித்தார்கள். அதை ‘நவரசம்’என ஒரே பெயரில் அடக்கினார்கள்.
‘நவரசத்திலும்’ கொடி கட்டி பறந்தது உலகிலேயே இரண்டே பேர்தான்.
ஒன்று...நடிகர் திலகம் சிவாஜி கணேசன்.
இரண்டு...கமல்ஹாசன்.
அல்பசினோவாக இருக்கட்டும்...
மார்லன் பிராண்டோவாக இருக்கட்டும்...
உலகின் ஜாம்பவான்கள் அனைவருமே ஒரு சில வகை நடிப்பில் மட்டுமே கொடி கட்டி ஜெயித்தவர்கள்.
ஒனபதிலும் ஜெயித்தவர்கள் சிவாஜி,கமல் மட்டுமே.
நான் மேலே குறிப்பிட்ட நான்கு நடிகர்களின் மாஸ்டர்பீஸ் படங்கள் அனைத்தையும் பார்த்த அனுபவத்தில் சொல்கிறேன்.
நடிப்பை பற்றி ஒரு தொடர் எழுத இருக்கிறேன்.
அப்போது கிளிப்பிள்ளைக்கு சொல்லித்தருவது போல் அனைத்தையும் சொல்லித்தருகிறேன்.
காத்திருக்கவும்.
அது வரை அல்பசினோ மாதிரி நடிக்க வருமா என்று உங்கள் வட்டத்தில் ஜல்லி அடித்து கொண்டிருங்கள்.
நாடக நடிப்பை விட சினிமா நடிப்பு மிகக்கடினமானது.
சினிமாவில் ஷாட் பை ஷாட்டாக எடுக்கப்படுவதால்
‘எம்மோட்டிவ் கண்டினியுட்டி’ தேவைப்படும்.
உதாரணமாக...ஹேராம் முந்தைய பதிவின் ஒன்றில் குறிப்பிட்டதை எடுத்துக்கொள்வோம்..
ராணி முகர்ஜி : “கராச்சியில என்ன சாப்டீங்க”
அந்த ‘கிக்’ குரலில் ‘டயலாக் டெலிவரி’, பேஸ் ரியாக்ஷன், பாடி லாங்குவேஜ் அனைத்திலும் சரஸக்கலையின் உச்சத்தை தொட்டிருப்பார் ராணி முகர்ஜி.
கமல் உடலுறவு முடிந்த களைப்பு...திருப்தி...அனைத்தையும் தனது
‘பேஸ் ரியாக்ஷன்’...மற்றும் ‘பாடி லாங்குவேஜில்’ கொண்டு வந்து
பக்கத்தில் படுத்திருப்பார்.
இது ஒரு ஷாட்.
[இப்பட ஷூட்டிங் நாட்களில் இருவருமே ‘வாழ்ந்திருக்கிறார்கள்’.
இந்த விஷயத்தில் நம்ப ஆள் ‘கிண்டன்’]
என்று வழிவார் பாருங்கள்....
சான்ஸே கிடையாது...அப்படி ஒரு நடிப்பு...
இந்த இரண்டு ஷாட் எடுப்பதற்க்கு நடுவில் இடைவெளியில் பல மணி நேரம் தேவைப்பட்டிருக்கும்.
இயக்குனர் கமலும்,ஒளிப்பதிவாளர் திருவும் மட்டுமே அறிந்த உண்மை.
பல மணிநேர இடைவெளியில் நடிகர் கமலும், ராணி முகர்ஜியும் ‘நடிப்பை’ விட்டு வெளியில் வந்து...
மீண்டும் அடுத்த ஷாட்டில்... ‘ நடிப்பிற்குள்’ வந்து...
‘எம்மோட்டிவ் கண்டினியுட்டி’ மெய்ன்டெய்ன்ட் பண்ணத்தெரிந்தால் மட்டுமே அடுத்த ஷாட்டில் நடிக்க முடியும்.
இது போன்ற அவஸ்தைகள் பற்றி...
கொஞ்சம் கூட தெரியாத காரிகன் வகையறாக்கள்... கமல்,சுஜாதா,மகேந்திரன்னு...
