உலகசினிமா பார்க்க ஆங்கிலம் தேவை இல்லை.

உலகசினிமா பார்க்க ஆங்கிலத்தில் மிகுந்த புலமை தேவை என்ற பொதுப்புத்தி நிலவி வருகிறது.
ஹாலிவுட் மசாலா படங்களை பார்க்க வேண்டுமென்றால் ஆங்கில அறிவு தேவைப்படலாம்.
உலகசினிமா பார்க்க ஆங்கில அறிவு அறவே தேவையில்லை.
இதற்க்கு முழு உதாரணம் நான்தான்.
நான் ஆங்கிலப்பாடத்தில் 35 மதிப்பெண் ஆசிரியர்கள் தயவில்தான் பெற்று ஜஸ்ட் பாஸாகியிருக்கிறேன்.
இப்படிப்பட்ட நானே சினிமாவின் மேல் உள்ள ஆர்வத்தால் இரண்டாயிரத்துக்கும் மேற்ப்பட்ட படங்கள் பார்த்து விட்டேன்.
இன்றும் நான் ஆங்கிலத்தில் அறைகுறைதான்.
ஆனால் சினிமா மொழி பழகிவிட்டேன்.

சினிமா மொழி நல்ல உலகசினிமாக்களை தொடர்ந்து பார்க்க ஆரம்பித்தாலே ந்மக்கு பழகிவிடும்.
சினிமா மொழி பழகிவிட்டால் உலகின் எந்த உலகசினிமாவையும் உள் வாங்க முடியும்.

கோணங்கள் பிலிம் சொசைட்டி சேரிப்பகுதிகளில் பை சைக்கிள் தீப்,சில்ட்ரன் ஆப் ஹெவன் போன்ற படங்களை தொடர்ந்து பலபகுதிகளில் திரையிட்டு வருகிறார்கள்.
படம் முடிந்த பிறகு நடக்கும் கலந்துரையாடலில் படத்தை அந்த மக்கள் அழகாக உள் வாங்கியது மிகத்தெளிவாக வெளிப்படும்.
ஆங்கிலம் படித்த மேதாவிகளை விட அந்த மக்கள் அந்தப்படத்தை அழகாக அலசுவர்.
என்னை கேட்டால் உலகசினிமா பார்க்க ஆங்கிலம் அறவே தேவையில்லை என்று ஆணித்தரமாக சொல்வேன்.

ஒவியத்தை பார்த்து ரசிக்க மொழி தேவையா?
நல்ல சினிமா.... ஒவியம் போலவே உங்களோடு பேசும்.

உலகசினிமா பாருங்கள்.... வாழ்க்கை கொண்டாட்டமாக இருக்கும்.