சமர் = ‘ போர் ’

நண்பர்களே...
அ னைவருக்கும் இனிய பொங்கல் வாழ்த்துக்கள்.

திருவை மட்டும் வாழ்த்த முடியாது.
வசவுதான்.
வேறு வழியில்லை.
படமா எடுத்திருக்கிறார்!
படு திராபை.

திரு = திரைக்கதையின் அரிச்சுவடி தெரியாத இயக்குனர்.

தமிழ் சினிமா இயக்குனர்களில் 90  சதவீதம் பேர்...
சஸ்பென்சுக்கும்... சர்ப்ரைசுக்கும்... வித்தியாசம் தெரியாத ‘மண்டூகங்கள்’.

திரில்லர் படம் எடுக்க ஆசைப்பட்டதில் தப்பில்லை.
திரில்லர் படங்களின் அடிப்படை விதி தெரியாமல் படமெடுத்தது
வடி கட்டிய முட்டாள்தனம்.

திரில்லர் படங்களுக்கு இலக்கணம்...ஹிட்ச்ஹாக்தான்.
அவரது படங்களை திருப்பி திருப்பி பார்த்தாலே போதும்.
ஏகலைவனாகி விடலாம்.

அற்புதமான திரில்லர் படமாக வந்திருக்கக்கூடிய கதையை,
 ‘திரைக்கதையை  சொதப்புவது இப்படி’ என பாடமாக்கியிருக்கிறார்கள்.

நான் இந்தப்படத்தை மிகவும் நம்பி பார்க்கச்சென்றேன்.
காரணம் இயக்குனர் பெயர் திரு.
ஹேராம் ஒளிப்பதிவாளர் திருதான் இப்படத்தை இயக்கியுள்ளார் என நம்பி
ஏமாந்தேன்.
மிஸ்டர் இயக்குனர்... உங்கள் பெயரை  ‘திரு திரு’ என வைத்துக்கொள்ளவும்.
இந்தப்பெயர்தான் உங்களுக்கு சாலப்பொருத்தம்.
படம் பூரா நீங்க...திருதிருன்னு பேய் முழி முளிச்சிருக்கீங்க.

படத்திற்கு ‘சமர்’ என்ற பெயரின் மற்றொரு அர்த்தம்  தியேட்ட்டரில்தான் விளங்கியது.

இப்படிப்பட்ட படங்களுக்கு தியேட்டர் கொடுங்கள்.
விஸ்வரூபத்திற்கு கொடுக்காதீர்கள்.
அப்போதுதான் தியேட்டர்கள் ‘கண்ணன் டிபார்ட்மெண்டல் ஸ்டோராக’ மாற வசதியாயிருக்கும்.

நண்பர்களே...‘13 ஜமட்டி’ என்ற உலகசினிமாவை பாருங்கள்.
ட்ரூமேன் ஷோ என்ற படத்தையும் பாருங்கள்.

இரண்டையும் மிக்ஸியில் அரைத்த  ‘சமர்’ படத்தையும் பாருங்கள்.
மயிலையும் வான்கோழியையும் கண்டுணருங்கள்.

The Truman Show \ 1998 \ English \ Directed by Peter Weir
13 TZAMETI \ 2005 \ French & Georgian \ Directed by Gela Babluani.

13 \ 2010 \ English \ Directed by Gela Babluni
13 ஜமட்டியை...13 என்ற பெயரில் அதே இயக்குனர் ஹாலிவுட்டில் படமாக்கினார்.
ஒரிஜினலில் இருந்த ஜீவன், ஹாலிவுட் படத்திலேயே மிஸ்ஸாகி...
குதிரை கழுதையாகி விட்டது.
கோலிவுட்டில் ‘கழுதை கட்டெறும்பாகி விட்ட’ அவலம் நேர்ந்ததில் ஆச்சரியமில்லை.

அடுத்தப்பதிவில் சந்திப்போம்.