ஆரம்பிச்சு தமிழ் சினிமா ஜாம்பவான்கள் அனைவரையும் முட்டாள்கள் என தீர்ப்பெழுத முடிகிறது.
முழு விபரம் அறிய எனது முந்தைய பதிவின் பின்னூட்ட யுத்தத்தை காண்க...
இந்தப்பதிவில் நாம் யாரும் காரிகன் வகையறாக்களை காயப்படுத்தி பின்னூட்டம் இட வேண்டாம் என கேட்டுக்கொள்கிறேன்.
நானும் காரிகனும் நடத்திய யுத்தம்...
‘ கிளேடியேடர் ஸ்டைல்’
இருவரில் ஒருவர் மட்டுமே உயிரோடு இருக்க முடியும்.
நான் காமெடி என்ற ஆயுதத்தை கையிலெடுத்து கொண்டு... தப்பித்து போய் ஆடியன்ஸோடு உட்கார்ந்து கொண்டேன்.
ஆடியன்சாக வந்த கிஷோகரையும் அவன் பகைத்தது... வெற்றி சுலபமாகியது. அதற்கு பிறகு தர்ம அடிதான்.
ஆனால் இந்த யுத்தம்...எனக்கு பிடிக்கவில்லை.
என்னுடைய கிரியேட்டிவ் எனர்ஜி போய்... முழுக்க நெகட்டிவ் எனர்ஜி இயங்கியது.
இனி இது போன்ற பின்னூட்டங்களை அனுமதிக்கப்போவதில்லை.
நான் கருந்தேள் பதிவில் ‘சைனாவை கட்டமைத்த மாமேதை’ மாவோவை... பற்றி அவரிடம் வாதிட்டேன்.
எனக்கு ஆதரவாக கணேசன் வந்தார்.
கருந்தேளும் பெருந்தன்மையாக ஒத்து கொண்டார்.
ஒரு வாதம் எப்படி அமைய வேண்டும் என்பதற்கு இருவருமே உதாரணமாக நடந்து கொண்டோம்.
எங்களது கருத்து மோதல்கள் எங்கள் நட்பை மேலும் வளப்படுத்துகிறது.
அவர் சமீபத்தில் எனது கடைக்கு வந்து இன்ப அதிர்ச்சி ஏற்படுத்தினார்.
நிறைய பேசினோம்...
நிறைய சிரித்தோம்.
இப்படி பேசி சிரிக்க... இன்னும் மோதுவோம்.
அந்த ஆரோக்கிய மோதல் இருவருக்கும் நல்லது.
ஹேராம் படத்தின் காட்சியை காணொளியில் காண்க...
மீண்டும் ஹேராமை...அடுத்த பதிவில்... விரிவாக காண்போம். இப்பதிவில் குறைகள் இருப்பின் மன்னிக்க.
ஐரோப்பிய திரைப்பட திருவிழா படங்களுக்கான பதிவுகளின் மத்தியில், ஹேராம் பதிவு தொடரும் என மகிழ்ச்சியுடன் தெரிவித்து கொள்கிறேன்.
கமினோ படத்தை, திரும்ப... திரும்ப பார்த்ததில்,
கமினோவுக்கு சிகிச்சையளிக்கும் நர்ஸ்கள்,
“ என்ன அண்ணா...இன்னிக்கு லேட்டு ” என விசாரிக்கும் அளவுக்கு நெருங்கி விட்டார்கள்.
கமினோவும், அவளது தந்தையும் ஏற்படுத்திய துக்கத்திலிருந்து தப்பிக்க ஹேராமுக்குள் புகுந்து கொண்டேன்.
ஹேராம் பற்றி, ‘என் ஆசான் சுஜாதா’ சிலாகித்து எழுதியவைகளில் சிலவற்றை உங்களிடம் பகிர்வது...
கரும்பு தின்ன கூலியும் கொடுக்கும் விஷயம்.
“ ஹேராம் இந்திப்படமோ தமிழ் படமோ மட்டும் அல்ல;
ஒர் இந்தியப்படம்.
