‘பின்லாந்து ஓநாயும்’... ‘மிஷ்கின் ஓநாயும்’.

Crime & Punishment | 1983 | Finnish | Directed by : Aki Kaurismaki

நண்பர்களே... ‘பின்லாந்து ஓநாய்’ பதிவின் இறுதிப்பகுதியை பார்ப்போம்...

கொலை செய்த ஓநாய் முக்கியமான தடயங்களை வைத்து போலிசை எளிதாக திசை திருப்புகிறது.
தனக்கு தெரிந்தவர்கள் அனைவரிடமும் தான் செய்த கொலையை மறைக்கவில்லை.
ஆனால் போலிஸ் விசாரணையில் மட்டும் தனக்கும் கொலைக்கும் எந்த சம்பந்தமும் இல்லை என வாதிடுகிறது ஓநாய்.

போலிஸ் ஓநாயை ஆட்டுக்குட்டியிடம் காட்டி விசாரிக்கிறது.
‘இவன் இல்லை கொலைகாரன்’ என்கிறது ஆட்டுக்குட்டி.
ஒரு கட்டத்தில் ஆட்டுக்குட்டி ஓநாயை காதலிக்கிறது.
ஒரு பிச்சைக்காரனை சாதுர்யமாக சிக்க வைக்கிறது ஓநாய்.

தொழிலதிபரை கொலை செய்த போது ‘லவுட்டிய’ வாலட்டையும்...வாட்சையும் ஒரு ரயில்வேஸ்டேஷன் லாக்கரில் வைக்கிறது ஓநாய்.

லாக்கரின் சாவியை ஒரு பிச்சைக்காரனுக்கு பிச்சை போடுகிறது.

 ‘அடிச்சது ஜாக்பாட்’ என எண்ணி பிச்சைக்காரன்... 

“உல்லாச உலகம் எனக்கே சொந்தம்...

தைய்யடா...தைய்யடா...” என்று பாடிக்கொண்டே போகிறான்.

லாக்கரை திறந்து எடுக்கும் போது ஓநாயால் அனுப்பி வைக்கப்பட்ட போலிஸ் மாமாக்கள் ‘வாடா...மாப்ள’  என கைது செய்து லாக்கப்பில் தள்ளுகிறார்கள்.

ஒரு கட்டத்தில் பிச்சைக்காரன் ‘நாந்தான் கொலைகாரன்’ என ஒப்புதல் வாக்குமூலம் கொடுத்து விட்டதாக ஒரு போலிஸ் அதிகாரி சொல்வார்.

காவல்துறை ,  ‘விளிம்பு நிலை மக்களை’ எவ்வளவு எளிதாக குற்றவாளிகளாக்கி கொடுமை படுத்துகிறது என்ற உண்மையை ‘வெட்ட வெளிச்சமாக்கி ’ இருக்கிறார் இயக்குனர்.

*********************************************************************************

இதே ஸ்டைலில் மிஷ்கின் ‘அடித்தட்டு போலிஸ்காரன்’ இழிநிலையை ஒரே காட்சியில் பட்டவர்த்தனமாக்கி இருக்கிறார்.

 ‘ஐயா’ என்ற ஒற்றை வார்த்தையிலேயே தங்கள் வாழ்வை முடித்துக்கொள்ளும் அத்தனை போலிஸ்காரர்களுக்கும் இக்காட்சியை அர்ப்பணித்து உள்ளார் மிஷ்கின்.

ஆனால் இது தொடர்பான காட்சிகள்  ‘ஓநாயும் ஆட்டுக்குட்டியும்’ திரைக்கதைக்கு எந்த தேவையும் இல்லை.

ஆனால் சமுதாயச்சிந்தனை + நகைச்சுவை என இரண்டு மாங்காய் அடிக்க ‘திரைக்கதைக்கு’ சற்று வெளியில் போய் கல்லெறிந்து இருக்கிறார்  மிஷ்கின்.

மிஷ்கினை குறை சொல்லிய கோமான்கள் யாருமே ‘இத்திரைக்கதை விலகலை’ குறிப்பிடவில்லை என்பது குறிப்பிடத்தகுந்தது. 

