சூப்பர் + ஸ்பைடர் + அயர்ன் மேன் + ஜேம்ஸ்பாண்ட்= துரைசிங்கம்.

நண்பர்களே...
சிங்கம் 2... பார்த்து பதிவெழுத இத்தனை நாளா !
என கோபிக்க வேண்டாம்.
அப்படத்திலுள்ள  ‘உள்ளொளியை’ உடனே தரிசிக்க நான் ஜெயமோகன் அல்ல.
ஹரியின் இயக்கம்,   ‘மரியோ கைர்ஸா புர்ஸா’ பாணியை ஓத்திருந்தது...
என எழுத நான் சாருவும் அல்ல.
ஏதோ ஒன்றிரண்டு உலகசினிமா பார்த்து விட்டு ஜல்லியடிக்கும் சாதாரணன்.

உலகில் உள்ள அத்தனை ‘சூப்பர் ஹீரோக்களையும்’ தூக்கி,
கிரைண்டரில் போட்டு...
அரைத்து... சாணியாக்கி....
‘துரை சிங்கத்தை’ உருவாக்கிய
இயக்குனர் ஹரிக்கு மனமார்ந்த பாராட்டுக்கள்.

சிங்கம் 2...வசூலில் ஒரு ‘சகலகலா வல்லவன்தான்’ சந்தேகமில்லை.
மூணுநாளில் 50 கோடி வசூலாம்.
எனக்கு சந்தேகமாக உள்ளது.
இன்கம்டாக்ஸ்காரர்களுக்கு பயந்து,
கணக்கை குறைச்சு காட்டி சொல்ராங்கன்னு நினைக்கிறேன்.
அனுஷ்கா மார்பை கிராபிக்ஸ்லே மறைச்சு காட்டிய,
செப்பிடு வித்தைக்காரர்களுக்கு,
வருமானத்தை குறைச்சுக்காட்டத்தெரியாதா!

விஸ்வரூபம், பரதேசி, சென்னையில் ஒரு நாள், சூது கவ்வும், நேரம்ன்னு தமிழ் சினிமா தவறான பாதையில் போய்க்கொண்டிருந்தது.
ஹரியும் , சூர்யாவும் சரியான பாதையில் தமிழ் சினிமாவை திருப்பி உள்ளார்கள்.
இனி தொடர்ந்து இத்திருப்பணியை பேரரசு, இராமநாராயணன் வகையறாக்கள் செவ்வனே செய்வார்கள் என்ற நம்பிகையில் இனி நாம் நிம்மதியாக தூங்கலாம்.

ஹன்சிகாவை  ‘பள்ளியறைச்சீருடையில்’ பாத்த உடனே,
நான் என் ஸ்கிரிப்டை எரிச்சிட்டேன்.
அது இனி வேலைக்கு ஆகாது.
பரவை முனியம்மாவை  வைச்சு ‘துள்ளுவதோ இளமை 2’ எடுக்கப்போறேன்.
 ‘தனுஷ் - பரவை’  ‘லிப்லாக்கை’ தரிசிக்க தயாராகட்டும் தமிழகம்.

மொத்தப்படத்தையும் ஹெலிகாப்டர்ல இருந்து ஷூட் பண்ணப்போறேன்.
 ‘பஞ்ச்’ டயலாக் சீனை பறந்து பறந்து எடுப்பேன்.
இதுக்காக கின்னஸ்ல இடம் பிடிக்கும் ‘தம்ளராக’ இனி நான் ஒருவனே இருப்பேன்.

‘சிங்கம் 3’ நிச்சயம் எடுப்பார் இயக்குனர் ஹரி.
‘இரும்புக்கை மாயாவி’ என்ற சூப்பர் ஹீரோவின் சக்தி கொண்ட கதாபாத்திரமாக  ‘துரை சிங்கத்தை’ படைக்க வேண்டும்.
 ‘இரும்புக்கை மாயாவி’ மின்சாரத்தில் கை வைத்த உடன் மாயமாக மறைந்து போய் விடும் சக்தி கொண்டவர்.
 'மின்வெட்டு தமிழகத்தில்' துரை சிங்கம் மின்சாரத்தினால் சக்தி பெறுவதாக  காட்சி அமைத்தால் ‘லாஜிக்’ இடிக்கும்; ஹீரோயிஸம் அடிபடும்.
எனவே துரைசிங்கத்துக்கு இரும்புக்கை கூட தேவையில்லை.
வெறுமனே ‘நட்ட நடு விரைலை’ சூரியனிடம் காண்பித்தாலே ‘மாயமாக’ மறையும் சக்தி வருவதாக ‘கதை’ பண்ணி விடுங்கள் ஹரி...ப்ளீஸ்.

அனுஷ்காவுடன் பாடல் காட்சி என்றால் சந்தானம் என்ன...
‘மிஸ்டர் பீனே’ கால்ஷீட் கொடுத்து விடுவார்.

சிங்கம் 2 வில்லனுக்கு, ஹாலிவுட் ஸ்டாரை போட்டு பெயர் வாங்கி விட்டீர்கள்.
காமெடிக்கு ‘மிஸ்டர் பீனை’ போட்டு  ‘முதன் முதலாக’ பெயரைத்தட்டுங்கள்.

கங்னம் டான்சை, மரணக்குழிக்கு தள்ளிய சிங்கம் டான்ஸ்தான்...
இனி உலகத்திற்கே ‘ரெகார்ட் டான்ஸ்’.

உலகின் முதல் ‘அகிலாண்ட சினிமா’...  சிங்கம் 2.
இப்படத்தை சிறப்பாக உருவாக்கிய குழுவினர் அனைவருக்கும் வாழ்த்துக்கள்.

சிங்கம் 2 பதிவு பற்றி யாராவது எதிர்ப்பு தெரிவித்தீர்கள் என்றால் 1000 பதிவுகள் போட்டு இதிலுள்ள குறியீடுகளை விளக்குவேன் என எச்சரிக்கிறேன்.

இனி உலகசினிமா பதிவா ?
‘ஆமென்’.