அது உண்மைச்சம்பவத்தின் நிழலில் அமைக்கப்பட்ட ஒரு கற்பனைக்கதை.
‘டாமினிக் லாபியர்’ எழுதிய ‘நள்ளிரவில் சுதந்திரம்’ என்கிற புத்தகத்தில் மகாத்மா காந்தியை கொல்ல சதி செய்தவர்களில் மற்றொரு குழுவும் இருந்தது என்று போகிற போக்கில் குறிப்பிட்டுள்ள செய்தியின் அடிப்படையில் கமல் ஒரு சுவாரஸ்யமான கதை பின்னியிருக்கிறார்.
மொகஞ்சோதரா,கராச்சி,கல்கத்தா,சென்னை-தமிழ்நாடு,கோலாப்பூர்,டில்லி என்று நாடெங்கும் உலவும் கதை.
சாகேதராமன் என்கிற தென்னிந்திய பிராமண கதாநாயகன் கல்கத்தாவில் தன் பெங்காலி புதுமனைவியுடன் வாழத்துவங்கும் சமயத்தில் இந்து-முஸ்லிம் கலவரம் வந்து மனைவி பலாத்காரம் செய்யப்பட்டு கொல்லப்படுவதை கண் முன்னே பார்க்கிறான்.
ஒரு கணத்தில் வாழ்வில் அத்தனை எதிர்பார்ப்புகளையும் சந்தோஷங்களையும் இழந்தவனுக்கு மெல்ல மெல்ல அவன் மனைவி இறந்ததற்கு காரணம் மகாத்மா காந்திதான் என்பது மனதில் பதிவாகிறது அல்லது பதிய வைக்கப்படுகிறது.
உண்மை சம்பவத்தின் சாயலில் ஒரு கற்பனைக்கதையை பின்னுவதில் சங்கடங்களும் சந்தோஷங்களும் உள்ளன.
ஜே.எப்.கே,டே ஆப் த ஜேக்கல் [ J.F.K , Day Of The Jackal ]போன்ற படங்களுடன் இதை ஒப்பிட முடிகிறது.
சங்கடங்கள்,இவை-
உண்மை சம்பவங்களை அதிகம் திரிக்க முடியாது.
முக்கியமான சம்பவ மைல் கற்கள் அசைக்க முடியாதவை என்பது உலகமே அறியும்.
சாகேத்ராமன் கொன்றான் என்று சொல்ல முடியாது.
ஆனால் காந்தியை கொல்ல முயற்சித்தவன் சாகேத்ராமன் என்கிற அளவுக்கு உண்மையுடன் விளையாடலாம்.
உண்மைச்சம்பவத்தை படம் பண்ணுவதில் சந்தோஷங்களும் உண்டு.
படமா... நிஜமா... என்கிற பிரமிப்பை ஏற்படுத்தலாம்.
இந்தப்படத்தில் பல கட்டங்களில் இந்தப்பிரமிப்பு ஏற்படுகிறது.
உண்மையான இந்தியப்படம் இது.
கமல் மசாலா படங்களிலோ, ‘கால் கிராம்’ கதையம்சம் கொண்ட படங்களிலோ நடிப்பதை இனி நிறுத்தி விடுவார் என்று சொல்ல முடியாது.
அந்தப்படங்களில் அவ்வப்போது நடித்தால்தான் இந்த படங்களையும் எடுக்க முடியும்.
என்னை கேட்டபோது,
‘இரண்டு வகை படங்கள்’ பண்ணுவதில் தயக்கம் இருக்க கூடாது.
அவருடைய அபார திறமை இரண்டு ஜாதிக்கும் பயன்படும் என்று சொன்னேன்.
‘ஹேராம்’ கமல் என்கிற மிகச்சிறந்த கலைஞனின் நடிப்புப்பயணத்தில் அடுத்த கட்டம்.
இந்திய சினிமாவில் கதை சொல்லும் பாணியிலும்,
இந்த தேசத்தின் பலதரப்பட்ட கலாச்சாரங்களை உள் வாங்கியதாகவும்... எடுக்கப்பட்டு,
சில படங்கள்தான்... வந்திருக்கின்றன ”.