*********************************************************************************

இறுதியில் போலி பாஸ்போர்ட் தயாரித்து சுலபமாக ‘பார்டரை’ கிராஸ் செய்கிறது ஓநாய்.
பார்டரை கிராஸ் செய்த மறு நிமிடமே திரும்பி வந்து போலிஸ் ஸ்டேஷனில் சரணடைகிறது ஓநாய்.

ஏன் இந்த சதுரங்க விளையாட்டு?

எட்டு வருடம் தண்டனை விதிக்கப்பெற்று ஜெயில் இருக்கிறது ஓநாய்.
சந்திக்க வருகிறது ஆட்டுக்குட்டி.
இவர்கள் உரையாடலில், கேள்விக்கு விடை இருக்கிறது.

Why did you come?

To tell you, I'll wait for you.

Eight years?

Will you wait eight years for me?

I'll tell you something.

The man I killed is not important.

I killed a louse, and
became one myself.

The number of lice
remained constant.

Unless I was one from
the very beginning -

but that's not important.

I wanted to kill a principle,
not a man.

Killing a man may've
been a mistake -

but everybody's satisfied now.
-You mustn't think like that.

Including me. And isolation means
nothing to me, you know why?

Because I've always been alone.

Do you know what that means?

That's why I don't want
you to wait for me.

Go away and live your own life.

We've all got to die sometime.

And there won't be a heaven
afterwards, just something else.

What?

Spiders. Or something.

How should I know?

தான் விரும்பி ஏற்றுக்கொண்ட சிறையில் அடைந்து கொள்கிறது ஓநாய்.
படம் நிறைவடைகிறது.

இயக்குனர் ‘அகி’ சித்தரிக்கும் ஓநாயை உள் வாங்க முடிந்தால்...
இயக்குனர் ‘மிஷ்கின்’ சித்தரிக்கும் ஓநாயை ஏற்றுக்கொள்ள தடை இருக்காது.

அடுத்தப்பதிவில் சந்திப்போம்...வாழ்க வளமுடன்.

‘ஃபின்லாந்து ஓநாயும்’... ‘ஃபின்லாந்து ஆட்டுக்குட்டியும்’.

நண்பர்களே!
இன்று பின்லாந்து திரைப்படம் ஒன்று பார்த்தேன்.
அசந்து போய் விட்டேன்.
ஓநாயும் ஆட்டுக்குட்டியும் படத்திற்கு எதிர் வினையாற்றுபவர்கள் அத்தனை பேருக்கும் இப்படத்தை சிபாரிசு செய்கிறேன்.
ஏனென்றால் இந்தப்படம் பார்த்தால்தான் மிஷ்கின் எப்பேற்பட்ட படத்தை நமக்கு வழங்கி இருக்கிறார் என்று கொண்டாட முடியும்.

ரஷ்ய இலக்கிய மாமேதை  'பியதர் தஸ்தாவ்யஸ்கியின் கிரைம் & ஃபனிஷ்மெண்ட்’ நாவலைத்தான் தனது பாணியில் திரைக்கதையாக்கி தனது முதல் படமாக வழங்கி உள்ளார் இயக்குனர் Aki Kaurismaki.

Crime & Punishment | 1983 | Finnish | directed by : Aki Kaurismaki.

படத்தின் முதல் காட்சியே ஓநாய் வேலை செய்யும் இடத்தையும்,
ஓநாயின் பணியையும் தெளிவாக்குகிறது.
உரித்து வைத்த மாடுகளை...துண்டு துண்டாக வெட்டும் தொழிற்சாலை.
ஓநாய் அந்த வேலையை ரசித்து செய்கிறது.
எல்லோரும் பணி முடித்து சென்ற பிறகு அந்த இடத்தில் உள்ள ரத்தத்தையும், சதைப்பிசிறுகளையும் தண்ணீரை பீச்சி அடித்து சுத்தம் செய்கிறது.
நிதானமாக...பொறுமையாக...அத்தனையையும்  ‘சுத்தமாக’ சுத்தம் செய்கிறது.

இந்தக்காட்சியை, விலாவாரியாக...நீண்ட ஷாட்களின் மூலம்...
நம் மண்டைக்குள்...ஏன் திணிக்கிறார் இயக்குனர்?
அடுத்தக்காட்சியே ஓநாய் ‘ஒரு கொலை’ செய்கிறது.
அதான் இத்தனை ‘விலாவாரி’.

