இடைவேளை

மே 20ம் தேதி ஒரு சிறு அறுவை சிகிச்சை.கழுத்தில் ஒரு கட்டியை டென்னிஸ் பால் சைசுக்கு செல்லமாக வளர்த்து வந்தேன்.என்னை மயக்கமடைய வைத்து எனக்கு தெரியாமல் திருட்டுத்தனமாக எடுத்து விட்டார் டாக்டர்.இப்போது பயாப்ஸி ரிப்போர்ட்டும் வந்து விட்டது.
எல்லாம் நார்மல்.
வீட்டுக்கு வந்ததும் என் மனைவி ஒரே ஒரு கண்டிசன் போட்டாள்.
“கம்ப்யூட்டர் பக்கம் போகக்கூடாது”
‘எப்போ போலாம்?’
 ‘10 நாள் அது கிட்டேயே போககூடாது’
‘சரி..தாயே...’
இந்த விடுமுறையில் தினமும் இரண்டு படம் பார்த்தேன்.
கொஞ்சம் தெம்பு வந்ததும் நண்பர்கள் வலைப்பக்கங்களை மேய்ந்து கமெண்ட் போட்டேன்.
இன்னும் ஒரு வாரத்தில் முழுமையாக தேறி பார்த்து ரசித்த படங்களை பதிவிடுகிறேன்.
ஆப்பரேசன் தியேட்டருக்கு என்னை ஸ்ட்ரெச்சரில் அழைத்து செல்லும் போது ஒரு கேள்வி பிறந்தது.
அல்பசினோவை ஒரு படத்தில் முதல் காட்சியிலேயே ஸ்ட்ரெச்சரில்  கொண்டு செல்வார்கள். [பிரையன் டி பால்மா இயக்கத்தில் வந்தது]
அது என்ன படம்?
தெரிந்தால் சொல்லுங்கள்!