சூழ்நிலைகளை கவனிக்க தவறிய சாகேத்ராமன்,
மனைவியின் எச்சரிக்கையையும் மீறி புறப்பட்டு போய் ...
பூட்டப்பட்ட கடைகள் மட்டுமே இருக்கும் வீதியில்...
மோட்டார் பைக்கில் அலை பாய்ந்து கொண்டிருக்கும் தருணத்தில்...
நாமும் இணைந்து கொள்வோம்.
சீக்கிய இளம்பெண் ஒருத்தியை ஒல்லியான முஸ்லிம் வாலிபன் துரத்தி கொண்டு வருகிறான்.
தடுத்து நிறுத்த முற்பட்ட சாகேத்ராமை அவமானப்படுத்தி விட்டு மீண்டும் துரத்த ஆரம்பிக்கிறான்.
அதிகமான முஸ்லிம்கள் கூட்டமாக கத்திக்கொண்டு வர,
பைக்கை வேகமாக முடுக்கி ஒல்லி முஸ்லிமை தள்ளி விட்டு சீக்கியப்பெண்ணை பைக்கில் ஏற்றி தப்பித்து போகிறான் ராம்.
சீக்கியப்பெண்ணை அவளது வீட்டில் பெற்றோரிடம் ஒப்படைத்து விட்டு,
நன்றியை பெற்றுக்கொண்ட ராம்,
“ உங்கள் வீட்டில் டெலிபோன் இருக்கிறதா?” என்கிறான்.
‘இன்டர்னல் கம்போசிஷேசன் ஷாட்’மட்டும் வைத்திருக்கிறார்
‘இயக்குனர் கமல்’.
‘எக்ஸ்டர்னல் கம்போசிஷனாக’ வர வேண்டிய ‘ராமின் குரல் ’ காட்டப்பட வில்லை.
ராம் காரெக்டர் இன்னும் வெள்ளைக்காரனை புரிந்து கொள்ளவில்லை என்பதையும், இக்காட்சி மூலம் புரிந்து கொள்கிறோம்.
சரியாக சொல்லப்போனால்...ராம் வெள்ளைக்காரனுக்கு போன் செய்தது...
“ ஈழத்தமிழர்களை சிங்களவன் கொடுமைப்படுத்துகிறான்...வாங்க ...வந்து காப்பாத்துங்க” ...என்று சோனியா காந்தியிடம் போன் செய்வதற்கு சமம்.
வெள்ளைக்காரன்தான் ‘பவர் செண்டர்’ என்பதை காட்சிரீதியாக சொல்ல கிடைத்திருக்கும் வாய்ப்பை மிக கச்சிதமாக பயன்படுத்தி உள்ளார்
‘இயக்குனர் கமல்’.
இந்து-முஸ்லிம் கலவரத்தை தூண்டி விட்ட சூத்திரதாரி வெள்ளையனே என, ஏற்கெனவே காட்டப்பட்ட குறியீடுகளுக்கும்... இந்த காட்சியிலேயே விடை சொல்லி விட்டார் இயக்குனர்.
ராம் என்ன பேசினான்?
எப்படி பேசினான்?
என்பதை வெள்ளைக்காரன் டயலாக்கிலும், உடல் மொழியாலும் உணர்ந்து கொள்கிறோம்.
ராமின் அபயக்குரலை,வெள்ளைக்காரன் அலட்சியப்படுத்துகிறான்.
நக்கலடிக்கிறான்.
கொடூரமான கலவரச்செய்தியை காதில் வாங்கிகொண்டே,
காப்பி குடிக்கும் வெள்ளைக்காரனும்...
ரோம் பற்றியெறியும் போது வயலின் வாசித்த ‘நீரோ’மன்னனும்..
நேர் கோட்டில் இல்லையா!
‘இயக்குனர்’ கமலின் முத்திரை காட்சிகளுள் ஒன்றாக இதை கருதுகிறேன்.
**********************************************************************************
க்யுண்டின் டொரண்டினோ,
கமலின் ஆளவந்தானில் [Tamil \ 2001] இடம் பெற்ற கிராபிக்ஸ் காட்சி இன்ஸ்பிரேஷனில்தான்...