ஒரு தொழிலதிபர் காரை ஓட்டிக்கொண்டு வீட்டுக்கு வருகிறார்.
காத்திருந்த ஓநாய் பின் தொடர்கிறது.
‘தந்தி வந்திருக்கிறது’ என்கிறது ஓநாய்.
தொழிலதிபர் தந்தியை வாங்கிக்கொண்டு ‘பெற்றுக்கொண்டதற்கான அத்தாட்சி பாரத்தில்’ கையெழுத்திட்டு கொண்டு வருவதற்காக வீட்டுக்குள் செல்கிறார்.
கையெழுத்து இட்டுக்கொண்டு இருக்கிறார்.
ஓநாய் உள்ளே வந்ததைக்கண்டு திடுக்கிட்டு வினவுகிறார்.

What are you doing here?

துப்பாக்கியை எடுக்கிறது ஓநாய்.

I've come to kill you.

Why?

You'll never know.

If you want money...

துப்பாக்கியால் குறி வைக்கிறது ஓநாய்.

What do you want?

ஓநாய் துப்பாக்கியால் சுடுகிறது.
சாய்ந்து கீழே விழும் போது ஒரு கண்ணாடி ஜாடியை தட்டி விட்டு விழுகிறார்.
கண்ணாடி ஜாடி விழுந்து நொருங்குவது மட்டும் ‘ஸ்லோமோஷனில்’ காட்டப்படுகிறது.
 ‘மாஸ்டர்கள்’ வயலன்சை...பொயட்டிக் வயலன்சாக இப்படித்தான் மாற்றுவார்கள்.
சந்தேகமே இல்லாமல் இயக்குனர் அகி  ‘மாஸ்டர்தான்’.
மாஸ்டர் என்ற அந்தஸ்தில் இந்தியாவில் சத்யஜித்ரே, ரித்விக் கட்டக்கை மட்டுமே சொல்ல முடியும்.
வேறு யாரையும் அந்த ‘அரியணையில்’ ஏற்ற முடியாது.

ரத்த வெள்ளத்தில் மிதந்து கிடப்பவரை பார்க்கிறது ஓநாய்.
‘மேகி தக்காளி சாஸை’ தொடுவது போல அவரது ரத்தத்தை தொட்டு பார்க்கிறது ஓநாய்.
கையில் இருந்த ரத்தத்தை தனது கைகுட்டையில் துடைத்து தனது கோட் பாக்கெட்டில் பத்திரப்படுத்துகிறது.
அவர் கையில் கட்டிய வாட்சையும்...அவரது ‘வாலட்டையும்’ எடுத்து
ஒரு  ‘கேரி பேக்கில்’ பத்திரப்படுத்துகிறது ஓநாய்.

இத்தனையையும் நிறுத்தி நிதானமாக செய்து விட்டு,
இருக்கையில் அமர்ந்து மேஜையை ஆராய்கிறது ஓநாய்.
ஒரு  ‘பெண் ஆட்டுக்குட்டி’ திறந்திருந்த வீட்டினுள் நுழைந்து பிணத்தையும் இவனையும் பார்த்து அதிர்ச்சி ஆகிறது.

‘யார் நீ? ஏன் இப்படி செஞ்சே?’ என்கிறது ஆட்டுக்குட்டி.
 ‘சும்மாதான்...சரி...சரி...போலிசுக்கு போன் பண்ணு’ என்கிறது ஓநாய்.
 ‘ நீ இந்த இடத்தை விட்டுப்போ...அப்புறம் நான் போன் பண்றேன்’ என்கிறது ஆட்டுக்குட்டி.

இந்தக்காட்சிக்கு ‘லாஜிக்’ பார்க்க தொடங்குபவர்கள் இதோடு விலகி விடுங்கள்.
அக்கி சித்தரிக்கும் ‘மாய உலகிற்குள்’ பிரவேசிக்க விருப்பமுள்ளவர்கள் தொடருங்கள்.

அடுத்தப்பதிவில்  ‘இயக்குனர் அக்கியின் சித்து விளையாட்டை’ முழுமையாக காணலாம்.