கில் பில் [English \ 2003] படத்தில்... அந்த உத்தியை கையாண்டேன் என்ற பத்திரிக்கை செய்தி உண்மையோ பொய்யோ தெரியாது.
வயிறெறிந்து பேதியாகும், அதிஷா வகையறாக்களுக்கு சொல்கிறேன். டொரண்டினோவின் எல்லாப்படங்களையும் விட...
'இயக்குனர் கமலின் ஹேராம் ஆளுமை' பல..பல மடங்கு மேலே....
என ஆணித்தரமாக இங்கே பதிவு செய்கிறேன்.
.jpg)
நான் இலக்கண விதிகளை மதிக்காத ஆள் ஒன்றும் இல்லை. ஆனால், அதைக் குறுக்கி, சமைக்கத் தெரிந்தவன்தான் சாப்பாட்டுச் சுவை பற்றிப் பேச வேண்டும் என்பவனும் இல்லை. எனக்குத் தோன்றியதைச் சொன்னேன். அதற்கு என் கைவசம் சான்றிதழ்கள் எல்லாம் கிடையாது.
“ஹே ராம்” ஒரு குழப்பமான படம். கமல் அதில் நிரம்ப உள்ளுறைகள் (subtext) வைத்து யாத்திருக்கிறார் என்பதும் உண்மைதான். ஆனால் காந்தியைப் புகழ்ந்து assimilate பண்ணுவது என்பது ஆர்.எஸ்.எஸ். பிற்காலத்தில் எடுத்த கொள்கைகளில் ஒன்று. சொல்லப்போனால் இது ஹிந்து தர்மத்தின் சர்வசதாக் கொள்கை (எ.டு. சக்தியை சிவனின் மனைவி என்றது; புத்தரை விஷ்ணுவின் அவதாரம் என்றது). அதைத்தான் ‘ஹே ராம்’ செய்கிறது. (ஜெயமோகனின் ‘இன்றைய காந்தி’யும்).
திரைமொழி கற்றவன் இல்லை நான். ஆனால் திரை-வலதில் (screen right) சரியான நிலைபாடு எடுப்பவரும் திரை-இடதில் தவறான கொள்கையரும் இருக்க வேண்டும் என்பது எனது இலக்கணம். அதன்படி, ‘முள்ளும் மலரும்’ சட்டக யாப்பு பல இடங்களில் உதைக்கிறது. தமிழனாக எனக்கு அர்த்தமாவது தமிழனல்லாதவனுக்கு அர்த்தமாகுமா என்னும் ஐயம் எழுகிறது.
||எந்த ஒரு கலைப்படைப்பையும் படைத்தவர் என்ன கருத்தில் படைத்திருப்பார் என்று தெரிய விரும்புவது இயல்புதான், ஆனால் அந்தக் கருத்தைத்தான் நாம் புரிந்து தீர வேண்டும் என்பது கட்டாயம் இல்லை.
உண்மையில், சிறந்ததொரு கலைப்படைப்பு என்பது அதுவே ஒரு படுபொருள் (object) ஆக மாறிநிற்பது. வானில் பொங்கிநிற்கும் முகில் ஒரு படுபொருள். அது எனக்கு முயலாகத் தெரியும்; உங்களுக்குச் சிங்கமாக. ஒரு கல்லை எடுத்துக் கொண்டால் கூட, அதில் எனக்கு நான்கு சொட்டைகள்; உங்களுக்குப் பத்துப் பன்னிரண்டு தெரியுமாய் இருக்கும். அப்படி, ஒரு படுபொருள் எப்போதுமே எல்லையற்றது. ஒரு நல்ல படைப்பும்.
அவர் தொடர்புபடுத்த எண்ணியது கிட்டாவிட்டால் என்ன, நமக்கு என்ன கிட்டுகிறதோ அதைக் கற்பித்துக் கொள்வோம். அது தவறில்லை, ஏனென்றால் வாசிக்கிறவன் கற்பித்துக் கொள்வதே நூல் (text)||
இது என்னுடைய கலைக்கொள்கை. நேசமித்ரன் கவிதைகளுக்காக எழுதியது.